«مەتاسىزبا» ادىسىمەن وقىتۋ ەرەكشەلىگى

الماتىدا وقۋ باعدارلامالارى ءبىرىن- ءبىرى قايتالامايتىن رەسپۋبليكالىق دەڭ­گەيدەگى بىرقاتار مەكتەپ-ينتەرناتتار بار. دەگەنمەن, دەڭگەيى وسى مەكتەپتەر­مەن تالاساتىن ەرەكشە ءبىلىم مەكە­مە­سى­نىڭ ءبىرى – م.گاندي اتىنداعى №92 ما­مان­داندىرىلعان ليتسەي. اتالعان مەكتەپ ءشا­كىرت­تەرىن عارىشتىق زەرتتەۋلەرگە, جاراتىلىستانۋ پاندەرى مەن اقپاراتتىق تەحنولوگيالارعا بەيىمدەيدى. وسى مەكتەپكە جۋىردا ەلىمىزدىڭ 14 وڭىرىنەن 100-گە تار­تا مۇعالىم جينالىپ, رەسپۋبليكالىق «ءبى­لىم بەرۋ مازمۇنىن جاڭارتۋدا ۇلتتىق ين­نو­ۆاتسيالىق مەكتەپ مودەلىن قۇرۋ» اتتى سە­مينارعا قاتىستى. تاجىريبە الماسۋ تۇر­عىسىندا وتكەن سەميناردا الدىمەن «مە­تاسىزبا» ادىسىمەن وقىتۋدىڭ جاڭا سترا­تەگياسى تانىس­تىرىلدى. ليتسەيدىڭ ءوزىن­دە وقىتۋدىڭ جاڭا 7 ءتاسىلى ەنگىزىلگەن. ۇلتتىق يننوۆاتسيالىق مەكتەپ ۇلگىسىن قۇ­رۋدا وقۋ-ءبىلىم باعدارلامالارىن مە­تاپانمەن ۇشتاستىرۋدىڭ تيىمدىلىگىن ءدا­لەلدەۋگە كوشكەن ءبىلىم ورداسىنىڭ ەلەڭ­دە­تەرلىكتەي ەرەكشە تابىستارى جوق ەمەس. مەتاپان – ستاندارتتىق ءبىلىم ماز­مۇ­نى­مەن عانا شەكتەلمەي, ءار ءپاننىڭ عى­لى­مي مازمۇنىن جۇيەلەپ, تالداپ, ساراپتاپ, زەرتتەۋ جۇرگىزىپ, وزىندىك تۇجىرىم جا­سا­ۋعا, جەكە تۇلعالىق ءىس-ارەكەتتىڭ قالىپتاسۋىنا, شىعارماشىلىق تۇرعىدا ويلاۋعا نەگىز بولاتىن يننوۆاتسيالىق ءادىس. سونىمەن, سەميناردا قوعامدىق-گۋ­ما­نيتارلىق جانە ەستەتيكالىق باعىت بوي­ىنشا – 15, جاراتىلىستانۋ-ما­تە­ماتيكالىق باعىتتار بويىنشا 15 اشىق ساباق جۇرگىزىلىپ, ىلە-شالا «مەت­ا­­- سىز­با» تاقىرىبىندا شەبەرلىك ءدا­رىس­­تەرى وتكىزىلدى. رەسپۋبليكالىق جيىن­دا جاڭا وقۋ ادىستەمەسىنىڭ اۆتور­لا­رى ەر­ۇلان جي­ەن­­باەۆ پەن مەلس تۇراربەكوۆ «مە­تا­پان – يننوۆاتسيالىق مەك­تەپ­تىڭ وقى­­تۋ قۇ­را­لى» اتتى كەشەندى ينتەر­پرە­تا­تسيالىق تۇ­ساۋكەسەرلەر وتكىزدى. مۇعا­لىم­­د­ەردىڭ قى­­زىقتى باسقوسۋى «ءبىلىم بە­­رۋ­دىڭ يننو­ۆا­­تسيالىق ستراتەگياسى – جە­كە تۇل­عا­نىڭ تۇ­­راقتى دامۋ فاكتو­رى» جو­با­لىق زەرتتەۋلەر كورمەسىنە جال­عاستى. ءبىر جاعىنان بۇل سەمينار تەوريانى تەك تىنىمسىز ەڭبەك قانا تىرىلتەتىنىنە ۇستازداردىڭ كوزىن تاعى دا جەتكىزىپ وتىر. مەكتەپ وقۋشىلارىنىڭ كوپ قىر­لى تا­قى­رىپتاردى يگەرۋىمەن قاتار, زەرت­تەۋ جۇ­مىستارىن پراكتيكالىق داي­ىن ءونىم دەڭ­گ­ەيىنە دەيىن جەتىلدىرۋى جو­عا­رىداعى پايىمدى دايەكتەي ءتۇستى. ليتسەي دالىزىنە تىزىلگەن 30-دان استام جو­با مەكتەپ شاكىرتتەرىنىڭ سالماقتى زەر­تتەۋلەرمەن اينالىسا الاتىندىعىن كور­­سەتىپ بەردى. «كىشكەنتاي عالىمدار» جا­ساعان قۇرىلعىلار ەلىمىزدىڭ شال­عاي­ى­نان كەلگەن ۇستازدار قاۋىمىن دا ءتانتى ەتتى. مەكتەپتەگى «ەرۋديتتەر» ۇيىمى, ەلى­مىزدەگى جالعىز راديوستانتسيونارلىق «RadioLab» شىعارماشىلىق بىرلەستىگى, رو­بو­توتەحنيكا باعىتىنداعى «OMIX» جانە «كوكپار» كلۋبتارى, مەكتەپىشىلىك «جاس اس­ترو­نومدار» وبسەرۆاتوريالىق زەر­تحانا­سى, «سترەتچينگ» فيزيو­تە­را­پيالىق كلۋبى, ونلاين رەجىمدى «شاحمات» ۇيىرمەسى, «ءۇندى ورتالىعى» كورمەسى, «جاس حيميكتەر», «الحيميك», «جاس دارىگەرلەر», «بي­و­ز­­ەرتتەۋشىلەر», «جاس ستسەناريست» شى­­عارماشىلىق كلۋبى مەن 3D پرينتەر­مەن جابدىقتالعان كاسىبي تەلەستۋديا جانە يننوۆاتسيالىق زەرتحانا جۇمىستارى قا­زىرگى قازاق مەك­تەپتەرىنىڭ جان-جاقتى ءبىلىمدى وقۋ­شى دايارلاۋعا ۇمتىلىسىن كورسەتەدى. ايناش ەسالي, «ەگەمەن قازاقستان» سۋرەتتى تۇسىرگەن اۆتور الماتى