ەلباسى: استاناعا اتىمدى بەرۋ تۋرالى ايتقان ەمەسپىن (ۆيدەو)

بۇگىن اقوردادا جاڭعىرتۋ جونىندە كەڭەس وتكىزگەن مەملەكەت باسشىسى نۇرسۇلتان نازارباەۆ پارلامەنت دەپۋتاتتارىنىڭ استاناعا «نۇرسۇلتان» نەمەسە «نازارباەۆ» اتاۋىن بەرۋ تۋرالى باستاماسىنا قاتىستى پىكىر  ءبىلدىردى. «بىردەڭە بولسا, سوعان «نۇر», «نۇرلى» دەگەن ءسوزدى قوسادى. سونىڭ ءبارى مەنىڭ جەكە باسىما بايلانىستى دەپ ويلايدى. بۇل تاقىرىپ تۋرالى ايتىپ جۇرگەنىمە كوپ بولدى.  بۇكىل جەرگە «نۇر», «نۇرلى» دەپ جازسىن دەگەن تاپسىرمانى مەن بەردى دەپ ويلايتىن شىعار. كەشە عانا پارلامەنت ءتىپتى استاناعا مەنىڭ اتىمدى بەرۋ تۋرالى بولجام جاساپتى. مەن ونداي بولجام جاساعان ەمەسپىن جانە ول تۋرالى ءتىپتى ايتقان ەمەسپىن», - دەدى مەملەكەت باسشىسى. سونداي-اق ەلباسى: «25 جىلدىققا وراي بارلىعى ءسوز سويلەپ, ءبىزدىڭ جەتىستىكتەرىمىز جايىندا ايتۋدا. شىندىعىندا دا ماقتانارلىق جايتتار بار. ءبىز كوپ ءىس اتقاردىق. ەگەر سىزدەر جانىمدا بولماعاندا جالعىز ءوزىم ەشتەڭە دە ىستەي الماس ەدىم. 25 جىل بويى جاقتاستار ىرىكتەپ الۋدا جولىم بولدى. ولار ءوز ىستەرىن جاسادى. مەن سىزدەردى كوماندا دەپ ەسەپتەيمىن. سوندىقتان دا جەتىستىكتەر بار. جالعىز ادام ەشتەڭە دە جاساي المايدى. مەن بارلىقتارىڭىزعا, ءبىزدىڭ  پارلامەنتىمىزگە, دەپۋتتارىمىزعا كەشەگى دەكلاراتسيالارى ءۇشىن ريزاشىلىعىمدى بىلدىرەمىن"- اتاپ ءوتتى.   ەستەرىڭىزگە سالا كەتەيىك, كەشە  قۋانىش سۇلتانوۆ باستاعان ءبىر توپ دەپۋتاتتار استاناعا «نۇرسۇلتان» نەمەسە «نازارباەۆ» دەگەن ات بەرۋ تۋرالى باستاما كوتەرگەن بولاتىن.