كوشباسشىمىز كورسەتكەن كوكجيەك - ۇزدىكسىز تابىسقا جەتۋ ۇلگىسى

ەلىمىزدەگى ماڭىزى زور جال­پىۇلتتىق مەرەكە – قازاقستان تاۋەلسىزدىگىنىڭ 25 جىلدىعى قارساڭىندا جاس مەملەكە­تى­مىزدىڭ دامۋ بارىسىن, تابىسى مەن جەتىس­تىگىن باعالاۋ قاجەت ءارى عيبراتتى. شيرەك عاسىرلىق مەرەيتويدىڭ ەرەكشەلىگى سول, قوعام دا وسى وتكەن تاريحي كەزەڭدە قول جەتكەن جەتىستىكتەردى سارالاپ, ساۋالدارعا جۇيەلى جاۋاپ ىزدەيتىنى, ورىن العان وزگەرىستەردى ساراپقا سالاتىنى حاق. تاۋەلسىزدىكتىڭ 25 جىلدى­عى ەكونوميكامىز ءۇشىن كۇر­دە­لى جىل بولىپ وتىر. الەم ەكونوميكاسىنداعى قيىنشى­لىق, گەوساياسي قاربالاس, كورشى­لەرى­مىزدە ورىن العان رەتسەسسيا مەن ءوسىمنىڭ باسەڭدەۋى, وسىنىڭ بارلىعى قازاقستاندىق ەكونو­ميكانىڭ دامۋ ىرعاعىنا دا اسەر ەتۋدە. وسىنداي كۇردەلى جاع­داي­دا قابىل­دانىپ جاتقان شارا­لاردىڭ جەتكىلىك­سىزدىگىن ايتاتىن, سەبەپتەرىن كورسەتەتىن جانە ءوزىنىڭ پىكىرىن ۇسىناتىن ساراپشىلار قاشاندا تابىلادى. دەگەنمەن, بۇل ۇسىنىستاردىڭ پايدالى ەكەندىگىن ەسكەرە وتىرىپ, بەتپە-بەت كەلىپ وتىرعان بارلىق قيىنشىلىقتارعا قاراماستان قازاقستان ەكونوميكاسى كەزەكتى رەت دامۋدا, مەيلى, ول ازداپ بولسىن, ءبارىبىر دامۋ ۇستىندە ەكەنىنە نازار اۋدارۋ وتە ماڭىزدى. قازان ايىنىڭ قورىتىندىسىنا قاراعاندا, باعالاۋ بويىنشا ءوسىم جىلدىق جوسپاردان 0,5 پايىزعا ارتتى جانە بۇگىنگى تاڭدا 0,6 پايىزدى قۇرادى. قازاقستاننىڭ ەكونوميكاسى اي سايىن ءوسۋ ۇستىندە, تاۋار­لار مەن قىزمەتتەر ءوندىرىسى ۇل­عايىپ, جۇمىس ورىندارى قۇرى­لۋدا جانە ساقتالۋدا, جاڭا ينۆەستيتسيا ءۇشىن تارتىمدىلىق ساقتالىپ, سالىق تۇسىمدەرى ارتۋدا. وسى دامۋ ءۇردىسىن قازاق­ستان­نىڭ ەكونوميكاسى 1999 جىلدان باستاپ 17 جىل بويى ۇزدىكسىز پاش ەتۋدە, ياع­ني ءبىزدىڭ تاۋەلسىزدىك تاريحى­مىزدىڭ ەداۋىر بولىگىندە ەكونوميكانىڭ قۇل­دىراۋى ورىن العان ەمەس. ەلىمىز 17 جىل بويى ۇنەمى ەكونو­مي­كالىق دامۋ ۇستىندە! بۇل دەگەنىڭىز قازاقستاننىڭ 25 جىلدىق تاريحىن­داعى ەڭ زور جەتىستىكتى – تۇراقتىلىقتى كورسەتەدى. ال بۇل ەڭ جوعارى جەتىستىك ەمەس پە! بۇل تابىس ءوز-وزىنەن بولعان جوق, اياق استىنان پايدا بولا كەتكەن كەزدەيسوق باقىتتىڭ بەلگىسى ەمەس نەمەسە رەسۋرستارعا باعانىڭ وسۋىنەن دە ەمەس. بۇل ءبىزدىڭ پرەزيدەنتىمىز – ەلباسى ن.ءا.نازارباەۆتىڭ سەنىمدى سترا­تەگيالىق باعىتى مەن ەرەن ەڭبەگىنىڭ ناتيجەسى, ونىڭ وسى جىلدار ىشىندە جۇرگى­زىپ كەلە جاتقان دايەكتى ەكونو­مي­كالىق ساياساتىنىڭ جەمىسى. تاۋەلسىزدىكتىڭ العاشقى كۇنىنەن باستاپ-اق پرەزيدەنت ن.ءا.نازارباەۆ تابىستىڭ نەگىزگى فورمۋلاسى بولىپ وتىرعان قازاقستاندىق ەكونوميكانى قۇرۋدىڭ نەگىزگى ۇستانىمدارىن ناقتى ايقىنداپ بەردى. ول ەركىن باسەكەلەستىككە قۇرىلعان, جەكە كاسىپكەرلىكتىڭ دامۋىنا دەن قويعان, شەتەلدىك ينۆەستيتسيالار مەن جاڭا تەحنولوگيالار اعىنىنا باعىتتالعان اشىق ەكونوميكانى قۇرا باستادى. ءوز كوشباسشىسىنىڭ ۇزاق مەرزىمدى جوسپارىنا ساي, ەلىمىز دۇنيەگە جارقىن جۇزبەن قاراپ, كورشىلەرىمىزبەن نيەت­تەستىكتە دامي باستادى, ساۋداداعى بوگەت­تەردى ەڭسەرە جانە باسەكەلەستىكتى ورىستەتە وتىرىپ, الەمنىڭ بارلىق ارتىقشىلىعى مەن يگىلىگىنە كەڭ ەسىك اشا ءبىلدى. ءدال وسى ستراتەگيالىق ۇزاق مەرزىمدى ماقساتتىڭ ارقاسىندا پرەزيدەنت ەلدە باسەكەگە قا­بى­لەتتى, ماسىل بولۋدان اۋلاق, ءتىپتى ەڭ ءبىر قيىن جىلداردان دا قايىسپاي شىققان كۇشتى ءجا­نە ارقاۋلى كاسىپكەرلىك تاپ قالىپ­تاستىردى. وسى جىلدار ىشىندە قازاقستان نارىقتىق ەكونوميكاعا كوشتى, دۇنيە­جۇزىلىك ساۋدا ۇيىمىنا كىردى, ەۋرازەق قاتىسۋشىسىنا اينالدى, مۇنىڭ بارلىعى ءبىز­دىڭ كاسىپكەرلەرىمىز ءۇشىن ءمۇم­كىندىكتەر تۋعىزدى, نارىق ءۇشىن كۇرەسكە دە ءتۇسىردى, دەگەنمەن, قازاقستاندىق بيزنەس ءوز ۇستا­نىمىنا بەرىك بولا ءجۇرىپ, ءبىلىم الۋدان, بەيىمدەلۋدەن جانە دامۋدان جاڭىلمادى. تەك سوڭعى التى جىلدا عانا قازاق­ستاندىق بيزنەس 34,8 ترلن تەڭگە ينۆەستيتسيا سالدى, 3,2 ملن ادامدى جۇمىسپەن قامتىدى. بۇل پرەزيدەنت تاڭداعان ەكونوميكانى قۇرۋ ۇستا­نى­مدارىنىڭ دۇرىس بولعاندىعىن جانە بىرەگەي ناتيجە – 17 جىل بويى ۇزدىكسىز ەكونوميكالىق دامۋدى پاش ەتەدى. اعىلشىن تىلىندە كوبىنەسە «ورالىمدى, ءيىلىمدى» دەگەن ماعىنا بەرەتىن «resilient» دەگەن ءسوز بار. تاۋەلسىزدىكتىڭ 25 جىلى ىشىندە سىرتقى ورتاعا يكەمدى, دامۋدا تۇراقتى, ءبىزدىڭ جاس مەملەكەتىمىزدىڭ قۇرىلۋى مەن جاڭا ەركىن ۇلتتىڭ قالىپ­تا­سۋىنا سەنىمدى نەگىز بولا العان ەكونوميكا قۇرىلدى. مەملەكەت باسشىسى ءاردايىم شەتەل­دىك ينۆەستيتسيانى ەلگە اكەلۋگە ايرىقشا نازار اۋدارىپ وتىردى. اسىرەسە, تاۋەلسىز ەلىمىز جاڭادان دامۋ جولىنا تۇسكەن كەز­دە قارجى اسا قات ەدى, پرەزيدەنتتىڭ جەكە كۇش سالۋىنىڭ ارقاسىندا ەلىمىزگە ونەر­كاسىپكە, قىزمەتتەرگە, اۋىل شارۋا­شى­لىعىنا جانە باسقا دا سالالارعا قاجەتتى ينۆەستيتسيالار اكەلىندى. قازاقستان الەمنىڭ كوپتەگەن الپاۋىت كومپانيالارى بيزنەس جۇرگىزۋ ءۇشىن تاڭداعان تارتىمدى مەكەنگە اينالدى. تاۋەلسىزدىك جىلدارى قازاقستانعا 265 ملرد اقش دوللارىنان استام تىكەلەي شەتەلدىك ينۆەستيتسيا سالىنعان ەكەن. 1993 جىلى ۇلتتىق ۆاليۋتامىز – تەڭگە ەنگىزىلگەن كۇننەن باستاپ, تىكەلەي شەتەلدىك تازا ينۆەستيتسيالار اعى­نىن­دا جاعىمسىز جاعداي ورىن العان ءبىر دە ءبىر جىل بولعان ەمەس. قازاقستانعا 23 جىل بويى تىكەلەي شەتەلدىك تازا ينۆەستيتسيالار قۇيىلىپ تۇردى. بۇل سەنىم – مەملەكەت باسشىسى جۇرگىزگەن ەكونوميكالىق ساياساتتىڭ ەكىنشى جەڭىسى. وسى ۋاقىت ىشىندە الەمدىك ەكونوميكا ەكونوميكالىق جانە قارجىلىق قيىندىقتى بىرنەشە مارتە باستان كەشىردى. كوبى, ونىڭ ىشىندە, دامىعان ەكونوميكاسى بار ەلدەر دە كاپيتالدىڭ كە­رى كەتۋىنە تاپ كەلدى. 1997 جىلعى ازيا­­داعى داعدارىستى, 1998 جىلعى رە­سەي دە­فولتىن, 2008-2009 جىلدارداعى الەمدىك قار­جى داعدارىسىن ەسكە الساق تا جەتكىلىكتى. بىراق الەمدە ينۆەستورلار قانداي جاعدايعا تاپ كەلسە دە وزدەرىنىڭ ۇزاق مەر­زىمدى ينۆەستيتسيالىق سالىمدارى ار­قىلى قازاقستانعا سەنىم ارتتى. كو­بىنە, وسىنىڭ ارقاسىندا, رەسپۋبليكا ەكونوميكاسىنىڭ ناقتى كولەمى 2,2 ەسە ءوستى. ينۆەستيتسيالار ونەركاسىپكە جاڭا تىنىس بەردى, 1991 جىلمەن سالىستىرعاندا 2015 جىلعى ءونىم ءوندىرۋ كولەمى 127,5%-عا ارتتى. مەتاللۋرگيا, ماشينا جاساۋ جانە قۇرال-جابدىق, مۇناي, گاز ءوندىرۋ سالاسى ەداۋىر ءوستى. 1998 جىلدان باستاپ ونەر­كاسىپتەگى ەڭبەك ونىمدىلىگى 20 ەسەگە ارتقان! وسىنداي جەتىستىكتەر اۋىل شارۋا­شى­لىعىندا دا ورىن الدى. اۋىل شا­رۋا­­شىلىعىنداعى نەگىزگى كاپيتالعا سا­لىنعان ينۆەستيتسيا سوڭعى 12 جىل ىشىندە (2003-2015) 3,7 ەسە ءوستى جانە 2015 جىلدىڭ قورىتىندىسى بويىنشا 163,9 ملرد تەڭگەنى قۇرادى. جىل سايىن اۋىل­شا­رۋا­شىلىق داقىلدارىنىڭ ەگىن القابى كەڭەيە تۇسۋدە: تەك سوڭعى 5 جىل ىشىندە 16,2 ملن. گا-دان 21,0 ملن گا-عا ارتتى. قازاقستان استىق ەكسپورتى بويىنشا جەتەكشى ورىندى يەلەنەدى جانە ەكسپورتتاۋشى ەلدەردىڭ وندىعىنا كىرەدى. قۇرىلىس سالاسىندا دا جاعىمدى ديناميكا بايقالادى. وسى جىلدار ىشىندە رەسپۋبليكادا 115,1 ملن شارشى مەتر تۇر­عىن ءۇي پايدالانۋعا بەرىلدى, وسى­­نىڭ ناتيجەسىندە 1 ملن-نان استام وتباسى باسپاناعا يە بولدى. وسى مەرزىم ىشىندە 2,3 مىڭ شاقىرىم تەمىر جول جانە 7,4 مىڭ شاقىرىم اۆتوكولىك جولى سالىندى. بۇل مەملەكەت باسشىسىنىڭ ەلىمىزگە جاڭا ينۆەستيتسيا تارتۋعا كۇش سالۋىنىڭ ارقاسىندا مۇمكىن بولعان ەكونوميكالىق تابىستاردىڭ تولىق ءتىزىمى ەمەس. ينۆەستورلار دا قازاقستاننىڭ ۇزاق مەرزىمدى, تابىستى دامۋىنا, ونىڭ كوشباسشىسى ن.ءا.نازارباەۆتىڭ سەنىمدى ستراتەگيالىق باعدارىنا سەنىم ارتۋدا. دەگەنمەن, وسىناۋ 25 جىل ىشىندەگى ەل پرەزيدەنتىنىڭ ەكونوميكالىق سايا­ساتىنىڭ ماڭىزدى جەتىستىگى ەكونومي­كا­لىق تابىستاردى حالىقتىڭ ءال-اۋ­قا­تىن شىنايى ارت­تىرۋعا باعىت­تاۋى بولىپ تابىلادى. ول تەك تۇراقتى ەكونوميكانى عانا قۇرىپ قويعان جوق, الەۋمەتتىك مىندەتتەردى شەشە الاتىن ەكونوميكانى دا قۇرا ءبىلدى. بۇل حالىقتىڭ ءومىر ءسۇرۋ دەڭگەيىن كوتەرۋدىڭ نەگىزىنە اينالدى جانە دۇنيەجۇزىلىك بانكتىڭ سارالاۋىنا سايكەس, قازاقستاننىڭ تابىسى ورتا دەڭگەيدەن جوعارى ەلدەر ساناتىنا كىرۋىنە مۇمكىندىك بەردى. 2016 جىلدىڭ باسىندا ماڭىز­دى كورسەتكىش – حالىقتىڭ جان باسىنا شاققانداعى ءىجو 10,5 مىڭ اقش دوللارىنا جەتىپ, 15 ەسە ارتتى. مەملەكەت باسشىسىنىڭ تاپ­سىر­ماسىنا سايكەس, وتكەن جىل­دار ىشىندە بارلىق كۇش-جىگەر حالىقتىڭ ءومىر ءسۇرۋ دەڭ­گەيىن ايقىندايتىن نەگىزگى كور­سەتكىشتەردى جاقسارتۋعا جۇم­سالدى. وسىنىڭ ارقاسىندا, ناقتى تابىس 4 ەسە ءوستى. 1 ملن-نان استام ادام جۇمىسپەن قامتىلدى, جۇمىسسىزدىق دەڭگەيى 2 ەسەدەن استامعا تومەندەدى. كەدەيشىلىك دەڭگەيى ايتارلىقتاي قىسقاردى, ەگەر 90-جىلداردىڭ باسىندا ەلىمىزدەگى ءاربىر ءۇشىنشى ادام كەدەيشىلىك شەگىندە ءومىر سۇرسە, بۇگىندە ول ءۇش پايىزدان دا اسپايدى. بيۋدجەتتىڭ قوسىمشا تابىسى ەلىمىز­دەگى زاماناۋي مەديتسينانىڭ دامۋى مەن باسەكەگە قابىلەتتى ءبىلىم بەرۋگە با­عىتتالدى: 1995 جىلدان باستاپ دەنساۋ­لىق ساقتاۋ سالاسىنا جۇمسالعان شىعىن 29 ەسە, ال بىلىمگە جۇمسالعان شىعىن 30 ەسە ارتتى. ەلىمىزدە 25 جىل ىشىندە 1300 زاما­ناۋي اۋرۋحانا مەن ەمحانا, 600-دەن استام مەكتەپكە دەيىنگى مەكەمە سالىندى. ولارداعى قىزمەت كورسەتۋ ساپاسىنىڭ ارتۋىنىڭ ارقاسىندا انا ءولىمى التى ەسەگە, ءسابي ءولىمى ءۇش ەسەگە جۋىق تومەندەدى. تۋ ءبىرجارىم ەسە ءوستى, ال بۇل ازا­مات­تاردىڭ ەرتەڭگى كۇنگە دەگەن سەنىمىنىڭ كورسەتكىشى بولىپ تابىلادى. وسى جانە كوپتەگەن باسقا دا شارا­لار­دىڭ ارقاسىندا 25 جىل ىشىندە قازاق­ستاندىقتاردىڭ ءومىر ءسۇرۋ ۇزاقتىعى 68 جاستان 72 جاسقا ۇزاردى. قازاقستاننىڭ حالىق­ارا­لىق سەرىك­تەستەرى مەن ينۆەس­تور­لاردىڭ سەنى­مىنە يە بولعان تۇراقتى ەكونوميكا, ازا­­ماتتاردىڭ ءال-اۋقاتى­نىڭ ناقتى ءوسىمى – بۇل ەلىمىز ماق­تانۋعا ابدەن لايىق ماڭىزدى جەتىستىكتەر. دەگەنمەن, قازاقستاننىڭ تاۋەلسىزدىك كۇنى مەرەيتويى – بۇل ءبىزدىڭ 25 جىلدىق جاس تاريحىمىزدىڭ بەلەستەرىنىڭ ءبىرى عانا. الدىمىزدا پرەزيدەنت قويىپ وتىر­عان جاڭا ماقساتتار مەن مىندەتتەر بار, ول – قازاق­ستاننىڭ الەمنىڭ 30 دامىعان ەلىنىڭ قاتارىنا ەنۋى. بۇل دامىعان ەلدەر كلۋبىنا جو­عا­رى ينتەللەكتۋالدىق كادرلارسىز, كاسىبي ماماندارسىز, زامان تىنىسىنا ساي كەڭ اۋقىمدا ويلايتىن ادامدارسىز ەنۋ مۇمكىن ەمەس. بۇل ماسەلەگە دە مەملەكەت باسشىسى ءاردايىم ايرىقشا نازار اۋدارىپ كەلدى جانە اۋدارا دا بەرەدى. قازاقستاندىقتاردىڭ ال­دىڭعى قا­تا­رلى جاڭا ۇرپاعىن تاربيەلەۋ, قازاق­ستاننىڭ بولا­شاقتاعى دامۋىن باسەكەگە قابى­لەتتى ادام كاپيتالىمەن قامتا­ماسىز ەتۋ, مەملەكەت باسشى­سى العا قويىپ وتىرعان ستراتە­گيالىق مىندەتتەردىڭ ءبىرى, مىنە, وسىلار. تاۋەلسىزدىكتىڭ 25 جىلى ىشىندە بۇل باعىتتا كوپتەگەن ءىس تىن­دىرىلدى: 2000 جاڭا ءبىلىم بەرۋ نىسانى سالىندى, جاڭا­لارى سالىنۋ ۇستىندە. بۇگىندە ەلىمىزدە 7 مىڭنان استام كۇن­دىزگى ءبىلىم بەرەتىن مەكتەپ بار, ولاردا 2,7 ملن وقۋشى ءبىلىم الۋدا. قازاقستاننىڭ بار­لىق جەرىندە نازارباەۆ ينتەل­لەكتۋالدىق مەكتەپتەرى اشىل­عان, ولارعا وقۋ مەن تاربيەنىڭ جاڭا دا وزىق ۇدەرىسى ەنگىزىلگەن. 2017 جىلدان باستاپ پرە­زي­دەنتتىڭ تاپسىرماسىمەن «بار­شاعا بىردەي تەگىن كاسىپتىك-تەحنيكالىق ءبىلىم بەرۋ» جاڭا جوباسى جۇزەگە اسىرىلادى, بۇل ءبىرىنشى جۇمىسشى ماماندىعىن تەگىن الۋعا جول اشپاق. جوعارى ءبىلىمدى كادر دايىن­داۋ­دىڭ ءۇش ساتىلى مودەلىنە كوشۋ ىسكە اسىرىلدى: باكالاۆ­ريات – ماگيستراتۋرا – دوكتوران­تۋرا. ال ءبىزدىڭ جوعارى وقۋ ورىن­دارىنىڭ الەمدىك جەتەكشى ۋني­ۆەرسيتەتتەردىڭ رەيتينگىنە ەنۋى ەلدەگى ءبىلىم بەرۋدىڭ باسەكەگە قابىلەتتىلىگىن بىلدىرەدى. بۇگىنگى كۇنى ەلىمىزدەگى ءبىلىم بەرەتىن 131 جوعارى وقۋ ورنى 25 جىل ىشىندە 2,7 ملن كادر دايىنداپ شىعاردى. ءبىزدىڭ ەلىمىزدىڭ بولاشاق ينتەل­لەك­تۋالدىق ەليتاسىن قالىپتاستىرۋ ءۇشىن قۇرىلعان حالىقارالىق دەڭگەيدەگى ايتۋلى جوعارى وقۋ ورنى – نازار­باەۆ ۋنيۆەرسيتەتتەن بۇگىن­گى كۇنى 3000 جاس ءبىلىم الۋدا. تاۋەلسىزدىكتىڭ اق تاڭىندا قارجىلىق قيىندىقتار بارىنشا بەلەڭ العان كەزەڭدە ەل پرەزيدەنتى تاعايىنداعان «بولاشاق» حالىقارالىق باعدار­لا­ماسى الەمدىك جەتەك­شى وقۋ ورىندارىندا ءبىلىم العان مامان دايىنداۋداعى ناعىز سەرپىندى قادام بولدى. باع­دارلاما جۇمىس ىستەگەن مەرزىم ىشىندە «بولاشاق» ستيپەندياسىنا 12 مىڭنان استام قازاقستاندىق يە بولدى, ولار الەمنىڭ 33 ەلىندەگى 200 ۇزدىك جوعارى وقۋ ورنىندا مەملەكەت ەسەبىنەن ءبىلىم الدى جانە ءبىلىم الۋدى جالعاستىرۋدا. جالپى العاندا, كوپتەگەن جاستار قازاقستاننان تىس جەرلەردە ءبىلىم الدى. ءبىلىم الۋداعى بارلىق جەتىستىك جانە سالىنعان ينۆەستيتسيا ءبىلىمدى ادام^­­­دار­دىڭ جاڭا تۇراقتى تابىن, قازاق­ستان­دىقتاردىڭ جاڭا ۇرپاعىن قالىپ­تاستىردى. وسىنىڭ بارلىعى مەملە­كەت باسشى­سىنىڭ قازاقستان­دىق ينتەللەكتۋالدىق ۇلتتى قالىپ­تاستىرۋداعى كورەگەندىگىنىڭ ءىس جۇزىنە اسۋى بولىپ تابىلادى. بۇگىندە ءبىز الەم ەكونو­مي­كا­سىنداعى تۇبەگەيلى وزگەرىس­تەر كەزەڭىندە ءومىر سۇرۋدەمىز, تاۋەل­سىز قازاقستان دا ونىڭ اجىرا­ماس ءبىر بولىگى بولىپ تابى­لادى. ءبىزدىڭ تاۋەلسىز مەملە­كەتىمىزدىڭ كوشباسشىسى, ەلبا­سى نۇرسۇلتان ءابىش ۇلى نازارباەۆ بەلگىلەگەن دامۋ ۇلگىسى­نىڭ ارقاسىندا ءبىز كوپتەگەن جەتىس­تىكتەرگە جەتتىك جانە دامۋ ءۇستىن­دەگى بەيبىت ەلدە ءومىر ءسۇرۋ­دەمىز! قازاقستان جاڭا جەتىستىكتەر مەن اسۋلارعا ۇمتىلۋدا, ال قازاقستاندىقتار ءوز ەلىمەن ماق­تانادى, ءوز بولاشاعىنا سەنەدى, ءوز كوشباسشىسى – پرەزيدەنت ن.ءا.نازارباەۆقا سەنەدى! قازاقستان رەسپۋبليكاسىنىڭ تۇڭعىش پرەزيدەنتى كۇنى قۇتتى بولسىن! قۋاندىق بيشىمباەۆ, قازاقستان رەسپۋبليكاسى ۇلتتىق ەكونوميكا ءمينيسترى, «بولاشاق» قاۋىمداستىعى كەڭەسىنىڭ توراعاسى