باعدارلامادان قانداي ناتيجەلەر كۇتىلەدى؟

بۇگىن پرەمەر-مينيستر ب.ساعىنتاەۆتىڭ توراعالىعىمەن وتكەن ۇكىمەت وتىرىسىندا اوك-ءتى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى تالقىلاندى. وندا پرەمەر-ءمينيستردىڭ ورىنباسارى - اۋىل شارۋاشىلىعى ءمينيسترى اسقار مىرزاحمەتوۆ بۇل باعدارلامادان قانداي ناتيجەلەر كۇتىلەتىنىن ايتىپ بەردى. «باعدارلامانى جۇزەگە اسىرۋ ناتيجەسىندە قازاقستان حالقى ءۇشىن اۋىل شارۋاشىلىعى سالاسى نەگىزگى كىرىس كوزىنە اينالادى. 2021 جىلعا قاراي اۋىل شارۋاشىلىعى ونىمدەرىنىڭ جالپى جيىنى  30%-عا 1ترلن تەڭگەگە نەمەسە 3,3 ترلن تەڭگەدەن 4,3 ترلن تەڭگەگە دەيىن ۇلعايتۋ جوسپارلانۋدا. سونىمەن قاتار, ەڭبەك ونىمدىلىگىن 50%-عا 1,2 ملن تەڭگەدەن 1,9 ملن تەڭگەگە  ارتتىرۋ, ەكسپورت 17%-عا 2,1 ملرد-2,5 ملرد اقش دوللارىنا دەيىن, جانە يمپورت كولەمىن 17%-عا 3,4 ملرد-2,8 ملرد اقش دوللارىنا دەيىن تومەندەتۋ كوزدەلىپ وتىر», – دەدى مينيستر. سونىمەن قاتار, سۋارمالى جەرلەردىڭ ۇلەسىن 40%-عا ياعني, 1,4 ملن گا 2 ملن گا دەيىن ارتتىرۋ, وسىنىڭ ناتيجەسىندە كىرىس 30 ەسەگە دەيىن كوبەيەدى. نەگىزگى باسىمدىلىق فەرمەرلەرگە بولىنەدى: مەملەكەتتىك قولداۋ 7 ەسەگە, ياعني 67 مىڭنان 500 مىڭ ءاشتو كوبەيەدى. دينارا بىتىكوۆا, «ەگەمەن قازاقستان»