تۇركىستاندا 10 كوممۋنالدىق نىسان ىسكە قوسىلدى

تاۋەلسىزدىكتىڭ 25 جىلدىق مەرەي تويى قارساڭىندا تۇركىستانداعى بىرقاتار ەلدى مەكەندەر مەن شاعىن اۋدان تۇرعىندارى اۋىز سۋ جانە ساپالى ەلەكتر ەنەرگياسىمەن قامتاماسىز ەتىلدى, دەپ حابارلايدى تۇركىستان قالاسى اكىمىنىڭ ءباسپاسوز قىزمەتى. تۇرعىندار الدىندا ءسوز العان شاھار باسشىسى قالادا جاسالعان جۇمىستاردىڭ بارلىعى دا ەلباسىمىز ن.نازارباەۆتىڭ ەلىنە دەگەن قامقورلىعى مەن ساليقالى ساياساتىنىڭ ارقاسىندا ەكەنىن ايتتى. بۇل كۇنى تۇركىستاندا بەس نىساندا اۋىز سۋ قۇبىرلارى جانە قالانىڭ ۇلعايۋىنا بايلانىستى جاڭا تۇرعىن ۇيلەرگە ساپالى ەلەكتر قۋاتىن تاراتۋ ءۇشىن بەس ايماقتا ەلەكتر جەلىلەرى ىسكە قوسىلدى. بۇل نىسانداردىڭ جالپى قۇنى 4 ملرد. 904 ملن. تەڭگەنى قۇراپ وتىر. سونىڭ ىشىندە اۋىز سۋعا 3 ملرد. 438 ملن. جانە ەلەكتر جەلىلەرىن ورناتۋعا 1 ملرد. 465 ملن. تەڭگە بولىنگەن. مامانداردىڭ ايتۋىنشا, ىسكە قوسىلعان نىسانداردىڭ ەسەبىنەن تۇركىستان قالاسى اۋماعىندا تۇرعىنداردى اۋىز سۋمەن قامتۋ 90 پايىزعا جەتىپ, بيىل 15 مىڭنان استام ابونەنت تازا سۋ تۇتىنۋعا قول جەتكىزىپ وتىر. ال 2016 جىلى قالا اۋماعىنداعى 5 مىڭنان استام ابونەنت ساپالى ەلەكتر قۋاتىمەن قامتىلدى. وسىلايشا جالعاسىن تاپقان تۇركىستانداعى كوممۋنالدىق قىزمەت ساپاسىنىڭ ارتا تۇسكەنىنە كۋا بولىپ وتىرعان «بەكزات» مولتەك اۋدانىنىڭ تۇرعىنى ابدىعالي ساندىباي وڭىرلەردە مەملەكەت باسشىسىنىڭ پارمەنىمەن جۇرگىزىلىپ جاتقان جۇمىستارعا جۇرەك جاردى قۋانىشىن جەتكىزىپ, جاڭادان قونىستانعان تۇرعىن ۇيلەرگە اۋىز سۋ, ەلەكتر قۋاتى جانە جول سالىنعانىن ناعىز وركەنيەتتى ەلدىڭ جۇمىسى دەپ باعالادى. ايتا كەتەرلىگى, تۇركىستانداعى تاۋەلسىزدىككە تارتۋ رەتىندەگى يگىلىكتى شارالار تەك مۇنىمەن توقتاپ قالماق ەمەس. الداعى كۇندەردە شالعاي اۋىلدارداعى وزەن كوپىرلەرى, كوشەلەردى جارىقتاندىرۋ سەكىلدى كوممۋنالدىق قىزمەت ساپاسىن ارتتىرۋ باعىتىندا ءتۇرلى ەل قاجەتىنە جارايتىن نىساندار سانى ارتا تۇسپەك.