30 قاراشا, 2016

تۇركيادا الاپات ورتتەن 12 ادام قازا تاپتى

183 رەت
كورسەتىلدى
1 مين
وقۋ ءۇشىن
ort تۇركيانىڭ ادانا پروۆينتسياسىنداعى الاداگ قالاسىندا جاتاقحانا ورتەندى. سالدارىنان 12 ادام قازا تاپتى. ونىڭ 11-ءى وقۋشى, ال 1-ەۋى قىزمەتكەر, دەپ حابارلادى Lenta.ru. وقىس وقيعا 29 قاراشا كۇنى مەكتەپ-ينتەرناتىنىڭ وقۋشىلارى تۇراتىن ءۇش قاباتتى عيماراتىندا ورىن العان. قازا تاپقان بالالار 10-16 جاس ارالىعىندا. بۇدان بولەك, زارداپ شەككەن 22 ادام اۋرۋحاناعا جاتقىزىلدى. ادانا پروۆينتسياسىنىڭ گۋبەرناتورى ماحمۋت دەميرتاشتىڭ ايتۋىنشا, ادامدار ورتتەن تەرەزە ارقىلى قاشقان, ناتيجەسىندە كەيبىرى شىنىعا جاراقاتتانسا, كەيبىرى تۇتىنگە ۋلانعان. تۇركيا پارلامەنتىندەگى ادانا پروۆينتسياسىنىڭ وكىلى ومەر چەلەك ءورت ەلەكتر جەلىلەرىنەن شىققان بولۋى مۇمكىن دەگەن بولجام جاسادى. ءبىلىم مينيسترلىگىنىڭ مالىمەتى بويىنشا, جاتاقحانا 54 وقۋشىعا ارنالعان. ءورت شىققان كەزدە عيمارات ىشىندە 34 وقۋشى بولدى.
سوڭعى جاڭالىقتار