جاستار اراسىنداعى پاتريوتتىق بايقاۋ

استانا – جاستار قالاسى. بۇگىندە ەلوردا تۇرعىندارىنىڭ 30 پايىزدان استامى ستۋدەنتتەر مەن جاستاردان تۇرادى. سوندىقتان, جاستار اراسىندا پاتريوتتىق تاربيە جۇمىستارىن جۇرگىزۋدىڭ ماڭىزى ولشەۋسىز. بۇل رەتتە ەلورداداعى جاستار ساياساتى ماسەلەلەرى جونىندەگى باسقارمانىڭ اتقارىپ جاتقان جۇمىسى اۋقىمدى. جاقىندا باس قالانىڭ جاستار ساياساتى ماسەلەلەرى جونىندەگى باسقار­ماسىنىڭ ۇيىمداستىرۋىمەن قازاقستان رەسپۋبليكاسى مەملە­كەتتىك ءانۇرانىنىڭ ءماتىنىن كوپ­شىلىكتىڭ جاتقا بىلۋىنە بايلانىس­تى «شارىقتاسىن ءانۇران!» اتتى بايقاۋ وتكىزدى. تاۋەلسىزدىگىمىزدىڭ شيرەك عاسىرلىق مەرەيلى مەرە­كەسى اياسىنداعى « ۇلى دالا ەلى – تاۋەلسىزدىكتىڭ 25 تۇعىرى» نەگىزىن­دەگى 25 جۇلدىزدى كۇن جوباسىنىڭ اۋقىمىندا وتكىزىلگەن بۇل بۇقا­رالىق بايقاۋعا 200-دەن استام جاس­تار جانە قالا تۇرعىندارى مەن قوناقتارى قاتىستى. بايقاۋ بارىسىندا ەلىمىزدىڭ جاستارى ءانۇران ءماتىنىن جەتە بىلەتىندىكتەرىن تانىتىپ, پاتريوتتىق رۋحتارىنىڭ جوعارى ەكەندىگىن كورسەتتى. سونىمەن بىرگە, وسى پاتريوتتىق شارا اياسىندا الەۋمەتتىك جەلىلەردە كەڭ تانىمالدىققا يە بولعان «Mannequin Challenge» فلەشموبىنا ەلىمىزدىڭ مەملەكەتتىك تۋلارىن ۇستاعان قالا تۇرعىندارىنىڭ قاتى­سۋىنا مۇمكىندىك جاسالدى. فلەش­موب اياسىندا قولدارىنا مەملەكەتتىك تۋ مەن جالاۋشالار ۇستاعان جاستار مەملەكەتتىك ءرامىز­دەرگە دەگەن قۇرمەتتەرىن كورسەتتى. وسى شا­رالارعا قوسىمشا قازاقستان رەسپۋب­ليكاسى تاۋەلسىزدىگىنىڭ 25 جىلدىعىنا بايلانىستى تاقى­رىپتارمەن بەزەندىرىلگەن ەكى اۆتو­موبيل قالا كوشەلەرىمەن ءجۇرىپ, ەلوردا تۇرعىندارى مەن قوناق­تارىنىڭ مەملەكەتتىك ءانۇران ءماتىنىن ءبىلۋ دارەجەلەرىن انىق­تايتىن بايقاۋ جۇرگىزدى. بۇل شارا­عا قاتىسۋشى تۇرعىندار مەن قوناق­تارعا ارنايى سىيلىقتار تابىس ەتىلدى. جاستار ساياساتى ماسەلەلەرى ءجو­نىندەگى باسقارمانىڭ باستاماسى­مەن ۇيىمداستىرىلعان بۇل شارا جاستار اراسىنداعى وتان­سۇيگىش­تىك جانە پاتريوتيزم سەزىمدەرىن قالىپتاستىرۋمەن بىرگە, تاۋەلسىز­دىگىمىزدىڭ 25 جىلدىق مەرەيلى مەرەكەسى قارساڭىندا تۇرعىندارعا كوتەرىڭكى كوڭىل-كۇي سىيلاۋ بولىپ تابىلادى. جاستار ساياساتى ماسەلەلەرى جونىندەگى باسقارما بەلگىلەگەن باعدارلامالار بويىنشا ەلوردانىڭ ستۋدەنتتەرى مەن جاس­تارىن بىرلىككە, تاتۋلىققا جانە پاتريوتيزمگە ۇندەيتىن مۇنداي يگى شارالار الداعى ۋاقىتتا دا جۇيەلى وتكىزىلىپ تۇراتىن بولادى. استانا قالاسىنىڭ جاستار ساياساتى ماسەلەلەرى جونىندەگى باسقارماسى