مۇراجاي وتكىزگەن سالتاناتتى كەش

« ۇلى دالا ەلى – تاۋەلسىزدىكتىڭ 25 نەگىزى» اتتى 25 جۇلدىزدى كۇندى مەرەكەلەۋ اياسىندا جەزقازعان تاريحي-ارحەولوگيالىق مۇراجايى «جۇلدىزدى ساعات» اتتى سالتاناتتى كەش وتكىزدى. كەش قوناقتارى الدىمەن ەلىمىزدىڭ تاۋەلسىزدىك جىلدارىنداعى جەتىستىكتەرىنە ارنالعان كورمەمەن تانىسىپ, عارىشتانۋ زالىنا ەكسكۋرسيا جاسادى. وسى جەردە 25 جىل بۇرىن عارىشقا سامعاعان تۇڭعىش قازاق توقتار اۋباكىروۆ تۋرالى دەرەكتى اڭگىمەلەر ايتىلدى. سونىمەن قاتار, قۇرىلعانىنا 25 جىل تولعان «اق اجەلەر» فولكلورلىق-ەت­نو­­گرافيالىق انسامبلىنە قۇرمەت كور­سەتى­­لىپ, تاۋەلسىزدىكتىڭ قۇرداستارى – №10 ورتا مەكتەپتىڭ قازاق ءتىلى مەن ادەبيەتى ءپانى­نىڭ مۇعالىمى جانسايا سۇلەيمەنوۆا مەن تاريحي-ارحەولوگيالىق مۇراجايدىڭ قىزمەتكەرى سۆەتلانا سەفەربەگوۆا ءومىر مەن ەڭبەكتەگى جەتىستىك سىرلارىمەن ءبولىس­تى. ال مۇراجايدىڭ «امانات» تەاتر-ستۋ­ديا­سى, امانگەلدى يمانوۆ باستاعان ۇلت-ازات­تىق كوتەرىلىسىنىڭ 100 جىلدىعىنا وراي, كوپشىلىك نازارىنا «شابۋىل الدىنداعى ءتۇن» اتتى قويىلىمدى ۇسىندى. وسى شارانىڭ اياسىندا تاريحي-ارحەو­­لوگيالىق مۇراجايدىڭ ديرەكتورى زيناي­دا چۋماكوۆا «لۋچشي يز لۋچشيح» حالىق­ارالىق بايقاۋىنىڭ جەڭىمپازى, جاس ءانشى رايىمبەك ارىستانوۆتى قۇرمەت گرامو­تاسىمەن ماراپاتتادى. «جۇلدىزدى ساعات» كەزدەسۋىنە قاتى­سۋ­شىلار ەل تاۋەلسىزدىگىنىڭ 25 جىل­دى­عى­نا ارنالعان دەرەكتى ءفيلمدى ءۇل­كەن قىزىعۋشىلىقپەن تاماشالادى. ايتا كەتۋ كەرەك, جاقىندا استاناداعى ۇلتتىق مۋزەيدە وتكەن «ۇزدىك مۇراجاي» رەسپۋب­لي­كالىق بايقاۋىندا جەزقازعان تاريحي-ارحەولوگيالىق مۇراجايى «قالا­لىق ماڭىزداعى ۇزدىك مەملەكەتتىك مۇراجاي» دەگەن اتاققا يە بولدى. « ۇلى دالا ەلى – تاۋەلسىزدىكتىڭ 25 نە­گىزى» اكتسياسىنىڭ شەڭبەرىندە جەزقازعان قالاسىندا 40-تان استام ءىس-شارا وتكىزۋ جوسپارلانعان. ونىڭ ىشىندە جاستاردىڭ ءتۇرلى شارالارى, فلەشموبتار, بايقاۋلار مەن دەباتتار, كورمەلەر مەن دوڭگەلەك ۇستەل­دەر, تاريحي-تانىمدىق جانە شىعار­ما­شىلىق كەشتەر, سپورتتىق سايىستار بار. تاياۋدا جەرگىلىكتى ۋنيۆەرسيتەتتە حالىق­ارالىق بايقوڭىروۆ وقۋلارى, «ماڭگىلىك ەل» يدەياسىنداعى ۇلىتاۋدىڭ تاريحي ءمانى» عىلىمي-تاجىريبەلىك كونفەرەنتسياسى, «ايەل. قوعام. ءداستۇر» اتتى ايەلدەر فورۋ­مى, ەتنومادەني بىرلەستىكتەردىڭ «ۇرپاق­قا ماقتان, داۋىلپاز داستان, تاۋەل­سىز قازاقستان» فەستيۆالى وتەدى. «جالتىر­بۇلاق» كەنىشىنىڭ التىندى كەندەرىن سىلتىسىزدەندىرۋ مەن وڭدەۋ كەشەنى جانە ەكى بىردەي كونديتەرلىك ءوندىرىس تە جاقىندا وسى اكتسيانىڭ اياسىندا ىسكە قوسىلادى. 25 جۇلدىزدى كۇننىڭ سوڭىندا جەزقاز­عان قالاسىنىڭ تۇرعىندارى مەن قوناق­تارىنا ۇلكەن كونتسەرتتىك باعدارلاما تارتۋ ەتىلمەك. قايرات ءابىلدينوۆ, «ەگەمەن قازاقستان» قاراعاندى وبلىسى, جەزقازعان قالاسى