تالشىقتى جەلى ىسكە قوسىلدى

كەشە استانادا بايلانىس جانە اقپارات ءمينيسترى اسقار جۇماعاليەۆ پەن «قازاقستان تەمىر جولى» ۇك» اق پرەزيدەنتى اسقار مامين 4 مىڭ شاقىرىمدىق جاڭا وپتيكالىق تال­شىق­تى بايلانىس جەلىسىن ىسكە قوستى. ول ترانزيتتىك جانە رەسپۋبليكا ىشىلىك تەمىر جول تاسىمالىن سەنىمدى اقپاراتپەن قامتيدى جانە تەمىر جولدىڭ باسەكەلەستىك الەۋەتىن جوعارىلاتۋعا قىزمەت ەتەدى. وپتيكالىق تالشىقتى بايلا­نىس جەلىسى رەسپۋبليكا تەمىر جو­لى­نىڭ استانا–پاۆلودار – سە­مەي–اقتوعاي, شۋ–ارىس (سا­رى­اعاش ارقىلى وزبەكستان شەكا­را­سىنا شىعۋ) – قىزىلوردا–قان­دىاعاش; كوك–جاڭاەسىل (پرەسنوگوركوۆ ستانساسىنا شىعۋ) – قوس­تاناي وڭىرلەرى ارقىلى ستراتە­گيا­لىق جەلىلەرىن باسىپ وتەدى. بار­لىعى ءتورت مىڭ شاقىرىمعا جۋىقتايدى. – مەملەكەت باسشىسى ءبىزدىڭ الدىمىزعا 2015 جىلعا دەيىن جەر­گىلىكتى تەلەفون بايلانىسىن 100 پايىزدىق كولەمدە ساندىق فورمات جۇيەسىنە قوسۋدى جانە ءاربىر قا­زاقستاندىقتى ينتەرنەتپەن قام­تۋ­دى تاپسىرعان بولاتىن, – دەپ اتاپ ءوتتى سالتاناتتى شارادا باي­لانىس جانە اقپارات ءمينيسترى اسقار جۇماعاليەۆ. – العاشقى ساندىق جەلىنى ىسكە قوسۋ وسى ماق­ساتتىڭ باستاپقى قادامى. اتال­مىش ماگيسترالدىق جەلىنى ىسكە قوسۋ تەمىر جول بويىنداعى ەلدى مەكەندەردى سوڭعى ۇلگىدەگى باي­لا­نىس جۇيەسىمەن قامتۋ ار­قى­لى ەلىمىزدىڭ تەلەكوممۋنيكا­تسيا­لىق رىنوگىن بايىتا تۇسەدى. بايلانىس جەلىسىنىڭ قۇرىلى­سىن قتج ەنشىلەس كاسىپورنى – «ترانستەلەكوم» اق 2010 جىل­دىڭ العاشقى جارتىسىندا باس­تاعان بولاتىن. 2011 جىلدىڭ تامىز ايىندا قۇرىلىس جۇمىسى اياقتالىپ, جالپى ۇزىندىعى 3951 شاقىرىمدىق جەلى پايدالانۋعا بەرىلدى. قۇرىلىس جۇمىستارى «قازاقستان تەمىر جولى» ۇك» اق مەن «جولاۋشىلار تاسىمالى» اق كەپىلدىگىمەن ەۋروپا قاي­تا قۇرۋ جانە دامۋ بانكىنىڭ نەسيەلىك زاەمىمەن قارجى­لان­دى­رىل­عان. جوبانىڭ جۇمىسىنا «Alca­tel-Lucent» كومپانياسى مەردىگەرلىك ەتىپتى. جوبا تەمىر جول كولىگىن سەنىمدى جوعارى تەحنولوگيالىق بايلا­نىس­پەن قامتۋدان تۋعان بولسا, ماگيسترالدىق كابەل جەلىسى تەمىر جول ستانسالارى مەن جول ايىرىقتارىن دا قامتىپ, تەلىمدەرمەن ىرگەلەس ورنالاستىرىلعان. «قازاقستان تەمىر جولى» ۇك» اق پەن «ترانستەلەكوم» اق ستان­سا­لارعا جاقىن ورنالاسقان كاسىپ­ورىندار مەن مەكەمەلەردى قامتۋ ماقساتىندا ماگيسترالدىق جەلىدەن ارنايى تارماقتارىن شى­عا­رىپ قوسقان. بۇل جەلى سوڭعى ۇلگىدەگى ارنالارمەن جىبەرىلەتىن قۇرىلعىلارمەن جابدىقتالدى. جاڭا جەلى ارقىلى «قازاقستان تەمىر جولى» ۇك» اق پەن ونىڭ ەنشىلەس كاسىپورىندارى كۇردەلى اقپاراتتىق اعىنداردى دا اۆ­توماتتاندىرىلعان جۇيەمەن قامتي الماق. جاڭا تالشىقتى جەلى حالىق­ارا­لىق جانە قالاارالىق بايلا­نىس وپەراتورلارىن, سونداي-اق ەلى­مىزدىڭ تەلەكوممۋنيكاتسيالىق رى­نو­گىندا تاپسىرىس بەرۋشىلەردى سەنىمدى دە جوعارى ساپالى باي­لانىس جۇيەسىمەن قامتيتىن بولادى. ءابدىراحمان قىدىربەك. سۋرەتتى تۇسىرگەن مۇحتار حالداربەكوۆ.