مەملەكەت باسشىسىنىڭ مەيىرىمىن سەزىندىم

مەن دە تاۋەلسىز ەلدىڭ تۇلەگىمىن. شيرەك عاسىر ىشىندەگى ەلىمنىڭ بۇكىل قول جەتكەن جەتىستىگىنىڭ كوبى بالا كەزىمنەن باستاپ, وسى كۇنگە دەيىن كوز الدىمدا تۇر. وتكەن عاسىردىڭ 90-شى جىلدارىنداعى قيىن كەز دە ەمىس-ەمىس ەسىمدە. ودان كەيىنگى جىلدارى مەكتەپ تابالدىرىعىن اتتادىم, ءبىلىم الدىم. اسىرەسە, مىنا ءبىر وقيعا مەن ءۇشىن ەرەكشە دەپ بىلەمىن. 2000 جىلعى ەلباسى شىرشاسى قاراعاندى قالاسىندا ءوتتى. وعان قاتىساتىنداردىڭ اراسىندا مەن دە ءجۇردىم. تۇڭعىش پرەزيدەنتىمىز نۇرسۇلتان ءابىش ۇلى سول شىرشاعا قاتىسادى دەگەن كۇننەن باستاپ, ءبىز قىزۋ دايىندىق جاسادىق. ۇلتتىق كيىمدەرىمىزدى ازىرلەپ, نەشە ءتۇرلى ءان-ءبيدى سول شاراعا ورايلاستىرا وتىرىپ ازىرلەدىك. كۇتكەن كۇن دە كەلدى. ەلباسىمەن جۇزدەستىك. سول ساتتەگى نۇرسۇلتان اعانىڭ بىزگە ايتقان ءاربىر ءسوزى مەنىڭ ەسىمنەن كەتپەيدى. ءبىزدى ەر­كىن ەلدىڭ ۇرپاعى دەپ, مەملەكەتىمىز­دىڭ بولاشاعى ەكەنىمىزدى دە ايتتى. ارقايسىمىزعا جەكە-جەكە سىي­لىق­تار تاپسىرىپ, ونەرىمىز­دى تاماشالادى. ءتىپتى, ءان اۋەنىن بىزبەن بىرگە قوسىلىپ ايتقان­دا, «بۇكىل جۇرتىمىزدى باستاپ كەلە جاتقان ازامات تا وسىنداي انگە قوسىلادى ەكەن-اۋ!» دەپ تاڭعالدىق. ەلباسىنا گۇل اپارىپ تاپسىر­عاندا ول كىسى ءبىزدىڭ ماڭدايىمىزدان سيپاعاندا الاقانىنان ءبىر جان دۇنيەڭدى تەبىرەنتەتىن جىلۋدى سەزىنگەنىم بار. قوشتاسار ساتتە: «ءبىز سەندەردى باقىتتى ەتۋ ءۇشىن جۇمىس جاساپ جاتىرمىز. ەرتەڭ سەندەردىڭ ارالارىڭنان دا ۇلكەن ازاماتتار شىعادى. ول ءۇشىن جاقسى وقىڭدار, جىل سايىن جاڭا جىل شىرشاسىندا وسىلاي جۇزدەسە بەرەيىك!» دەگەن اتالى ءسوزى مەنىڭ كەۋدەمدە جاتتالىپ قالدى. پرەزيدەنتتى تەلەديداردان, گازەت بەتتەرىنەن كورگەندە ول كىسىنىڭ سول كەزدەگى مەيىرىمى ەسىمە تۇسە بەرەدى. قاراعاندى مەم­لەكەتتىك ۋني­­ۆەرسيتەتىنىڭ ەكونو­ميكا فاكۋل­تە­تىن ءبىتىرىپ, «قازاقمىستىڭ» ساق­تان­­دىرۋ كوم­پانياسىندا قىزمەت ىستەپ ءجۇرمىن. تۇرمىسقا شىعىپ شا­­ڭى­راق كوتەردىك. وسىنىڭ, ءبارى ەلباسى نۇرسۇلتان نازارباەۆ­تىڭ اق باتاسىنىڭ ارقاسى دەپ بىلە­مىن. ءبىز ماڭگى ەلدىڭ ۇرپاعى رەتىندە وتانىمىزدىڭ ال­تىن ءدىڭ­گەگى بولىپ, الدىڭعى تولقىن اعالاردىڭ ءىزىن باسىپ, ءىسىن جالعاۋ پارىز دەپ بىلەمىن. ەلباسىمەن بولعان سول كەزدەسۋدەگى سۋرەتتى دە قوسىپ وتىرمىن. گاۋھار ءالىمجانوۆا, قارجىگەر قاراعاندى وبلىسى