ەلىمىز جەتىستىكتەرىنە – جوعارى باعا

قازاقستان رەسپۋبليكاسى پارلامەنتى سەناتى توراعاسىنىڭ ورىنباسارى بەكتاس بەكنازاروۆ تۇرىك رەسپۋبليكاسى ۇلى ۇلتتىق جينالىسى توراعاسىنىڭ ورىنباسارى مەحمەت اكيف حامزاچەبيمەن كەزدەستى, دەپ حابارلادى سەناتتىڭ ءباسپاسوز قىزمەتى. اڭگىمە بارىسىندا ب. بەكنازاروۆ باۋىرلاس حالىقتار بايلانىسىنىڭ تاريحي تامىرى تەرەڭ ەكەنىن اتاپ ءوتتى. سەنات توراعاسىنىڭ ورىنباسارى تۇركيا ءبىزدىڭ ەلىمىزدىڭ تاۋەلسىزدىگىن رەسمي تانىعان العاشقى مەملەكەت رەتىندە تاريحقا ەنگەنىن ەسكە سالدى. تۇرىك دەلەگاتسياسىنىڭ باسشىسى ءوز كەزەگىندە قازاقستاندىق دەپۋتاتتاردى جانە بارشا حالقىمىزدى قازاقستان تاۋەلسىزدىگىنىڭ 25 جىلدىعىمەن قۇتتىقتادى جانە ءبىزدىڭ ەلىمىزدىڭ جەتىستىكتەرىنە جوعارى باعا بەردى. كەزدەسۋگە قاتىسۋشىلار ءوزارا تۇسىنىستىك پەن ەكىجاقتى ساياسي جانە ساۋدا-ەكونوميكالىق بايلانىستاردى دامىتۋداعى ەكى مەملەكەتتىڭ باسشىلارى ن.ءا. نازارباەۆ پەن ر.ت.ەردوعاننىڭ ۇلەستەرىن اتاپ ءوتتى. م.ا.حامزاچەبي 2016 جىلعى شىلدەدەگى توڭكەرىس جاساۋعا تالپىنۋدان كەيىن تۇركياعا كەلگەن شەتەلدىك العاشقى مەملەكەت باسشىسى ن.ءا.نازارباەۆ بولعانىنا ەرەكشە نازار اۋداردى. سەنات توراعاسىنىڭ ورىنباسارى ب.بەكنازاروۆ استانانىڭ حالىقارالىق باستامالارىنا قولداۋ بىلدىرگەنى ءۇشىن تۇرىك تاراپىنا العىس ايتتى, سونداي-اق, مەيماندى قازاقستاننىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى لاۋازىمىنداعى نەگىزگى جوسپارلارى تۋرالى حاباردار ەتتى. مۇددەلى ديالوگ بارىسىن­دا مەم­لە­كەتارالىق جانە پارلامەنتارالىق ءوزارا ءىس-قيمىلدىڭ بىرقاتار ماسەلەلەرى تالقىلاندى.