شاعىن كاسىپكەرلىكتى قولداۋ ارتا تۇسەدى

كەشە سەناتتىڭ ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىندە شوب-تى مەملەكەتتىك قولداۋ ماسەلەلەرىن تالقىلاعان وتىرىس بولدى. وعان ۇلتتىق ەكونوميكا جانە باسقا دا مەملەكەتتىك ورگاندار باسشىلارى قاتىستى. وتىرىستى كوميتەت توراعاسى اسقار بەي­سەنباەۆ اشىپ, جۇرگىزىپ وتىردى. ءوز سوزىندە ول مەملەكەت باسشىسى ن.نازارباەۆتىڭ 2050 جىلعا دەيىن شا­عىن جانە ورتا بيزنەس شىعاراتىن ونىمدەر مەن اتقاراتىن قىزمەتتەر ۇلەسى ءىجو-ءنىڭ 50 پايىزى كولەمىنە جەتۋى كەرەك دەگەن مىندەت قويعانىن ەسكە سالدى. پارلامەنت تاراپىنان شاعىن جانە ورتا بيزنەستەردى قولدايتىن ىسكەرلىك احۋال تۋدىرۋ ءۇشىن ازىرلەنگەن زاڭنامالار جەتىلدىرىلىپ, كوپتەگەن اكىمشىلىك كەدەر­گى­لەر جويىلعانىن ايتتى. الايدا ءالى كۇنگە شوب ءىجو-دەگى ۇلەسى بىزدە 25,6 پايىزدان اسپاي وتىر, ال دامىعان شەت ەلدەردە ول 40-تان 90 پايىزعا دەيىن جەتكەن, دەدى ا.بەيسەنباەۆ. شوب-تى مەملەكەتتىك تۇرعىدان قول­داۋ جونىندەگى ۇكىمەتتىڭ جاساپ جاتقان ءىس­تە­رى تۋرالى ۇلتتىق ەكونوميكا ۆيتسە-مي­نيسترى ايدار ءارىپحانوۆ باياندادى. ونىڭ ايتۋىنا قاراعاندا, قازاقستاندا قازىر 3,1 ملن ادامدى قامتىعان 1 240 916 شوب سۋبەكتىلەرى بار ەكەن. ۇستىمىزدەگى جىلدىڭ العاشقى جارتىجىلدىعىندا ولار 6,4 ترلن تەڭگەنىڭ ءونىمىن شىعارعان. وتكەن جىلمەن سالىستىرعاندا بۇل 11,0 %-عا ارتىق. وتىرىستا قارجى ۆيتسە-ءمينيسترى ارداق تەڭگەباەۆ, دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ءبىرجان نۇرىمبەتوۆ, «اتامەكەن» ۇلتتىق كا­سىپكەرلەر پالاتاسى توراعاسىنىڭ ورىن­باسارى تولەمىس شوتانوۆ جانە ت.ب. ءسوي­لەپ, ءوز سالالارىندا وسى باعىت­تا ات­قارىلىپ جاتقان جۇمىستار تۋرا­لى بايا­ندادى. باياندامالاردى تالقىلاۋ­عا سە­ناتورلار سارسەنباي ەڭسەگەنوۆ, نۇرلان قىلىشباەۆ, تالعاتبەك اباي­دىل­دين, باقتىباي شەلپەكوۆ, اسحات كۇ­زەكوۆ جانە ت.ب. قاتىستى. وتىرىس قو­رىتىندىسى بويىنشا شا­عىن جانە ورتا بيز­نەستى قولداۋدىڭ ما­­ڭىزدىلىعى ايتىلىپ, ۇكىمەتكە ۇسىنىستار ءازىر­لەندى. جاقسىباي سامرات, «ەگەمەن قازاقستان»