ەكسترەميزم قاي جەردەن سوققى جاسايتىنىن ەشكىم بىلمەيدى - ەلباسى

رەسەيلىك "روسسيا 24"  تەلەارناعا بەرگەن سۇحباتىندا مەملەكەت باسشىسى نۇرسۇلتان نازارباەۆ ورتالىق ازيادا تەرروريزم مەن ەكسترەميزمنىڭ الدىن الۋ ۇجىمدىق قاۋىپسىزدىك كەلىسىم ۇيىمىنىڭ مەملەكەتتىك كەشەندى ىقپال ەتۋ وزەكتىلىگىنە توقتالدى. سونىمەن قاتار ەكسترەميزم قاي جەردەن سوققى جاسايتىنىن ەشكىم دە بىلمەيتىنىن جەتكىزدى. "ۇجىمدىق قاۋىپسىزدىك كەلىسىم ۇيىمىنا مۇشە بولۋ بۇل ءبىزدىڭ ەرىكتى تۇردەگى شەشىم. ول ناقتى بىرەۋگە قارسى باعىتتالماعان. بۇل اسكەري بلوك ەمەس. بۇل ناعىز كەرەكتى ۇيىم. سەبەبى قازىرگى ۋاقىتتا كەز-كەلگەن مەملەكەتتە تەرروريزم مەن ەكسترەميزم جاپا شەگۋى مۇمكىن جانە لاڭكەستەر قاي ۋاقىتتا قاي جەردەن سوققى جاسايتىنىن ەشكىم بىلمەيدى. الەمنىڭ بارلىق ەلدەرىندە وسىمەن كۇرەس ءجۇرىپ جاتىر", - دەدى نۇرسۇلتان نازارباەۆ. "ۇجىمدىق قاۋىپسىزدىك كەلىسىم ۇيىمىنىڭ وسى شارتتارىندا ءبىزدىڭ ورتاق جۇمىسىمىز كورىنەدى. مىسالى, ۇجىمدىق قاۋىپسىزدىك كەلىسىم ۇيىمىنىڭ وڭتۇستىك شەكاراسىندا, تاجىكستان, تۇركمەنستان, وزبەكستان ەلدەرى اۋعانستانعا جاقىن, ولارعا دايش لاڭكەستەرى قىسىم كورسەتۋى مۇمكىن. قۇدايعا شۇكىر, قازىرگى ۋاقىتتا ەشقانداي مەملەكەت مۇنداي قاۋىپتى كورىپ وتىرعان جوق. الايدا بۇعان دايىن بولۋ كەرەك. ۇقكۇ - بۇل ۇجىمدىق ورگان, بۇل جەردە ماسەلەلەر ۇجىمداسۋ ارقىلى شەشىلەدى جانە ءبىزدىڭ ءبىر مۇشەمىزگە شابۋىل جاسالعان ۋاقىتتا, بارلىق ازاماتتار وسى ۇيىمنىڭ ارقاسىندا سەنىمدى بولادى دەپ ويلايمىن", - دەپ ءبولىستى قازاقستان پرەزيدەنتى ءوز ويىمەن.