ۇلت رۋحىنىڭ باستاۋى

جازۋشىلار وداعىندا قازاقستان تاۋەلسىز­دىگىنىڭ 25 جىلدىعى دەكلاراتسياسىن قولداعان مەرەكەلىك پلەنۋم ءوتتى. شيرەك عاسىر ىشىندە ورتالىق ازيا اۋماعىندا عانا ەمەس, كۇللى الەم مەملەكەتتەرى قاتارىندا تەڭدەس­سىز تابىستارعا جەتكەن قازاقستان ەكونو­ميكاسى مەن حالىق شارۋاشىلىعىندا, سونداي-اق, مادەني-رۋحاني سالادا دا كوش باستادى. تاۋەلسىزدىك شىن مانىندە ۇلتتىق رۋحىمىزدىڭ باستاۋى بولدى. قالامگەرلەر الدىندا بايان­داما جاساعان قازاقستان جازۋشى­لار وداعى باسقارماسىنىڭ توراعاسى نۇرلان ورازالين قازاقستانننىڭ تاۋەلسىزدىك العان 25 جىل ىشىندە قول جەتكىزگەن تابىستارى مەن حالىقارا­لىق دارەجەدەگى ورلەي كوتەرىلگەن بەدەلى, ونداعى ەلباسى-قازاقستان پرەزي­دەنتى نۇرسۇلتان نازارباەۆتىڭ وراسان زور ەڭبەگى تۋرالى تولىمدى وي قوزعادى. ەلىمىزدەگى تاريحي ماڭىزدى ەكونوميكالىق جانە ساياسي رەفورما­لار اياسىندا مىزعىماس مەملەكەت­تىك قۇرىلىم تۇعىرىن بەكىتكەن نۇرسۇلتان نازارباەۆتىڭ ولشەۋسىز ەڭبەگىنە توقتالدى. جارىسسوزگە شىققان جازۋشىلار ءسۇلتانالى بالعاباي ۇلى, كادىربەك سەگىزباەۆ, احمەتجان اشيري, اقىندار باۋىرجان باباجان ۇلى, الماس اح­مەتبەك ۇلى جانە باسقالارى ەل تاۋەل­سىزدىگىنىڭ ءمانى مەن ماڭىزى تۋرالى, 25 جىل ىشىندەگى قازاقستان حالقى مەن قازاقتاردىڭ ءوسىپ-وركەندەۋ جولدارى تۋرالى ءوز ويلارىن ورتاعا سالدى. قازاقستان قالامگەرلەر مەرە­كە­لىك پلەنۋم ۇستىندە قازاقستان تاۋەل­سىزدىگىنىڭ 25 جىلدىعى دەكلاراتسيا­سىن قىزۋ قولداپ, قۋاتتايتىندىق­تارىن ءبىلدىردى. ول تۋرالى ارنايى ۇندەۋ قابىلدادى. تالعات ءسۇيىنباي, «ەگەمەن قازاقستان» الماتى