بۇگىنگى ۇرپاق – ەلدىڭ ەرتەڭگى تىرەگى

وڭتۇستىكتە «تاۋەلسىزدىك قۇرداستارى» اتتى رەسپۋبليكالىق جاستار فورۋمى ءوتتى تاۋەلسىزدىك – ءتاتتى ۇعىم عانا ەمەس, ەركىندىك اڭساعان اتا-بابالارىمىزدىڭ عۇمىرلىق ارماندارىنىڭ جۇزەگە اسقان­دىعى, ازات قازاقستاننىڭ نۇرلى ەرتەڭى. تاريح ءۇشىن 25 جىل قاس-قاعىمداي عانا ۋاقىت بولعانىمەن, قازاقستان وسىنداي قىسقا ۋاقىتتا كەيبىر مەملەكەتتىڭ عاسىرلاپ باساتىن باس­پال­داقتارىنان ءوتتى. تاۋەلسىزدىك قۇندىلىعىن بۇگىنگى جاستارىمىز ءبىلىپ ءوسۋى كەرەك. م.اۋەزوۆ اتىنداعى ءوڭتۇس­تىك قازاقستان مەملەكەتتىك ۋنيۆەر­سيتەتىندە «قازاقستاندىق سالالىق ءبىلىم جانە عىلىم قىزمەتكەرلەر كاسىپوداعى» قوعامدىق بىرلەس­تىگىنىڭ ۇيىمداستىرۋىمەن تۇڭ­عىش پرەزيدەنت كۇنىنىڭ ايا­سىن­دا, سونداي-اق, قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي وتكەن «تاۋەلسىزدىك قۇرداستارى» اتتى رەسپۋبليكالىق جاستار فورۋمى وسىنداي ىزگى نيەتتى نەگىزگە العان. اتالعان ءىس-شاراعا قوعام قايراتكەرلەرى, ەلباسىمەن بىرگە وقىعان جولداستارى, جەرگىلىكتى بيلىك ورگاندارىنىڭ وكىلدەرى, رەسپۋبليكانىڭ جاس كاسىپوداق بەلسەندىلەرى, سالالىق كاسىپوداق بولىمشەلەرى قۇرىلىمدارىنىڭ جەتەكشىلەرى, وڭتۇستىك ءوڭىردىڭ ستۋدەنت جاستارى مەن ۇستازدار قاۋىمى قاتىستى. اتالعان جاستار فورۋمىنىڭ نەگىزگى ماقساتى – ەلباسى نۇرسۇلتان نازارباەۆتىڭ ەل دامۋى ستراتەگياسىنداعى باسىم با­عىتتاردا بەلگىلەنگەن تاپسىر­مالاردى جۇزەگە اسىرۋ, پا­رلا­مەنت پالاتالارىنىڭ بىرلەس­كەن وتىرىسىندا ەل تاريحى ءۇشىن اسا ماڭىزدى قۇجات بولىپ تابىلاتىن «قازاقستان رەسپۋبليكاسى تاۋەلسىزدىگىنىڭ 25 جىلدىعى دەكلا­راتسياسىنا» قولداۋ كورسەتۋ, جاستار ساياساتىن دامىتۋعا, تولەرانتتىلىق نەگىزدەرىنە سۇيەنە وتىرىپ ازامات­تىق قوعام­دى نىعايتۋ, سونىمەن قاتار, رەسپۋبليكانىڭ كاسىپوداقتار قوزعالىسىن جەتىلدىرۋگە جاستاردىڭ بەلسەندى قاتىسۋىن قامتاماسىز ەتۋ. فورۋم قازاقستاننىڭ ءانۇرا­نىمەن اشىلىپ, قازاقستان رەسپۋب­ليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازارباەۆ تۋرالى بەينەفيلم ۇسىنىلدى. العاشقى ءسوز قازاقستان سالالىق ءبىلىم جانە عىلىم قىزمەتكەرلەرى كاسىپوداعىنىڭ ءتورايىمى مايرا امانتاەۆاعا بەرىلدى. – ەلباسىمىزدىڭ ءومىرى – جاس­تارعا ۇلكەن ونەگە, – دەدى قازاق­ستان سالالىق ءبىلىم جانە عىلىم قىزمەتكەرلەرى كاسىپوداعىنىڭ ءتور­ايىمى مايرا تۇرعانقىزى. – ءبىز جاستارعا ۇلكەن اعالارى ماحمۇت قاسىمبەكوۆتىڭ ەلباسى تۋرالى جازعان كىتاپتارىن وقى­تۋعا جۇيەلى جۇمىس جاساپ كەلەمىز. ويتكەنى, تاۋەلسىزدىك پەن ەلباسى ەگىز ۇعىمعا اينالىپ كەتتى. بۇگىنگى جاستار شيرەك عاسىردان بەرى ەشقانداي الاڭسىز جاعدايدا ءومىر ءسۇرىپ جاتىر. بوداندىق, وزگە ەلگە كىرىپتار بولۋدىڭ نە ەكەندىگىن بىلمەيدى. بۇل – تاۋەلسىزدىكتىڭ جەمىسى. ەندى وسى جاستار ونى باياندى ەتۋ ءۇشىن ەرىنبەي ەڭبەك ەتۋلەرى كەرەك. ءبىزدىڭ ماقسات وسىعان نەگىزدەلەدى. سالتاناتتى كەشتە كاسىپ­وداق­تار فەدەراتسياسى توراعاسىنىڭ ورىنباسارى مۇحاممەت تولەۋ­عازين, م.اۋەزوۆ اتىنداعى وڭ­تۇس­تىك قازاقستان مەملەكەتتىك ۋني­ۆەرسيتەتىنىڭ ءبىرىنشى پرورەكتورى, پروفەسسور جامبىل ايمەنوۆ, قازاقستان رەسپۋبليكاسى تۇڭعىش پرەزيدەنتىمەن بىرگە وقىعان جول­داسى, اكادەميك قايرات يسلام­­قۇلوۆ جانە سالالىق كاسىپ­وداق­تاردىڭ جاستار كەڭەسىنىڭ ءمۇ­شەسى بولات قاليەۆ ءسوز سويلەدى. فورۋم بارىسىندا «ەڭ ۇزدىك جاس كاسىپوداق بەلسەندىلەرى», «ەڭ ۇزدىك پلاكات» اتتى بايقاۋدىڭ جانە «ەڭ ۇزدىك كاسىپوداق جوبا­سىنىڭ» جەڭىمپازدارىن ماراپاتتاۋ سالتاناتى ءوتتى. «الەۋمەتتىك جەلى نەگىزدەرى», «جاستار اراسىندا كاسىپكەرلىكتى دامىتۋ», «مەن – كوشباسشىمىن!» اتتى سەكتسيالىق وتىرىستار ۇيىمداستىرىلدى. سونداي-اق, پرەزيدەنت اكىم­شىلى­گىنىڭ كومەگىمەن ۇيىمداس­تى­­رىلعان ەلباسى نۇرسۇلتان نازارباەۆ تۋرالى كىتاپتار فورۋم قاتى­سۋشى­لارىنا ۇلەستىرىلدى. فورۋمدا «تاۋەلسىزدىك قۇرداس­تارى» اتتى رەسپۋبليكالىق جاستار فورۋمىنىڭ ۇندەۋى قابىلدانىپ, سوڭى پاتريوتتىق اندەرگە ۇلاستى. باقتيار تايجان, «ەگەمەن قازاقستان» شىمكەنت