ەلباسى ەڭبەگىنە ارنالعان كورمە

ابايدىڭ «جيدەباي-ءبورىلى» مەملەكەتتىك تاريحي-مادەني جانە ادەبي-مەموريالدىق مۋزەيىندە تۇڭعىش پرەزيدەنت كۇنىنە ارنالعان « ۇلى دالا ۇلاعاتتارى» ەكسپوزيتسيالىق كورمەسى اشىلدى. كورمەگە ەلباسى ن.ءا. نازارباەۆتىڭ جاقىندا «ەگەمەن قازاقستان» گازەتىندە جاريالانعان « ۇلى دالا ۇلاعاتتارى» تۋىندىسى ارقاۋ ەتىپ الىنعان. ەلباسى ەڭبەگىنىڭ جەلىسى بويىنشا ۇيىمداستىرىلعان « ۇلى دالا ۇلاعات­تارى» كورمەسى «تۋعان ەلىم – تىرەگىم», «ەل مەن ەر جانە جەر», «تاۋەل­سىزدىكتىڭ تال بەسىگى», «تۋعان ءتىل­دىڭ تۇعىرى», «قيىردان كەلسە قان­داس­تار» جانە «جاڭعىرىپ كەلەر جاس تولقىن», «قاريالارىمىز – قازىنا­مىز» اتتى بولىمدەردەن تۇرادى. سوعان وراي كەلۋشىلەر كورمە ارقىلى شيرەك عاسىردا حالقىمىز اتقارعان ۇلان-عايىر جۇمىستاردىڭ كۋاگەرىنە اينالادى. سالتاناتتى شارادا سەمەي قالالىق ارداگەرلەر كەڭەسىنىڭ توراعاسى ا. دوعالاقوۆ پەن قۇرمەتتى تەمىرجولشى ق.السەيىتوۆ ەكەۋى كورمە شىمىلدىعىن اشتى. ءسوي­لەگەندەر ۇلى دالا ەلى – قازاقستان رەسپۋبليكاسىنىڭ قالىپتاسىپ, دۇنيە جۇزىندەگى ەڭ وزىق 30 ەلدىڭ قاتارىنا قوسىلۋىنداعى ەلباسى نۇرسۇلتان نازارباەۆتىڭ سىندارلى ساياساتى مەن ەرەن ەڭبەگىن اتاپ كورسەتىپ, حالقىمىزدىڭ تاۋەلسىزدىك جىلدارىنداعى قۇتتى قادام­دارىنىڭ ودان ءارى قايىرلى بولۋىنا تىلەكتەستىكتەرىن ءبىلدىردى. سالتانات سوڭىندا تاۋەلسىزدىك كۋاگەر­لەرى – قالا ارداگەرلەرىنىڭ ءبىر توبىنا ەلباسىنىڭ مۋزەيدە كىتاپشا ەتىپ باسىپ شىعارىلعان « ۇلى دالا ۇلاعاتتارى» تۋىندىسى مەن ەسكەرتكىش سىيلىقتار تاپسىرىلدى. راۋشان نۇعمانبەكوۆا سەمەي