انتاركتيدانىڭ ەڭ جوعارعى نۇكتەسىنە قازاقستان تۋى تىگىلەدى

قازاقستان تاۋەلسىزدىگىنىڭ 25 جىلدىعىنا ارناپ وڭتۇستىك پوليۋسكە ەكىنشى قازاقستاندىق ەكسپەديتسيا جىبەرىلەدى. ەكسپەديتسيا مۇشەلەرى وڭتۇستىك پوليۋستەگى ۆينسون شىڭىن باعىندىرادى. بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا قازگەو تورالقا توراعاسى تولەگەن تاستانبەكوۆ ءمالىم ەتتى. قازاقستان حالقى اسسامبلەياسىنىڭ قامقورلىعىمەن وتكىزىلەتىن عىلىمي-زەرتتەۋ ەكسپەديتسياسىن «قازاق گەوگرافيالىق قوعامى» قوعامدىق بىرلەستىگى ۇيىمداستىرىپ وتىر. جوبانىڭ باس سەرىكتەسى – «بايتەرەك» ۇلتتىق باسقارۋ حولدينگى. «ەكسپەديتسيا 1 جەلتوقساندا قازاقستان رەسپۋبليكاسىنىڭ تۇڭعىش پرەزيدەنتى كۇنى باستالادى. 16 جەلتوقسان – ەلىمىزدىڭ تاۋەلسىزدىك مەرەيتويىن تويلاعان كۇنى انتاركتيدانىڭ ەڭ جوعارعى نۇكتەسى – ۆينسون شىڭىنا (4892 م) قازاقستان رەسپۋبليكاسىنىڭ مەملەكەتتىك تۋى تىگىلەدى», – دەدى ت. تاستانبەكوۆ. بۇدان بولەك, ەكسپەديتسيا قاتىسۋشىلارى ەكى ءجۇز شاقىرىمنان استام قاشىقتىقتى شاڭعىمەن ءجۇرىپ وتپەك. ايدار ورىسباەۆ, "ەگەمەن قازاقستان".