«تاۋەلسىز قازاقستان» – شۋ وڭىرىندە

پويىزدىڭ ماقساتى – حالىقتىڭ الەۋمەتتىك جانە قۇقىقتىق جاعدايلارىنا نازار اۋدارۋ ەل تاۋەلسىزدىگىنىڭ 25 جىل­دىعى قۇرمەتىنە ارنالعان «تاۋەلسىز قازاقستان» پويى­ز­ى كەشە شۋ قالاسىنا كەلدى. ۇزاق ساپارىن استانا قالاسىنان باستاپ, ەلىمىزدىڭ بىرنەشە ايماعىن ارالاپ, تەمىر جول بويىنداعى اۋىل تۇرعىندارىنا ءتۇرلى قولداۋ مەن كومەك كورسەتىپ كەلە جاتقان كەرۋەندى شۋ اۋدانىنىڭ تۇرعىندارى ىستىق ىقىلاسپەن قارسى الدى. بۇل كوپۇلتتى اۋدان تۇرعىندارىنىڭ ىنتىماق, بىرلىگىن ايعاقتاپ تۇرعانداي اسەر بەردى. – تاۋەلسىزدىك بارشاعا ورتاق, جاسامپاز مەرەكە, – دەدى سالتاناتتى قارسى الۋ شاراسىندا شۋ اۋدانىنىڭ اكىمى رۇستەم داۋلەت. – ودان اسقان قۇندىلىق جوق. وڭىردەگى بارلىق يگىلىكتى ىستەر ەڭ الدىمەن حالىقتىڭ بىرلىگى مەن ىنتىماعى ارقاسىندا مۇمكىن بولۋدا. بۇگىنگى پويىز دا بەرەكەلى بىرلىكتىڭ, ەلدىكتىڭ جارقىن كورىنىسى. پويىز قۇرامىنداعى ازاماتتار ارقىلى اۋدان تۇرعىندارىنا ءار سالا بويىنشا ءتۇرلى كەڭەستەر مەن كومەكتەر بەرىلمەكشى. سوندىقتان, «تاۋەلسىز قازاقستان» پويىزىنىڭ مۇشەلەرىنە اۋدان جۇرتشىلىعى وكىلدەرى اتىنان زور العىسىمىزدى بىلدىرەمىز. «تاۋەلسىز قازاقستان» پويىزىنىڭ شتاب جەتەكشىسى ءامىرجان الپەيىسوۆ  شۋ جەرى قازاق حاندىعىنىڭ تۋى تىگىلىپ, تالاي مەملەكەت جانە ونەر قايراتكەرلەرى دۇنيەگە كەلگەن كيەلى ولكە ەكەنىن تىلگە تيەك ەتە كەلىپ, ساپار ماقساتىنا توقتالدى. «بارلىق يگىلىكتى ىستەر قاشان دا اۋىلدىق جەردەن باستاۋ الىپ جاتادى. سوندىقتان, ءبىز بۇل شارانى قالادان ەمەس, اۋداندار مەن اۋىلداردان باستاعاندى ءجون كوردىك. ولار – مينيسترلىكتەردىڭ جەتەكشى ماماندارى. ءبىزدىڭ پويىزدىڭ ماقساتى – تەك قازاقستان رەسپۋبليكاسى تاۋەلسىزدىگىنىڭ 25 جىلدىعىنا ار­نال­عان مەرەيتويلىق شارالار عانا ەمەس, جۇرتشىلىقتىڭ الەۋمەتتىك جانە قۇقىقتىق جاعدايلارىنا نازار اۋدارۋ», دەدى ءامىرجان الپەيىسوۆ. سونداي-اق, «تاۋەلسىز قازاقستان» پويىزىنىڭ مۇشەسى, گەنەرال-مايور, زاڭ عىلىمدارىنىڭ دوكتورى, پروفەسسور س.قويباقوۆ قازاق­ستاننىڭ 25 جىلدا جەتكەن جەتىس­تىكتەرى مەن ارتىقشىلىقتارىن ايتا كەلىپ, الداعى ۋاقىتتا دا وسىن­داي جارقىن كۇندەر جالعاسا بەرەدى دەگەن سەنىمىن ءبىلدىردى. ال, شۋ اۋدانىنىڭ «ناۆروز» كۇردى ەتنومادەني بىرلەس­تىگىنىڭ مۇشەسى د.مۋرادوۆ ءتۇرلى ۇلت وكىلدەرى تۇراتىن ءارى ىنتىماعى جاراسقان اۋدان حالقىنىڭ تىرشىلىگى تۋرالى اعىنان جارىلدى. بۇل كۇنى اكتسياعا قاتىسۋشىلار اۋدان تۇرعىندارىمەن كەزدەسىپ, بيزنەس, كاسىپكەرلىك, اۋىل شارۋا­شىلىعى, تۇتىنۋشىلاردىڭ قۇقىق­تارىن قورعاۋ, ءبىلىم بەرۋ ماسە­لەلەرى بويىنشا كەڭەس بەردى. سونداي كەزدەسۋدىڭ ءبىرى – №10 شۋ كوللەدجىندە ءوتىپ, اۋداننىڭ ءار وڭىرىنەن جينالعان ءبىلىم سالاسىنىڭ قىزمەتكەرلەرى جانە ستۋدەنت جاستارى ءبىلىم سالاسىنا تولعاندىرىپ جۇرگەن ساۋالدارىنا جاۋاپ الدى. ارنايى ماماندار ءبىلىم سالاسىنا قاتىستى وزەكتى ماسەلەلەر مەن ۇسىنىستاردى تىڭداپ, ونى مينيسترلىكتىڭ نازارىنا ۇسىنىپ, تۇرعىنداردىڭ وتىنىشتەرىن اياقسىز قالدىرمايتىنىن جەتكىزدى. سونداي-اق, بۇل جيىندا ءبىلىم سالاسىن قارجىلاندىرۋ كولەمى, جاڭادان سالىنعان ءبىلىم نىساندارى, 25 جىل ىشىندە قول جەتكىزىلگەن جەتىستىكتەر كەڭىنەن ايتىلدى. ياعني, ءبىلىم سالاسى نەسيەسىنە كەپىلدىك بەرۋ جانە جوبالاردى دامىتۋ دەپارتامەنتىنىڭ مەنەدجەرى قۋانىش ماۋلەت ءبىلىم سالاسىنداعى قارجىلاندىرۋ جۇيەسى تۋرالى مالىمدەپ, جاستاردىڭ جوعارى وقۋ ورنىندا ءبىلىم الۋى ءۇشىن اقشا جيناۋعا ارنالعان دەپوزيت, ستۋدەنتتەرگە ارنالعان نەسيەلەندىرۋ, ونىڭ جۇزەگە اسۋ جولدارى, جەڭىلدىكتەرى جايلى جان-جاقتى تۇسىنىك بەردى. ال ءبىلىم جانە عىلىم مينيسترلىگى جوعارى جانە جوعارى وقۋ ورنىنان كەيىنگى ءبىلىم بەرۋ دەپارتامەنتىنىڭ ساراپشىسى ولجاس شوحاەۆ ەلىمىز­دەگى جوعارى وقۋ ورىندارىنىڭ سانى, ولاردىڭ ساپالىق قۇرامى, اسپيرانتۋرا, ماگيستراتۋرا, دوكتورانتۋرا بويىنشا گرانتتىق نەگىزگە مەملەكەت تاراپىنان بولىنەتىن قاراجات كولەمى, الداعى تىڭ جوسپارلار مەن جاڭاشىلدىقتاردى ايتىپ ءوتتى. سونداي-اق, بۇل كۇنى «تاۋەلسىز قازاقستان» پويىزىنىڭ مۇشەلەرى جەرگىلىكتى حالىققا, ونىڭ ىشىندە زەينەتكەرلەرگە, مۇگەدەكتەرگە, سوعىس ارداگەرلەرىنە جəنە شالعايدا ور­نالاسقان اۋىل تۇرعىندارىنا ءوز قىزمەتتەرىن ۇسىنىپ, مەديتسينالىق, əلەۋ­مەتتىك, قۇقىقتىق كومەكتەر كورسەتتى. ورالحان ءداۋىت, «ەگەمەن قازاقستان» جامبىل وبلىسى