25 قاراشاعا ارنالعان اۋا رايى

بۇگىن رەسپۋبليكامىزدىڭ سولتۇستىگىندە اتموسفەرالىق فرونتتىڭ وتۋىنە بايلانىستى قار جاۋىپ, بۇرقاسىن بولىپ, جەل كۇشەيەدى. قازاقستاننىڭ قالعان ايماقتارىندا جاۋىن-شاشىن بولمايدى. كەي جەرلەرىندە  تۇمان كۇتىلەدى, وڭتۇستىك-شىعىسىندا كوكتايعاق بولادى. بۇل تۋرالى قر ءىىم تجك ءباسپاسوز قىزمەتى حابارلايدى. اقمولا, سولتۇستىك قازاقستان, شىعىس قازاقستان  وبلىستارىنىڭ كەي جەرلەرىندە بۇرقاسىن بولىپ, جەل 15-20, كەي جەرلەردە 23-28 م/س  كۇشەيەدى. پاۆلودار  وبلىسىندا بۇرقاسىن, كەي جەرلەردە كۇشتى جەل سوعادى, 15-20 م/س, كەي جەرلەردە 23-28 م/س-عا دەيىن كۇشەيەدى. جامبىل, الماتى, قىزىلوردا وبلىستارىنىڭ كەي جەرلەرىندە تۇمان تۇسەدى, جامبىل وبلىسىنىڭ كەي جەرلەرىندە كوكتايعاق بولادى. ماڭعىستاۋ, اتىراۋ وبلىستارىندا, كۇندىز باتىس قازاقستان, اتىراۋ وبلىستارىنىڭ كەي جەرلەرىندە  جەل 15-22 م/س كۇشەيەدى. اتىراۋ وبلىسىنىڭ كەي جەرلەرىندە تۇمان بولادى. قوستاناي وبلىسىنىڭ كەي جەرلەرىندە بۇرقاسىن, كوكتايعاق بولىپ, جەل 15-22 م/س كۇشەيەدى. قاراعاندى وبلىسىنىڭ كەي جەرلەرىندە بۇرقاسىن بولىپ, تۇمان ءتۇسىپ, جەل 15-20 م/س كۇشەيەدى.