ەڭبەگىمەن ەلەنگەن

كوكشەتاۋ باۋرايىنداعى جى­­لىمدى اۋىلىنىڭ پەر­زەن­­تى نۇرپەيىس اقپار ۇلى سۆەر­د­­لوۆ ءورت-تەحنيكالىق ۋچيليششەسىن بىتىرگەننەن كەيىن قىز­مەت جو­­لىن كوكشەتاۋ وبلىسىنىڭ ۆولودار جانە رۋزاەۆ اۋداندا­رىن­دا­عى ءىىب-ءنىڭ ورتتەن قورعاۋ ينس­پەكتسياسىنىڭ ينسپەكتورى بو­لىپ باستاپ, وسى مەكەمەنىڭ باس ينسپەكتورى, كەيىن, ياعني 1975 جىلى تالدىقورعان وبلىسىنىڭ, ال 1982 جىلى تورعاي وبلى­سى­نىڭ ورتتەن قورعاۋ ءبولىمىنىڭ باس­تىعى قىزمەتتەرىن اتقارعان. 1985 جىلى وعان ورتتەن قورعاۋ سالاسىنداعى ۇزاق جىلدارعى ەڭبەگى ءۇشىن كسرو ىشكى ىستەر مي­نيسترىنىڭ بۇيرىعىمەن پولكوۆنيك اتاعى بەرىلدى. بۇگىندە ءورت ءسوندىرۋ سالاسىندا ونىڭ قا­راماعىندا جۇمىس ىستەپ, شاكىرتى بولعان قىزمەتكەرلەرىنەن 12 پول­­كوۆنيك, 7 دەپارتامەنت باس­شى­سىنىڭ تاربيەلەنىپ شىعۋى نۇرپەيىس اعا ءۇشىن ۇلكەن مەرەي. – دالالى جەردە ورنالاسقان تورعاي وبلىسى مەن قىزمەتپەن اۋىسىپ بارعان جى­لى ون توعىز وبلىس كورسەتكىشتەرى بوي­ىنشا ەڭ سوڭعى ورىنداردان عانا كو­رى­نەتىن. ەڭبەگىمىزدىڭ جانعانى سول, 1989-1990 جىلدارى ءبىز ءوز كورسەتكىشتەرىمىزبەن ءۇشىنشى ور­ىنعا كوتەرىلگەن ەدىك. سونداعى اتقارعان جۇمىستارىمىز اۋىل-ايماقتى ارالاپ تەحنيكانى پايدالانۋ, قاۋىپسىزدىك­تى ساقتاۋ بويىن­شا كەڭەستەر مەن جي­نا­لىس­تار وتكىزۋگە باعىتتالعان ەدى. قىس بول­­سا مال قىستاعىن كورىپ, ەس­كەرتۋ-ءتۇ­سىن­دى­رۋ جۇ­مىستارىن ءجۇر­گىزىپ, ءوڭىر باسشىلا­رى­مەن قويان-قولتىق جۇمىس جاسادىق, – دەپ ەسكە الادى نۇرپەيىس اعا وتكەن جىلداردى. ءورت ءسوندىرۋ قىزمەتىندە جۇ­مىس ىستەگەن ادام, ەڭ الدىمەن, بايقامپازدىق ءجا­نە بايسال­دى­لىق قاسيەتتەرگە يە بولۋى كەرەك. جۇمىستا ايعايمەن شارۋا تىندى­رۋ­عا بولمايدى. باسشى­لىق قىزمەت اتقار­عاننان كەيىن داۋىس كوتەرىپ, قاراما­عىڭ­داعى­لار­دىڭ ابىروي-نامىسىنا تيۋ ءجون ەمەس. جۇمىستى اقىلمەن ۇي­ىمداستىرا ءبىلۋ كەرەك. سوندا عانا قىزمەتىڭ العا باسىپ, وي­لاعانىڭ ىسكە اسادى. ارداگەر اعا وسىلاي دەيدى. كەڭەس وكىمەتى تۇ­سىندا «ەرىكتى جاس ءورت ءسوندى­رۋشىلەر كلۋبى» جۇمىس ىستەيتىن. ولار بالانى جاسىنان ءورت ءسون­دىرۋ قىزمەتىنە باۋلىپ, قايى­رىمدى ىستەر جاساۋعا ۇيرەتەتىن ۇيىم رەتىندە قۇرىلعان بولا­تىن. بالالار ءۇشىن تاربيەنىڭ ءمانى جوعارى وسىنداي ۇيىمدار ەلىمىزدە قۇرىلسا, جاستار ءوز ۋاقىتتارىن ءتيىمدى پايدالانىپ, زياندى ادەتتەردەن اۋلاق بولىپ, ادامگەرشىلىكتىڭ جاقسى قاسيەت­تەرىن بويلارىنا سىڭىرە الار ەدى دەپ ويلايمىن. نۇرپەيىس اقپار ۇلى زەينەتكەرلىككە شىققاننان كەيىن دە ەل ءۇشىن ەڭبەك ەتۋىن توقتاتقان جوق. 1992 جىلدان «قازاق ءتىلى» قو­عامى اۋداندىق ۇيىمىنىڭ ءتور­اعاسى, 1993 جىلدان اۋداندىق ارداگەرلەر كەڭە­سىنىڭ توراعاسى, 1997 جىلدان كوكشەتاۋ وبلىس­تىق ارداگەرلەر كەڭەسىنىڭ ءتور­اعاسى, 1998 جىلدان كوكشەتاۋ قالاسىنداعى ءورت­تەن قورعاۋ ارداگەرلەرى كەڭەسىنىڭ ءتور­اعا­سى, ال 2005 جىلدان توتەنشە جاعداي­لار مينيسترلىگى ارداگەرلەر كە­ڭە­سىنىڭ توراعا­سى قىزمەتتەرىن ات­قاردى. تاعدىر ونى جاستايىنان ءومىر قيىن­دىقتارىن جەڭە بىلۋگە ءۇي­رەت­­­تى. اناسىنان ەرتە ايىرىلعان ول اكەسىنىڭ تاربيەسىندە بولدى. اكەسى – اقپار بالاسىنىڭ ءبىلىم الىپ, ازامات رەتىندە قالىپ­تا­­سۋى­نا ىق­پال ەتتى. قاي كەزدە بول­ماسىن تۋعان اۋى­لىنا بۇيرەگى بۇ­رىپ تۇراتىن ازاماتتى ەل تاع­دىرى الاڭداتپاي قويمايتىنى انىق. تۋعان اۋىلى جى­لىمدىدا جاڭا مەك­تەپ سالۋ ماسە­لەسىن ءوز موينىنا الىپ, دەپۋتاتتار مەن مينيستر­لىك­تەر­دىڭ ەسىگىن ءبىراز قا­عۋعا دا تۋرا كەلدى. ءناتي­جە­سىن­دە سە­نات دەپۋتاتى سۆەت­لانا جال­ما­عامبەتوۆانىڭ حا­تى بوي­ىن­شا اق­مو­لا وبلىسىنىڭ اكىمى سەرگەي ديا­چەنكونىڭ بۇيرى­عى­مەن ونىڭ قۇ­رى­لىسىنا قاراجات ءبولىنىپ, جۇمىس تا باستالعان بو­لا­تىن. وكىنىشكە قا­راي, كەيىن قۇ­رى­لىس توقتاپ, ونداعى جۇمىستار بەلگىسىز ۋاقىتقا شەگەرىلىپ وتىر. نۇرپەيىس اق­پار ۇلىنىڭ اۋىلدا مەشىت سالۋ جونىندەگى تاعى ءبىر باستاماسى دەمەۋشىلەردەن قول­داۋ تاۋىپ قۇرىلىس, اللاعا ءشۇ­كىر, باس­تالىپ تا كەتتى. – جۇمىسىڭنىڭ جاقسى ءجۇرۋى, ادام­نىڭ ابىرويلى بولۋى وتبا­سىنا, ۇيدەگى جان جارىڭا بايلا­نىس­تى بولادى. شولپان ماح­مەت­قىزى ەكەۋمىز, مىنە, 52 جىل بىرگە تۇرامىز, التىن تويىمىزدى اتاپ ءوت­تىك, ەكى ۇل, ەكى قىز وسىردىك, بەس نەمەرەمىز بار, بالالاردىڭ بار­لىعى جوعارى قىز­مەت­تە, – دەيدى نۇرپەيىس اقپار ۇلى. وسىنداي ادامدار ارامىزدا كوپ بولسا دەپ ويلايسىڭ... جۇلدىز ايتجانوۆا, جۋرناليست.