جىلدىڭ ۇزدىك رومانى 1 ميلليون تەڭگە يەلەندى

سارسەنبىنىڭ ساتىندە الماتىداعى ىقىلاس اتىنداعى حالىق مۋزىكالىق اسپاپتار مۇراجايىندا «التىن قالام-2016» تاۋەلسىز ادەبي جۇلدەسىنىڭ كەزەكتى جەڭىمپازدارى ماراپاتتالدى. جۇلدەگە ۇسىنىلعان ىلكىمدى شىعارمالار ىرىكتەلە كەلە, قازاق جانە ورىس تىلدەرىندە جازىلعان 30 شىعارما 6 اتالىم بويىنشا قورىتىندى سايىسقا جىبەرىلگەن بولاتىن. تاۋەلسىز ادەبي جۇلدە ءۇشىن ەلىمىزدىڭ بارلىق ايماقتارىنداعى اۆتورلار «تالاسقانىن» ايتا كەتەلىك. جۇمىستار ۇستىمىزدەگى جىلدىڭ 1 شىلدەسىنەن باستاپ قازان ايىنىڭ 15-نە دەيىن قابىلدانىپ, وقىرماندار قازاننىڭ 31-نە دەيىن داۋىس بەردى. بارلىق شىعارما akalam.kz سايتىنا ورنالاستىرىلدى. بيىل بايقاۋعا 446 اۆتور ءار ءتۇرلى جانردا جازىلعان 863 شىعارماسىن ۇسىنعان. سونىمەن, قازىلار القاسى­نىنىڭ شەشىمىمەن «جىلدىڭ ۇزدىك پوەزياسى» جۇلدەسىن شىمكەنتتىك اقىن داۋرەن ايمانبەتوۆ الدى. «جىلدىڭ ۇزدىك پروزاسى» الما­تىلىق جانەل ءابۋزاروۆانىڭ «تەزەكباي» شىعارماسىنا بەرىلدى. «جىلدىڭ ۇزدىك كينو ستسەناريى جانە دراماتۋرگياسىن» الماتىلىق نۇرلان قاميدىڭ «قالامگەرى» الدى. «جىلدىڭ ۇزدىك بالالار جانە جاسوسپىرىمدەر ادەبيەتى» سىيلىعىنا وڭتۇستىك قازاقستان وبلىسىنان ورىنباسار ءسۇتتىبايدىڭ «قاناتتى بارىس, كوك ءبورى جانە بابىر باتىر» ەرتەگىسى لايىق دەپ تابىلعان. «جىلدىڭ ۇزدىك ساتيراسى» بايگەسىن ەكىباستۇزدىق سايلاۋ بايبوسىننىڭ «اسقازانىڭىز اۋىرماي ما؟» اتتى دۇنيەسى الدى. سول سياقتى «جىلدىڭ ۇزدىك فان­تاستيكا نەمەسە دەتەكتيۆ شى­عار­­ماسى» اتاۋلى سىيلىعى بويىنشا دىلداگۇل نۇرماحانبەتتىڭ «قۇپيا جاشىك تۇتقىنى» ماراپاتتالدى. ال ءورىستىلدى اۆتورلار ىشىندە ناتاليا سلۋدسكايانىڭ «ورانجەۆوە نا سەروم» جىرى ۇزدىك اتانسا, پروزادا كوكشەتاۋلىق ورىنباي جانايداروۆتىڭ «پوسلەدني حان زولوتوي وردى» شىعارماسىنىڭ جولى بولدى. ءورىستىلدى بالالار ادەبيەتىندەگى باس جۇلدە بار بولعانى 14 جاستاعى پاۆلودارلىق اۆتور گۇلنۇر باۋىرجانوۆانىڭ «نەۆوزموجنوە» اڭگىمەسىنە بەرىلدى. ساتيرادا «تاراكانى ۆ گولوۆە» شىعارماسىمەن قىزىلوردالىق ناتاليا دەنيسوۆانىڭ تۋىندىسى توپ جاردى. سول سياقتى ۇزدىك فانتاس­تيكا رەتىندە المات­ىلىق ليۋدميلا لازارەۆانىڭ «كوورديناتورى» جە­ڭىسكە جەتتى. «جىلدىڭ ۇزدىك كينو ستسەناريى جانە دراماتۋرگيا­سى» ءمادينا راحىمباەۆانىڭ «سنە­گوپاد» ستسەناريى ماراپاتتالدى. سونىمەن قاتار, قازىلار ال­قا­سىنىڭ شەشىمىمەن «قازاق ادە­بيەتىنە قوسقان ەلەۋلى ەڭبەگى ءۇشىن» «بابالار ءسوزى» ءجۇز توم­دىعىن شى­عارعان م.اۋەزوۆ اتىن­داعى ادە­بيەت جانە ونەر ينستيتۋتى ماراپاتتالدى. بيىلعى جۇلدەنىڭ باستى وقي­عاسى – ەل تاۋەلسىزدىگىنىڭ 25 جىل­دىعىنا وراي قازاقتىڭ ۇزدىك رومانىنا العاش رەت ارنايى بايگە جاريالاندى. «جىلدىڭ ۇزدىك رومانى» اتالىمى بويىنشا «مەن جىندىمىن» شىعارماسىمەن جەڭىمپاز اتانعان تۇرىسبەك ساۋكەتاەۆ مەتسەنات كەڭەس راقىشەۆ تاعايىنداعان 1 000 000 تەڭگەگە يە بولدى. بۇل بايقاۋدىڭ باستى ولجاسى – QAZKOM بانكىنىڭ قارجىلاي قولداۋىمەن بايقاۋدىڭ تاڭداۋلى شىعارمالارى 2017 جىلى جارىق كورەتىن «التىن قالام-2016» ادەبي جۇلدەسىنىڭ جيناعىنا ەنەدى. ايناش ەسالي, «ەگەمەن قازاقستان» الماتى