«تاۋەلسىز قازاقستان» پويىزى «بولاشاق» بەكەتىنە ايالدادى

مەملەكەت باسشىسىنىڭ تاپسىرماسىمەن تاۋەلسىزدىكتىڭ شيرەك عاسىرلىق مەرەكەسىنە وراي رەسپۋبليكامىزدىڭ الىس تۇكپىرلەرىندەگى بەكەتتەرگە ايالداپ, وڭىرلەردىڭ ەكونوميكالىق احۋالىمەن, حالىقتىڭ الەۋمەتتىك جاعدايىمەن تانىسىپ, ولارعا دارىگەرلىك, كاسىپكەرلىك, الەۋمەتتىك, قۇقىقتىق, اۋىلشارۋاشىلىق ماسەلەلەرى بويىنشا قابىلداۋ وتكىزىپ, ساۋالدارىنا جاۋاپ قايتارىپ, كەڭەس بەرۋ ءۇشىن جولعا شىققان «تاۋەلسىز قازاقستان» پويىزى ماڭعىستاۋ وڭىرىندە بولدى. 25 جىلدىق مەرەكە اياسىن­دا 1 قاراشا كۇنى استانا قالاسىنان جولعا شىققان پويىز 25 كۇن دەگەندە 25-ءشى بەكەت – «بولاشاققا» كەلىپ جەتكەن ەدى. الدىمەن جاڭاوزەن قالاسىنا ات سۋىتقان ولاردى اتالعان قالانىڭ اكىمدىگى مەن تۇرعىندارى ءان-جىرمەن, اق داممەن قارسى الدى. جاڭارعان جاڭاوزەندى ارالاتىپ, قالانىڭ تىنىس-تىرشىلىگىمەن تانىستىردى. پارلامەنت ءماجىلىسىنىڭ دەپۋتاتتارى, «قازاقستان تەمىر جولى» ۇك وكىلدەرى, قازاقستان حالقى اسسامبلەياسىنىڭ مۇشە­لەرى, مەديتسينا جانە الەۋمەتتىك سالا ماماندارى, زاڭگەرلەر, وزگە دە مامانداردان قۇرالعان 270-كە جۋىق ادامى بار پويىز­دى «بولاشاق» بەكەتىنىڭ تۇر­عىن­دارى دا جىلى قابىلداپ, مارە-سارە بولدى, تيىسىنشە ولار دا تۇرعىندارمەن كەزدەسىپ, ءار سالا بويىنشا تۋىنداعان ساۋال­دارىنا جاۋاپ قايتاردى, دا­رىگەرلەر قابىلداۋ جۇرگىزىپ, كە­ڭ­ەس بەردى. قاراقيا اۋدانىنىڭ بولا­شاق اۋىلدىق وكرۋگى 2012 جى­لى «بولاشاق» تەمىر جول بەكەتى نە­گىزىندە قۇرىلعان. ەلىمىزدىڭ كە­لە­شەگىنە ورايلاستىرىپ «بو­لاشاق» اتانعان بەكەت قا­زاقستان مەن تۇرىكمەنستان شە­كا­­را­سىندا ورنالاسقان جانە ونىڭ ولاي اتالۋىنىڭ دا وزىن­دىك سەبەبى بار. سولتۇستىك – وڭ­­تۇستىك حالىقارالىق كولىك ءدا­لى­زىنىڭ شىعىس تارماعى بولىپ ەسەپ­تەلەتىن بۇل بەكەتتىڭ كەلە­شەكتە حالىقارالىق تاسى­مال-وتكىزگىشتىك الەۋەتى اسا زور بولماق. قازاقستان رەس­پۋب­­لي­كاسىنىڭ پرەزيدەنتى ن.نا­زار­باەۆ پەن تۇرىكمەنستان رەس­پۋب­لي­كاسىنىڭ پرەزيدەنتى گ.بەرد­ى­م­ۇحاممەدوۆتىڭ قا­تىسۋىمەن ارنايى اشىلعان بەكەتتە قازىرگى تاڭدا 516 تۇرعىن بار. ونىڭ ىشىندە 1 جاسقا دەيىنگى بالالار سانى 25 ەكەن! ياعني, ەل تا­ۋ­ەل­سىزدىگىنىڭ 25 جىلدىق مەرە­كەسىنە سىي رەتىندە «بولا­شاق­تىق» انالار 25 بالانى ومىرگە اكەلگەن! تۇرعىندار ءۇشىن تابيعي گازبەن, اۋىز سۋمەن جانە ەلەكتر قۋاتىمەن قامتىلعان 85 ءۇي, 8 ەكى­قاباتتى جاتاقحانا, 80 ورىن­دىق مەكتەپ, 50 ورىندىق با­لا­­باقشا, ناۋبايحانا مەن 50 ادام­دىق اسحانا, مونشا, ەمحانا جا­نە ەكى دۇكەن اشىلعان. بەكەتتە تە­مىر جول جەلىسى نەگىزگى ءوندىرىس بو­لىپ تابىلادى, بيىلعى 1 قىر­كۇيەككە دەيىن بەكەت ارقىلى 162 پويىزعا جۇكتەلگەن 42,7, مىڭ توننا جۇك ەكسپورتتالسا, 150 پويىزدىق 56,8, مىڭ توننا جۇك يمپورتتالعان. بولاشاق بەكەتىندە 292 تەمىرجولشى جۇ­مىس جاسايدى, ونىڭ 117-ءسى وسى بەكەتتىڭ تۇرعىنى بولسا, وز­گەلەرى ماڭعىستاۋ وبلىسى مەن ەلىمىزدىڭ باسقا وڭىرلەرىنىڭ ازاماتتارى. بەكەتتە بيۋدجەتتىك سالا قىزمەتكەرلەرىن باسپانامەن قامتۋ ءۇشىن «قولجەتىمدى باسپانا-2020» مەملەكەتتىك باع­دارلاماسى اياسىندا جوبالىق قۇنى 58,212 ملن تەڭگەنى قۇراي­تىن بەس ەكى بولمەلى ءۇي سالىنىپ جاتىر. بولاشاق تۇرعىندارى قو­عامدىق قابىلداۋلاردا تۇرعىن ءۇي مەن ونى زاڭداستىرۋ, اۋىلدا دارىگەرلىك قىزمەت كورسەتۋدى كوتەرۋ ماسەلەلەرىنە قاتىستى سۇراقتى العا تارتتى. پويىز دارىگەرلەرىنە قارالۋعا كەلگەندەر اراسىندا بالالاردىڭ قاراسى كوبىرەك بولدى. – پويىز استانادان شىق­قان­نان بەرى قاراي توقتاعان بارلىق بەكەتتەردە بولىپ كەلە­مىن. بۇگىنگى تاڭعا دەيىن 80 بالانى قارادىم. كوپشىلىك اتا-انا بالالارىن مايتابانعا جانە ۇرشىق اۋرۋىنا قاتىستى قاراتادى. «بولاشاقتان» 1-2 سا­عات ىشىندە 10 بالانى قارادىم. قۇ­دايعا شۇكىر, بالالاردان الاڭ­داتارلىق اۋرۋلار كەزىكپەدى. «بولاشاقتىق ء«بىر بالاعا ءتىلىن قاعىپ ەمۋىنە, سوي­لەۋىنە كەدەرگى كەلتىرەتىن ءتىل استىنداعى وسكىنگە وتا جاسادىم, – دەيدى ورتوپەد-دارىگەر ادىلبەك وماروۆ. «بولاشاقتاعى» شارا ودان ءارى ماڭعىستاۋلىقتار ۇيىم­داس­تىرعان «بولاشاعىمىز – بىر­لىكتە!» اتتى فورۋممەن جال­عا­ستى. فورۋمدا ماڭعىستاۋ وب­لىسى اكىمىنىڭ ورىنباسارى ب.نۇرعازيەۆا, «تاۋەلسىز قا­زاقستان» پويىزىنىڭ شتاب جە­تەكشىسى ءا.الپەيىسوۆ باس­تا­عان پويىز قۇرامىنداعى بەلگىلى ازاماتتار, ماڭعىستاۋ وب­لىسى­ن­- داعى اۋدان, قالا­لار­دىڭ قو­عامدىق كەلىسىم كە­ڭەستەرىنىڭ توراعالارى مەن ەتنو­ما­دە­ني بىرلەستىكتەر وكىل­دەرى قۇت­تىق­تاپ, ەل بىر­لى­گىنە, تى­نى­شتىعىنا جانە قا­زاق­ستاننىڭ دامۋىنا تىلەكتەرىن جاۋ­دىردى. ونەر­پازدار اسەم انمەن اس­پەت­تەدى. گۇلايىم شىنتەمىرقىزى, «ەگەمەن قازاقستان» ماڭعىستاۋ وبلىسى سۋرەتتى تۇسىرگەن تالانت قۇسايىن