• 24 قاراشا, 2016

وتىرار اۋدانى 10 ايدا 11 ملرد تەڭگەنىڭ ءونىمىن ءوندىردى

150 رەت

كورسەتىلدى

1 مين

وقۋ ءۇشىن

Egemen Qazaqstan

وتىرار اۋدانى ون ايدا 11 ملرد. 522 ملن. 700 مىڭ تەڭگەنىڭ ءونىمىن ءوندىردى. بۇل تۋرالى اۋدان اكىمى ەرلان ايتاحانوۆ «نۇر وتان» پارتياسى وقو فيليالىنىڭ ساياسي كەڭەس بيۋروسىنداعى ماجىلىستە حابارلادى. «ءوڭىرىمىزدىڭ اگرارلى ايماق ەكەنىن ەسكەرسەك, اۋىل شارۋاشىلىعىنىڭ دامۋىنا ەرەكشە نازار اۋدارىلۋدا. ەگىس كولەمىن ۇلعايتۋ, جاڭادان قوسىلعان جەرلەردى يگەرۋ, زاماناۋي تەحنولوگيالاردى كەڭىنەن ەنگىزۋ جىلىجاي, مال باسىن اسىلداندىرۋ بويىنشا جۇمىستار جۇرگىزىلۋدە. ماسەلەن, وسى جىلدىڭ ەسەپتى كەزەڭىنىڭ قورىتىندىسىمەن اۋىل شارۋاشىلىعىنىڭ جالپى ءونىم كولەمى 11 ملرد 539 ملن تەڭگەنى قۇراپ, وتكەن جىلدىڭ وسى كەزەڭىمەن سالىستىرعاندا 3 ملرد 179 ملن تەڭگەگە وسكەن. ال يگەرىلگەن سۋارمالى جەردىڭ كولەمى 24 مىڭ 338 گەكتارعا جەتىپ, وتكەن جىلمەن سالىستىرعاندا 2 مىڭ 700 گەكتارعا ارتقان. بۇگىنگى تاڭعا داندىك جۇگەرىدەن 27 677,5 توننا, كوكونىستەن 9 610,5 توننا, باقشادان 110 428 توننا, كارتوپتان 2009,2 توننا ءونىم جينالدى»,-دەدى ە.ايتاحانوۆ. باقتيار تايجان, «ەگەمەن قازاقستان». وڭتۇستىك قازاقستان وبلىسى.