«ءبىز يادرولىق قارۋسىز الەمدى قالايمىز!»

سەمەي ورتالىقتاندىرىلعان كىتاپحانالار جۇيەسىندە «25 جۇلدىزدى كۇن» شاراسى اياسىندا ەل تاۋەلسىزدىگىنىڭ 25 جىلدىعىنا ارنالعان «ءبىز – يادرولىق قارۋسىز الەم ءۇشىن» اتتى ەكولوگيا ساعاتى ءوتتى. «اۆيتسەننا» كوللەدجىنىڭ ستۋ­دەنتتەرى قاتىسقان شارا بارىسىندا كىتاپحانا قىزمەتكەرلەرى بيىل قازاقستاننىڭ تاۋەلسىزدىك ال­عانىنا 25 جىل تولۋىمەن بىرگە, سەمەي يادرولىق سىناق پو­لي­گو­نىنىڭ جابىلعانىنا دا شيرەك عا­سىر بولعانىن اتاپ ءوتتى. سەمەي پو­ليگونىنىڭ الەمدىك دەڭگەيدەگى ۇلت­تىق قاسىرەت ەكەنىن اڭگىمەلەگەن كىتاپحاناشىلار قاۋىمى اجال ارا­نى­نىڭ العاشقى قۇرىلۋ تاريحىنان باس­تاپ, ونىڭ اۋىر سالدارى مەن زاردا­بى جونىندە باياندادى. يادرولىق سىناق الاڭى كەشەگى اباي مەن مۇحتارداي الىپتاردىڭ جاسىل جازيرالى تۋعان جەرى بولعان بۇتىندەي سەمەي ايماعىنا ۇزاق ۋاقىتقا سوزىلاتىن رادياتسيالىق ساۋلەسىمەن وشپەس قاسىرەت الىپ كەلگەنىن ايتقان كىتاپحانا قىزمەتكەرلەرى وسىناۋ 40 جىلعا سوزىلعان قاسىرەت قاقپانىنان قۇتقارعان 1991 جىلعى ەلباسى نۇرسۇلتان نازارباەۆتىڭ سەمەي پو­ليگونىن جابۋ جونىندەگى جار­لىعى بولعانىن اتاپ ءوتتى. سونداي-اق, «نەۆادا-سەمەي» انتيادرولىق قوز­عالىسىنىڭ دا ەلەۋلى ۇلەس قوسقانىن جە­تكىزدى. ەكولوگيالىق ساعات بارىسىندا وقۋشىلار جاپپاي قىرىپ-جوياتىن يادرولىق قارۋدان باس تارتىپ قانا قوي­ماي, ونى الەم ەلدەرى اراسىندا ناسيحاتتاۋىمەن انتيادرولىق قوز­عالىستىڭ كوشباسشىسىنا اينالعان قازاقستاندىق باستامالاردىڭ اۆتورى – ەلباسى نۇرسۇلتان نازارباەۆتىڭ بەيبىتشىلىككە ۇندەگەن ساياساتى جونىندە وي-پىكىر الماستى. شارا سوڭىندا وقۋشىلار «ءبىز – يادرولىق قارۋسىز الەمدى قالايمىز!» تاقىرىبىنداعى كىتاپ كورمەسىن تاماشالادى. بۇعان دەيىن اباي اتىنداعى كى­تاپحانا قىزمەتكەرلەرى قالالىق ىشكى ىستەر باسقارماسىندا «ەلباسىمەن نۇرلى بولاشاققا» اتتى كورمە مەن سلايد-ءدارىس وتكىزگەن بولاتىن. دۋمان اناش, «ەگەمەن قازاقستان» سەمەي