اەروعارىش كوميتەتىنىڭ توراعاسى تاعايىندالدى

ەركىن مۇستافا ۇلى شايماعامبەتوۆ قازاقستان رەسپۋبليكاسىنىڭ قورعانىس جانە اەروعارىش ونەركاسىبى مينيسترلىگى اەروعارىش كوميتەتىنىڭ توراعاسى بولىپ تاعايىندالدى, دەپ حابارلادى ۆەدومستۆونىڭ ءباسپاسوز قىزمەتى. ەركىن شايماعامبەتوۆ 1974 جىلى 7 ماۋسىمدا قازاق كسر قىزىلوردا وبلىسى سىرداريا اۋدانىنىڭ تاستۇبەك كەنتىندە دۇنيەگە كەلگەن. 1998 جىلى «عارىشتىق ۇشۋ اپپاراتتارى جانە ەكپىندەتكىش بلوك» ماماندىعى بويىنشا ماسكەۋ مەملەكەتتىك اۆياتسيالىق ينستيتۋتىن ءبىتىردى. ەڭبەك قىزمەتىن 1998 جىلدىڭ ناۋرىزىنان عىلىم مينيسترلىگى - قازاقستان رەسپۋبليكاسىنىڭ عىلىم اكادەمياسى ۇلتتىق اەروعارىش اگەنتتىگىنىڭ «بايقوڭىر» عارىش ايلاعى باسقارماسىندا «بايقوڭىر» عارىش ايلاعى وبەكتىلەرىن پايدالانۋ شارتتارىن باقىلاۋ ءبولىمىنىڭ باس مامانى (بايقوڭىر قالاسى) لاۋازىمىنان باستادى. 1998 جىلدىڭ قاراشاسىندا اتالعان ءبولىمنىڭ باستىعى بولىپ تاعايىندالدى. 2005 جىلى قازاقستان رەسپۋبليكاسى ءبىلىم جانە عىلىم مينيسترلىگىنىڭ اەروعارىش كوميتەتى «بايقوڭىر» عارىش ايلاعى باسقارماسىنىڭ باستىعى بولىپ تاعايىندالدى. 2006 جىلى قازاقستان رەسپۋبليكاسى ءبىلىم جانە عىلىم مينيسترلىگىنىڭ اەروعارىش كوميتەتى توراعاسىنىڭ ورىنباسارى بولىپ تاعايىندالدى. 2007 جىلدان باستاپ 2014 جىلعا دەيىن قازاقستان رەسپۋبليكاسىنىڭ ۇلتتىق عارىش اگەنتتىگى توراعاسىنىڭ ورىنباسارى لاۋازىمىندا قىزمەت اتقاردى. 2014 جىلدىڭ 1 قازانىنان باستاپ قر ينۆەستيتسيالار جانە دامۋ مينيسترلىگىنىڭ اەروعارىش كوميتەتى توراعاسىنىڭ ورىنباسارى بولدى. 2016 جىلعى 7 قىركۇيەكتە قر قورعانىس جانە اەروعارىش ونەركاسىبى مينيسترلىگى اەروعارىش كوميتەتىنىڭ توراعاسى لاۋازىمىنا تاعايىندالدى. ماراپاتتارى بار: «ەرەن ەڭبەگى ءۇشىن» مەدالى, مەرەيتويلىق مەدالدار.