ءۇش جىلدا ون ءبىر شاعىن اۋدان بوي كوتەردى

تۇڭعىش پرەزيدەنت كۇنى مەن ەل تاۋەلسىزدىگىنىڭ 25 جىلدىعى قارسا­ڭىندا قىزىلوردا قالاسىندا 200 توسەكتىك كوپسالالى وبلىستىق بالالار اۋرۋحاناسى اشىلدى. اۋرۋحانانىڭ اشىلۋ سالتاناتىنا وبلىس اكىمى قىرىمبەك كوشەرباەۆ, اكادەميك, قازاقستان پەدياترياسىنىڭ نەگىزىن سالۋشى, قىزىلوردا وبلىسىنىڭ قۇرمەتتى ازاماتى كامال ورمانتاەۆ قا­تىستى. سىر جۇرتشىلىعىن جاڭا بالالار اۋرۋحاناسىنىڭ اشىلۋى­مەن قۇتتىقتاعان ايماق باسشىسى دەنساۋلىق ساقتاۋ سالاسىندا اتقارىلىپ جاتقان ناتيجەلى ىستەر جونىندە ايتتى. – سوڭعى ءۇش جىلدا وبلىستىڭ دەنساۋلىق ساقتاۋ سالاسىنا قارال­عان قارجى 9 ميلليارد تەڭگەگە ءوستى, ياعني بيىلعى جىلدىڭ وزىندە ونىڭ بيۋدجەتى 32 ميلليارد تەڭگەنى قۇرادى. وسىلايشا ءبىزدىڭ ءوڭىر دەنساۋلىق ساقتاۋ سالاسىن قارجىلاندىرۋ بويىنشا ەلىمىزدە العاشقى ورىندا تۇر. وسىنداي قارجىلاي قولداۋدىڭ ناتيجەسىندە ايماقتىڭ دەنساۋلىق ساقتاۋ سالاسى جاقسى ناتيجەلەرگە جەتىپ كەلە­دى. انا مەن بالا ورتالىعى ءىس­كە قوسىلدى, مىنە, بۇگىن وب­لىستىق بالالار اۋرۋحاناسىن ەل يگىلىگىنە بەرىپ وتىرمىز. ەندى سىربويىلىقتار استانا, الماتى سەكىلدى ءىرى قالالارعا بارماي-اق, وسى جەردەن مەديتسينالىق قىزمەتتەردى الاتىن بولادى. مۇنىڭ بارلىعى ەلباسىمىزدىڭ بايىپتى ساياساتىنىڭ, ەلىمىزدىڭ تاۋەلسىزدىگىنىڭ ارقاسى,– دەپ اتاپ ءوتتى وبلىس اكىمى. سالتاناتتى شارادا زاماناۋي اۋرۋحانانىڭ اشىلۋى­مەن قىزىلوردالىقتاردى كامال ورمانتاەۆ پەن سالا ارداگەرى ەرنياز وماروۆ قۇتتىقتاپ, جىلى لەبىزدەرىن ءبىلدىرىپ, اق باتالارىن بەردى. جالپى اۋدانى 25 744 شارشى مەتر قۇرايتىن عيماراتتىڭ قۇرىلىسى 2014 جىلدىڭ تامىزىندا باستالعان. قۇرىلىس جۇمىسىنىڭ باس مەردىگەرى – «ءدا­نەكەر» جشس. جاڭا اۋرۋحانادا 11 بولىمشە, 5 وتا جاساۋ بلوگى, 12 توسەككە ارنالعان رەانيماتسيا جانە انەستەزيولوگيا بولىمشەسى, كەڭەس بەرۋ-دياگنوستيكالىق ءبولىمى ورنالاسقان. سونداي-اق, ونكوگەماتولوگيا بولىمشە­سىنىڭ قۇرامىندا قاتەرلى ىسىككە شال­دىققان بالا­لار­دى پاللياتيۆتىك ەمدەۋگە ار­نالعان 5 توسەكتىك بولىمشە اشۋ جوسپارلانعان. كەڭەس بەرۋ-دياگ­نوستيكالىق ءبولىمى زاماناۋي ۋدز اپپاراتىمەن جابدىقتالعان. وعان قوسا, ساۋلەلى دياگنوستيكا كت, مرت اپپاراتتارى دا جۇمىس جاسايدى. ايتۋلى مەرەكەگە وراي قى­زىل­وردا قالاسىنداعى جاپ­پاسباي باتىر كوشەسى بويىنا سالىنعان كوپقاباتتى ءۇيدى دە پاي­دالانۋعا بەردى. ساۋلەتتى تۇرعىن ءۇي قىزىلوردا قالالىق قۇرىلىس ءبولىمىنىڭ تاپسىرىسى­مەن سالىنعان. جاڭا باس­پانانىڭ تابالدىرىعىن اپاتتىق جاع­داي­داعى ۇيلەردىڭ تۇرعىندارى اتتادى. باس مەردىگەر «اسار-قۇرىلىس» جشس نىساندى ۋاقتىلى جانە ساپالى تۇرعىزعاندىعىنىڭ ءناتي­جەسىن­دە ەل تاۋەلسىزدىگىنىڭ 25 جىل­دىعى قار­ساڭىنداعى تولىمدى تارتۋلار قاتارى تولىعا ءتۇستى. سال­­تاناتتى راسىمدە ءسوز سويلەگەن ايماق باسشىسى قىرىمبەك كوشەرباەۆ: «سوڭعى 3 جىلدا 7 مىڭعا جۋىق وتباسى, ياعني 30 مىڭ­نان اسا تۇرعىن قونىس تويىن تويلادى. ەكى جىل ىشىندە پاتەر كەزەگىندە تۇرعانداردىڭ 28 پايىزى باسپانالى بولدى. بي­ىل ءبىر مەزەتتە 80 كوپقاباتتى ءۇيدىڭ قۇرىلىسى ءجۇرىپ جاتىر. 2013-2016 جىلدار ارالىعىندا قى­زىلوردادا 11 شاعىن اۋدان بوي كوتەردى. سوڭعى ءۇش جىلدا اپاتتىق جاعدايداعى ۇيلەردىڭ تۇر­عىندارى 144 جاڭا پاتەرگە قول جەتكىزدى. ال بۇگىن ءبىز تاعى 60 پاتەردىڭ كىلت­تەرىن تابىستاعالى وتىر­مىز», دەپ جاڭا قونىس يە­لەرىنە پاتەر كىلتتەرىن تابىس­تادى. جالپى اۋدانى 4 مىڭ شارشى مەتردى قۇرايتىن تۇرعىن ءۇيدىڭ سمەتالىق قۇنى – 457,6 ميلليون تەڭگە. وبلىستىق بيۋد­جەتتەن قارجىلاندىرىلعان نىسان­­نىڭ 20 پاتەرى – 2 بولمەلىك, 40 پاتەرى – 3 بولمەلىك. قۋانىشتى ءساتتى باس­تان كەشكەن جانداردىڭ ءبىرى – گالي­نا سمير­نوۆا. ول «تيتوۆ» شاعىن اۋدا­نىن­داعى جاتاقحانادان جاڭا ۇيگە كوشە­تىندىگىنە كوپكە دەيىن سەنە الماپتى. بالالارعا ارنالعان ويىن, سپورت الاڭدارى بار مۇنداي اسەم باسپانالار قى­زىلوردا قالا­سىندا كوپتەپ سالى­نۋدا. ەگەمەندىكتىڭ شيرەك عاسىرى تۇسىند­ا جىل اياعىنا دەيىن قونىستويىن توي­لايتىندار قاتارى ءالى دە تولىعا تۇسەرى ءسوزسىز. ەرجان بايتىلەس, «ەگەمەن قازاقستان» قىزىلوردا