600-دەن استام ادام قازاقستان ازاماتتىعىن الادى

بۇگىن اقوردادا ەلىمىزدىڭ مەملەكەتتىك حاتشىسى گۇلشارا ابدىقالىقوۆانىڭ  توراعالىعىمەن قر پرەزيدەنتى جانىنداعى ازاماتتىق ماسەلەلەر جونىندەگى كوميسسيانىڭ كەزەكتى وتىرىسى ءوتتى وتىرىستا ەل ازاماتتىعىنا قابىلداۋ جانە ودان شىعارۋ ماسەلەلەرى قارالدى. شارا بارىسىندا مەملەكەتتىك حاتشى تاۋەلسىزدىك العان ساتتەن باستاپ قازاقستاننىڭ ازاماتى بولۋعا تالپىنۋشى ادامداردىڭ سانى ارتىپ كەلە جاتقانىن مالىمدەدى. «ءبىز تاۋەلسىزدىگىمىزدىڭ 25 جىلدىعى قارساڭىندا ەلىمىزدىڭ جاڭا ازاماتتارىن قارسى الۋعا وتە قۋانىشتىمىز. ولارعا باقىتتى ءومىر جانە وتانىنىڭ يگىلىگى ءۇشىن تابىستى جۇمىس تىلەيمىز. ەگەمەن قازاقستاننىڭ لايىقتى ازاماتى بولا وتىرىپ, ونىڭ ءارى قاراي دامۋىنا ءوز ۇلەستەرىن قوساتىندىعىنا سەنەمىن», - دەدى گۇلشارا ابدىقالىقوۆا. قر پرەزيدەنتى ءتيىستى جارلىققا قول قويعاننان كەيىن جاقىن جانە الىس شەتەلدەردەن كەلگەن ءتۇرلى ۇلتتىڭ 622 وكىلى قازاقستان  ازاماتى اتاناتىن بولادى. سونىمەن قاتار, وتىرىس بارىسىندا ىشكى ىستەر مينيسترلىگىنىڭ قازاقستان ازاماتتىعىنا جەڭىلدەتىلگەن تارتىپپەن قابىلداۋ جانە ازاماتتىقتان ايىرۋ ماسەلەلەرى بويىنشا جۇمىس ناتيجەلەرى تالقىلاندى. قورىتىندىسىندا ءتيىستى شەشىمدەر مەن ۇسىنىمدار قابىلداندى.