ۋنيۆەرسيتەتتە ءدارىس وقىدى

پار­لا­­مەنت سەناتىنىڭ دەپۋتاتى اقان بي­جانوۆ اباي اتىنداعى قازاق ۇلت­تىق پەداگوگيكالىق ۋنيۆەرسيتەتىنىڭ پروفەسسورلىق-وقىتۋ­شى­­لار قۇرامى جانە ستۋدەنتتەرىمەن كەز­دە­سىپ, «ەگەمەن قازاقستان جانە ەلباسى» تا­قى­رى­بى بويىنشا لەكتسيا وقىدى. سەناتور بيىل ءبىزدىڭ ەلىمىز تۇڭعىش پرەزيدەنت كۇنىن قازاقستان تاۋەل­سىز­دى­گىنىڭ 25 جىلدىعى قارساڭىندا اتاپ ءوت­كەلى وتىرعانىنا توقتالدى. سەناتور ءبىز­دىڭ مەملەكەتىمىزدىڭ جاڭا تاريحىندا بولىپ جاتقان ساياسي جانە الەۋمەتتىك-ەكو­نو­مي­كا­لىق تۇبەگەيلى وزگەرىستەر مەملەكەت باسشى­سى­ ن.ءا.نازارباەۆتىڭ ەسىمىمەن تىعىز بايلا­نىستى ەكەنىن اتاپ كورسەتتى. دەپۋتات ءوز سوزىندە ەلىمىزدىڭ تۇڭعىش پرە­زيدەنتى – ەلباسىنىڭ مەملەكەتتى قۇرۋ­داعى جانە دامىتۋداعى, الەمنىڭ الدىڭعى قا­تاردا دامىعان 30 ەلىنىڭ قاتارىنا ەنۋ­دەگى جا­ڭا جەتىستىكتەرگە قازاقستان حال­قىن جۇ­مىلدىرۋداعى  رولىنە ەرەكشە ەكپىن ءتۇسىردى. ءسوزىنىڭ سوڭىندا ا. بيجانوۆ كەزدەسۋگە قاتىسۋشىلاردى الداعى مەرەكەلەرمەن قۇتتىقتادى جانە ۋنيۆەرسيتەتتىڭ پرو­فەسسورلىق-وقىتۋشىلار قۇرامىنا ەلى­مىز­دىڭ قاجەتىنە وراي جوعارى بىلىكتى ماماندار دايارلاۋ جۇمىستارىنا تىلەكتەستىگىن ءبىل­دىردى, دەپ حابارلادى پارلامەنت سەناتىنىڭ ءباسپاسوز قىز­مەتى.