ىنتىماقتاستىققا ىنتالىلىق كورىنىسى

كەشە استانادا ەلىمىزدىڭ سىرتقى ىستەر ءمينيسترى ەرجان قا­زىحانوۆتىڭ گفر بۋندەس­تا­گى­نىڭ دەپۋتاتى, حدو/حسو (حدس/حسس) سىرتقى ساياسات ءجونىن­دەگى فراكتسياسىنىڭ توراعاسى فيلليپ ميسفەلدەرمەن كەزدەسۋى بولىپ ءوتتى. كەزدەسۋدە جاقىندا ە.قازى­حا­نوۆ­تىڭ گەرمانياعا جاساعان ساپا­رىندا سول ەلدەگى ارىپتەسى گيدو ۆەس­تەرۆەللەمەن جانە  ساياسي قاي­رات­كەر حەنريك گەنشەرمەن ءجۇز­دە­سۋلەرى بارىسىندا قوزعالعان ەكى­جاق­تى جانە حا­لىق­ارالىق ماسەلە­لەر بارىسىن تالقىلاۋ جالعاسىن تاپتى. ەلىمىز سىرتقى ساياسات ۆە­دومستۆوسىنىڭ باسشىسى ءوز سوزىندە استانا بەرليندى ەۋروپاداعى نەگىزگى ساياسي جانە ەكونوميكالىق ءارىپ­تەسى سانايتىندىعىن, سوندىق­تان دا بارلىق سالا مەن  دەڭگەيدەگى ۇنقاتىسۋدى دامىتۋعا مۇددەلى ەكەندىگىن جەتكىزدى. وسى رەتتە مينيستر ەكى ەل ارا­سىندا ايتارلىقتاي كەلىسىمدىك-قۇقىقتىق بازا (مە­كە­مە­ارا­لىق, ۇكىمەتارالىق جانە مەم­لەكەتارالىق دەڭگەيلەردەگى 50-گە تارتا قۇجات) قالىپتاسقاندىعىن ەرەكشە اتاپ ءوتتى. بۋندەستاگ دەپۋتاتى ەكى ەل اراسىندا بارلىق سالا بويىنشا ءوزارا ىقپال­داس­تىق­قا مۇددەلىلىك بار ەكەندىگىن العا تارت­تى. قازىرگى تاڭدا سىرتقى ساياسات پەن قاۋىپ­­سىزدىك, ەنەرگەتيكا مەن تەحنولوگيا, ساۋدا مەن ينۆەستيتسيا, عى­لىم, ءبىلىم بەرۋ جانە مادەني سالالاردا بىرقاتار بايلا­نىس­تار ور­نا­تىلعان. ال اراداعى «باي­لا­نىستىرۋشى كو­پىر» قازاق­ستان­نىڭ ەت­نوستىق نەمىستەرى بولىپ تابىلاتىندىعى دا نازاردان تىس قال­عان جوق. قازاق­ستان – گەرما­نيا­نىڭ ورتالىق ازيا­داعى باستى ارىپتەسى.  وسى ەلدىڭ بۋندەسكانتسلەرى ا.مەر­كەل استاناعا ەكى رەت كەلىپ كەتتى. سون­داي-اق, گەرمانيا مەن قازاقستان اراسىندا مادەني-گۋمانيتارلىق ىن­تى­ماق­تاستىقتى ارت­تىرۋدا ءۇل­كەن الەۋەت بار. ءبىلىم سالاسى بوي­ىن­شا گەرما­نيا­لىق تاراپ قا­زاق­ستاننىڭ «بولون پروتسەسىنە» ين­تە­گراتسيالانۋىنا قولداۋ كورسەتىپ, كون­سۋلتاتسيا­لىق كومەك تە بەرگەن بولاتىن. بۇقارالىق اقپارات قۇرال­دا­رى­نا بەرگەن سۇحباتىندا ف.ميسفەلدەر ورايى كەلگەندە گەرمانيانىڭ شا­عىن جانە ورتا بيزنەسى كەدەن ودا­عى­نىڭ ماڭىزىن تۇسىنگەندە عانا ءوز قار­جىلارىن قۇيۋعا ءمۇد­دە­لى بولا­رى­نان حاباردار ەتتى. جالپى, نە­مىس كاسىپ­ورىن­دارى ءوز ونىمدەرىن قازاقستان ىشىنە عانا ەمەس, ەۋرو­پالىق وداققا, سونىڭ ىشىندە رەسەي مەن بەلورۋسسياعا دا شىعارۋعا مۇددەلىلىك تانى­تىپ كەلەدى. جاقىن بولاشاقتا سولاي بو­لا­رىنا دا سەنەمىن, دەدى بۋندەستاگ دەپۋتاتى. اسقار تۇراپباي ۇلى.