ادامگەرشىلىك وليمپياداسى

الماتى قالاسىنداعى «بوبەك» ۇلتتىق عىلىمي-پراكتيكالىق ءبىلىم بەرۋ جانە ساۋىقتىرۋ ورتالىعىندا بولاشاق ۇرپاقتىڭ رۋحاني دۇنيەسى باي, باقىتتى جانە جان-جاقتى دامىپ وسۋىنە ارنالعان «بيىك ويلار اسپانى» اتتى «ءوزىن ءوزى تانۋ» ءپانى بويىنشا رەسپۋبليكالىق وليمپيادا ءوتتى. وليمپياداعا قازاقستاننىڭ ون ءتورت وبلىسىنان, استانا, الماتى قالاسىنان (قالا مەكتەپتەرىنىڭ قۇراما, نازارباەۆ زياتكەرلىك مەكتەپتەرىنىڭ, «ءوزىن ءوزى تانۋ» گيم­نازياسىنىڭ كوماندالارى) 101 وقۋشى قاتىستى. اتالمىش شارانىڭ نەگىزگى ماقساتى – وقۋشى­لاردىڭ شىعارماشىلىق الەۋەتىن دامىتۋ, تۇلعالىق قاسيەت­تەرىن, ازاماتتىق ۇستانىمىن كورسە­تۋ, ءوزىن ءوزى جەتىلدىرۋگە جانە تانۋعا ۇمتىلىسىن قولداۋ ارقىلى بالالار مەن جاسوسپىرىمدەرگە رۋحاني-ادامگەرشىلىك ءبىلىم بەرۋ. تاۋەلسىزدىك قازاقستاننىڭ جانە ونداعى كوپۇلتتى حالىقتىڭ تاريحىنا تۇبەگەيلى وزگەرىستەر اكەلدى. وسىلاي, 2010 جىلى ەلىمىزدىڭ ءبىلىم بەرۋ جۇيەسىنە «ءوزىن ءوزى تانۋ» ءپانى ەنگىزىلدى. بۇل – ءبىلىم بەرۋ ۇدەرىسىندەگى ۇلكەن جەتىستىك. ءبىلىم بەرۋ جۇيەسى بۇگىنگى قوعام مەن ادامعا ماڭىزدى بولىپ تابىلاتىن ءوز-وزىمەن جانە قورشاعان ورتامەن ۇيلەسىمدى ءومىر سۇرەتىن تۇلعانىڭ دامۋىنا باعىتتالۋى ءتيىس. وسى ورايدا, جاس ۇرپاقتىڭ رۋحاني مادەنيەتىن ارتتىرىپ, كور­كەمدىك الەمىن بايىتۋدا, دۇنيە­تانىمىن قالىپتاستىرىپ, سالاماتتىلىققا تاربيەلەۋدە «ءوزىن ءوزى تانۋ» ءپانىنىڭ ورنى ەرەكشە. بۇل ءپان جەكە تۇلعانىڭ ءوزىن ءوزى تانۋىنا جانە رۋحاني بايۋىنا اسەر ەتە وتىرىپ, ءاربىر تۇلعانىڭ جاقسى جاققا وزگەرۋىنە مۇمكىندىك بەرەدى. سونىمەن قاتار, ول جەكە تۇلعا رەتىندە ءوزىن ءوزى تانۋعا جانە ومىرلىك ۇستانىمىن, دۇنيە تانىم­دىق دەڭگەيىن انىقتايتىن قۇن­دىلىقتار ساپاسىنا يە بولۋعا باعىت-باعدار بەرەدى. «ءوزىن ءوزى تانۋ» رۋحاني-ادامگەرشىلىك ءبىلىم بەرۋ باعدارلاماسىنىڭ اۆتورى سارا الپىسقىزى نازارباەۆانىڭ سوزىمەن ايتساق: «جالپىادامزاتتىق قۇندىلىقتاردىڭ ءمانىن اشاتىن, قاراپايىم ادامگەرشىلىك نورمالارى بولىپ تابىلاتىن جاۋاپ­كەرشىلىكتى سەزىنۋ, ار-نامىستى ساقتاۋ, ماحاببات پەن جاناشىرلىق تانىتۋ, رياسىز جاقسىلىق جاساي ءبىلۋ نەگىزىندە بالانىڭ وزىندىك تۇلعاسىن قالىپتاستىرىپ, دامىتۋ – ءبىلىم بەرۋ مەن تاربيەلەۋدىڭ نەگىزگى وزەگى بولۋعا ءتيىس. ءبىزدىڭ باستى مىندەتىمىز – اتالعان قۇندى­لىقتاردى بالالارىمىز بەن جاس­وسپىرىمدەردىڭ باسقا تۇلعالار­مەن, قورشاعان ورتاسىمەن, بار الەممەن بايلانىس جاساۋ قاجەت­تى­لىگىنە اينالدىرۋ. مىنە, وسى تا­لاپ­تارعا «ءوزىن ءوزى تانۋ» رۋحا­ني-ادامگەرشىلىك ءبىلىم بەرۋ باعدار­لاماسى جاۋاپ بەرەدى». وليمپيادا ناتيجەسى بويىنشا 25 قاتىسۋشى ءبىرىنشى دارەجەلى ديپلومعا, 51 قاتىسۋشى ەكىنشى دارەجەلى ديپلومعا, 25 قاتىسۋشى ءۇشىنشى دارەجەلى ديپلومعا يە بولدى. اسىرەسە, اقتوبە, باتىس قازاق­ستان, جامبىل جانە قىزىلوردا وب­لىس­تارىنىڭ, الماتىداعى «ءوزىن ءوزى تانۋ» گيمنازياسىنىڭ وقۋ­شىلارى ۇزدىك ناتيجەلەر كورسەتتى. نۇرگۇل ءارىنوۆا, «بوبەك» ورتالىعىنىڭ عىلىمي قىزمەتكەرى