بۇگىن «ASTEX Astana Smart City 2016» حالىقارالىق كورمە-فورۋمىنىڭ اياسىندا «استانا» حالىقارالىق قارجى ورتالىعى, اقپارات جانە كوممۋنيكاتسيالار مينيسترلىگى جانە استانا قالاسىنىڭ اكىمشىلىگى ءوزارا ىنتىماقتاستىق تۋرالى ۇشجاقتى مەموراندۋمعا قول قويدى.
مەموراندۋم ينفراقۇرىلىمدىق جانە يننوۆاتسيالىق جوبالاردى دامىتۋعا ارنالعان ىنتىماقتاستىقتى قامتيدى. تاراپتار اتاپ وتكەندەي, قول قويىلعان مەموراندۋم اياسىندا بىرىككەن عىلىمي-تەحنيكالىق جانە جاڭا قارجىلىق تەحنولوگيالار اياسىنداعى زەرتتەۋ جوبالارىن جۇزەگە اسىرۋ مۇمكىندىكتەرى قاراستىرىلعان.
تاراپتار «استانا» حالىقارالىق قارجى ورتالىعىنىڭ بازاسىندا فينتەح اسكەلەراتوردى (زەرتحانالار, ينكۋباتورلار) دامىتۋ بويىنشا سەرىكتەسىپ جۇمىس ىستەۋگە كەلىستى. سونىمەن قاتار, دەرەكقوردى ۇلەستىرۋ تەحنولوگيالارىن (بلوكچەين تەحنولوگيالارى) پايدالانۋ جانە زەرتتەۋ جۇمىستارى جۇرگىزىلەدى.
احقو باسقارۋشىسى قايرات كەلىمبەتوۆ, احقو ماقساتى قارجى قىزمەتى سالاسىنداعى ىڭعايلى ورتا ارقىلى ەل ەكونوميكاسىنا ينۆەستيتسيا تارتۋعا ىقپالداسۋ. احقو نەگىزگى باعىتتارىنىڭ ءبىرى جاڭا قارجىلىق تەحنولوگيالاردى دامىتۋ.
«ءبىز زاماناۋي ينفراقۇرىلىم, زەرتحانالاردى دامىتۋ, ءىرى قارجىلىق جانە تەحنولوگيالىق كومپانيالارمەن ىنتىماقتاسۋ ارقىلى قارجىلىق تەحنولوگيالىق جوبالاردى وزىنە تارتاتىن ورتالىق بولۋدى ماقسات تۇتىپ وتىرمىز»,- دەدى ق.كەلىمبەتوۆ.
