جارقىن شەجىرە

ەل تاريحىندا تاريحي قۇجاتتاردى ساقتاۋدىڭ ورنى ەرەكشە ەكەنى بەلگىلى. تاۋەلسىزدىگىمىز جاريالانعاننان بەرگى ۋاقىتتاردا مەملەكەتىمىز وسى ءبىر اسا قۇندى دۇنيەلەردى تياناقتاۋعا ەرەكشە ءمان بەرىپ, استانامىزدا وعان ارناپ زاماناۋي عيمارات تۇرعىزىپ, قۇجاتتاردى ساقتاۋدىڭ وزىق ۇلگىدەگى ادىستەرىن قولعا العان بولاتىن. ەندى, مىنە, قازاقستاننىڭ تۇڭعىش پرەزيدەنتى كۇنى مەن ەل تاۋەلسىزدىگىنىڭ 25 جىلدىعىنا وراي ەلورداداعى ۇلتتىق مۇراعات مەكەمەسى ءوز جادىگەرلەرىنەن سۇرىپتالعان قۇجاتتار نەگىزىندە «ەلىن سۇيگەن, ەلى سۇيگەن ەلباسى» اتتى دەرەكتى كورمە ۇيىمداستىرىپ, قالىڭ كوپشىلىككە تارتۋ ەتتى. ءارىسى 1976 جىلدان باس­تاپ 2016 جىلدار اراسىن قامتىعان قۇجاتتاردى كورەرمەندەرگە ۇسىنۋداعى ماقسات – ارحيۆ ءىس-قاعازدارى نەگىزىندە ەلباسى, تۇڭعىش پرەزيدەنتىمىز نۇرسۇلتان نازارباەۆتىڭ قازاقستان رەسپۋبليكاسىنىڭ قالىپتاسۋى مەن دامۋىنداعى ءرولىن كورسەتە وتىرىپ, قولتاڭباسىن ايشىقتاۋ مەن رەسپۋبليكا تاۋەلسىزدىگىنىڭ 25 جىلى ىشىندە ورىن العان ماڭىزدى وقيعالار مەن فاكتىلەر دەڭگەيىن پاش ەتۋ بولىپ تابىلادى. دەرەكتى كورمەدە نەگىزىنەن قازاق­ستاننىڭ تاۋەلسىزدىك كەزەڭىندەگى قالىپ­تاسۋى مەن دامۋ تاريحىن بايانداي­تىن اسا قۇندى ارحيۆتىك قۇجاتتار, تاۋەل­سىزدىك العان العاشقى جىل­دارداعى زاڭ جوبالارى, 1993 جىلعى قازاقستان رەسپۋبليكاسىنىڭ كون­ستيتۋتسياسى, ەلىمىزدىڭ استاناسىن بەلگىلەۋ, كو­شى­رۋ مەن اتىن وزگەرتۋ, قازاقستان رەس­پۋبليكاسىنىڭ مەملە­كەتتىك ءرامىز­دەرىن ايشىقتاۋ, تاۋەلسىز قازاق­ستاننىڭ سىرتقى ساياساتى مەن حالىق­ارالىق ىنتىماقتاستىعى ءجونىن­دەگى تاۋەلسىزدىگىمىزدىڭ 25 جىلى ىشىندەگى نە­گىزگى قۇجاتتار قويىلىپتى. بىلە بىلسەك, قازاق ەلىنىڭ ەڭ ۇلاعاتتى, ەڭ تاعىلىمدى تاريحى – وسى. ۇلتتىق تاريحتىڭ جارقىن بەتتەرى وسىلايشا پاراقتالماق. كورمە قالىڭ كورەرمەنگە ەلىمىز تاريحىنان سىر شەرتەر قۇندى دۇنيەلەردى ۇسىنا ءبىلىپتى. بەرىك سادىر, «ەگەمەن قازاقستان» سۋرەتتى تۇسىرگەن ورىنباي بالمۇرات, «ەگەمەن قازاقستان»