پاتەر كىلتتەرى تابىستالدى

قازاقستان رەسپۋبليكاسى ۇلتتىق ۇلانىنىڭ باس قولباسشىلىعىندا تۇڭعىش پرەزيدەنت كۇنىنە ارنالعان مەرەكەلىك ءىس-شارا ءوتتى. سونى­مەن بىرگە, وسى جيىننىڭ اياسىندا باس قولباسشىلىقتىڭ اسكەري قىزمەت­شىلەرىنە ۇلتتىق ۇلان باس قولباسشىسى گەنەرال-لەيتەنانت رۋسلان جاق­سىلىقوۆ قىزمەتتىك پاتەرلەردىڭ كىلتتەرىن سالتاناتتى تۇردە تابىس ەتتى. مەملەكەتتىك مەرەكە – قازاق­ستان رەسپۋبليكاسى تۇڭعىش پرەزي­دەنتى كۇنىنە ارنالعان جيىندا ىشكى ىستەر ءمينيسترى مەن ۇلتتىق ۇلان باس قولباسشىسىنىڭ قوعامدىق ءتارتىپ پەن مەملەكەت قاۋىپسىزدىگىن قامتاماسىز ەتۋگە ەلەۋلى ۇلەس قوسىپ, ۇزدىك قىز­­مە­تىمەن دارالانعان اسكە­ري قىز­مەتشىلەردى, ىقپالداس­تىق قۇ­رىلىمدارىنىڭ قىزمەت­كەر­لەرىن ماراپاتتاۋعا ارنالعان بۇي­رىقتارى وقىلاتىن بولادى. مۇ­نان سوڭ ۇلتتىق ۇلان باس قول­باسشىلىعىنىڭ وفيتسەرلەرىنە قىزمەتتىك پاتەردىڭ كىلتتەرى سالتاناتتى تۇردە تابىستالاتىن بولادى. اسكەري قىزمەتشىلەردىڭ الەۋ­مەتتىك لايىقتى قورعالۋىن قام­تاماسىز ەتۋ مەن ولاردى باسپانامەن قامتۋ ماسەلەسىنە ۇلتتىق ۇلان باس قولباسشىلىعى ۇدايى باسا نازار اۋدارىپ كەلەدى. بۇل ماقساتتا جىل سايىن قوماقتى قاراجات قاراستىرىلىپ, جاڭا پاتەرلەر ساتىپ الىنۋدا. بيىلعى ەلدىگىمىزدىڭ اسقاق مەرەكەسى – تاۋەلسىزدىكتىڭ 25 جىلدىعى قارساڭىندا بۇل ءداستۇر وڭ جالعاسىن تاۋىپ, اسكەر تاريحىندا العاش رەت 39 اسكە­ري قىزمەتشىگە ءبىر مەزگىلدە قىز­مەتتىك پاتەرلەردىڭ كىلتتەرى تابىس ەتىلىپ وتىر. بۇل باسپانالاردى ساتىپ الۋعا رەسپۋبليكالىق بيۋدجەتتەن 900 ميلليون تەڭگە بولىنگەن بولاتىن. اتاپ وتەرلىگى, بيىلعى جىلى پاتەر كىلتتەرىن باس قولباس­شى­لىق­تىڭ وفيتسەرلەرى الدى. ال, كەلەر 2017-2018 جىلدارعا بەكى­تىلگەن جوسپارعا سايكەس, وسىنشاما شاماداعى باسپانامەن ۇلت­تىق ۇلاننىڭ ەلىمىزدىڭ ءار ءوڭىر­لەرىن­دەگى اسكەري بولىمدەرىنىڭ اسكەري قىزمەتشىلەرىن قامتاماسىز ەتۋ قاراستىرىلىپ وتىر. سالتاناتتى ءىس-شارا مەرەكەلىك كونتسەرتپەن اياقتالدى. اسقار تۇراپباي ۇلى, «ەگەمەن قازاقستان»