ماقسات ايقىن, تالاپ جوعارى

وبلىستىق ءماسليحاتتىڭ كەزەكتەن تىس ءحىى سەسسياسىندا پرەزيدەنت اكىمشىلىگىنىڭ باسشىسى ادىلبەك جاقسىبەكوۆ ەلباسىنىڭ وبلىس اكىمىنىڭ لاۋازىمىنا قۇمار اقساقالوۆتىڭ كانديداتۋراسىن ۇسىنعانى تۋرالى حاتىن وقىپ بەردى. حالىق قالاۋلىلارى مەملەكەت باسشىسىنىڭ ۇسىنىسىن ءبىراۋىزدان قولدادى. بۇدان كەيىن اكىمشىلىك باس­شىسى جاڭا ايماق باسشىسىن اكتيۆ جينالىسىندا تانىس­تى­رىپ, جەمىستى ەڭبەگى ءۇشىن ەرىك سۇل­تانوۆقا العىس ايتتى. ال ق.اقساقالوۆ وزىنە كور­سە­تىلگەن ۇلكەن سەنىم ۇدەسىنەن كورىنىپ, ادال قىزمەت ەتۋگە بار كۇش-جىگەرىن جۇمسايتىنىن جەت­­كىزدى. ە.سۇلتانوۆ ءوز كەزەگىندە ءۇش جىلعا جۋىق ەڭبەك ەتكەن ۋاقىت ىشىندە وزىنە قولداۋ كورسەتكەن سولتۇستىكقازاقستاندىقتىرعا ري­زاشىلىعىن ءبىلدىردى. ءا.جاقسىبەكوۆ ءوڭىردىڭ الەۋمەتتىك-ەكونوميكالىق دامۋى باعىتى بويىنشا ءبىر­قاتار جۇمىستاردىڭ ات­قارىل­عانىن تىلگە تيەك ەتە وتىرىپ, جولداۋدان تۋىندايتىن ىرگەلى مىندەتتەرگە اكتيۆ نازا­رىن اۋداردى. پرەزيدەنت قازاق­ستان جۇرتشىلىعى الدىنا بەس نەگىزگى باسىمدىقتى ەڭ­سەرۋ تالاپتارىن قويعانىن ايتا كەلىپ, ەكونوميكانىڭ جەدەل­دەتىلگەن تەحنولوگيالىق جاڭعىر­تىلۋى, اگرارلىق سەكتور, شاعىن جانە ورتا بيزنەس سالا­لارى بويىنشا ۇيلەسىمدى ءىس-ارە­كەت, بەلسەندى قيمىل جا­ساۋعا شاقىردى. ءومىر ەسقالي, «ەگەمەن قازاقستان» سولتۇستىك قازاقستان وبلىسى