قازاقستان دوستارى كلۋبىنىڭ وتىرىسى

گااگا قالاسىندا نيدەرلاند كورولدىگى پرەمەر-ءمينيسترىنىڭ كەڭەسشىسى دەۆيد ۆان ۆيل, ەكونوميكا مينيسترلىگىنىڭ باس ديرەكتورى ساندور گااسترا, ءسىم ەۋروپا دەپارتامەنتى ديرەكتورىنىڭ مىندەتىن اتقارۋشى ادرياان پالم, «ەكسپو-2017» ۇلتتىق كوميسسارى حانس دريسسەر, نيدەرلاند سەناتىنىڭ بۇرىنعى توراعاسى رەنە ۆان دەر ليندەن, «شەلل» كومپانياسىنىڭ سىرتقى بايلانىستار باسشىسى نوربەرت بوت, دەلفت ۋنيۆەرسيتەتىنىڭ پروفەسسورى دجەك ديللون جانە ت.ب. بەدەلدى الەۋمەتتىك-ساياسي جانە ىسكەر توپتار وكىلدەرىنىڭ قاتىسۋىمەن «قازاقستان دوستارى كلۋبىنىڭ» بەيرەسمي وتىرىسى وتكىزىلدى. قازاقستاننىڭ نيدەر­لاندتاعى ەلشىسى ماعجان ءىلياسوۆ كەزدەسۋگە قاتىسۋ­شى­لاردى ەل­باسى نۇرسۇلتان نازارباەۆتىڭ قا­تى­سۋىمەن مەملەكەتتىك بي­لىك تار­­ماق­تارى اراسىنداعى وكى­لەتتىك­تەردى قايتا ءبولۋ ماسە­لەلەرى ءجو­نىندە جاسالعان جۇمىس­تىڭ قورى­تىندىلارىنان حاباردار ەتتى. قازاقستان پرەزيدەنتىنىڭ باس­تاماسىمەن ۇسىنىلعان ەل كونس­تيتۋتسياسىنا وزگەرىستەر مەن تولىقتىرۋلار پرەزيدەنتتىك باس­قارۋ جۇيەسىن ساقتاي وتىرىپ, مەملەكەتتىك قۇرىلىمدى جاڭ­عىر­تۋعا, بارلىق بيلىك تار­ماق­تارىنىڭ حالىق الدىن­داعى جاۋاپ­كەرشىلىگىن ارتتىرۋعا, پارلا­مەنت پەن ۇكىمەتتىڭ ءرولىن كوتە­رۋگە باعىتتالعانى اتاپ كورسە­تىلدى. وعان قوسا, ەلشى قۇقىق قورعاۋ جانە سوت ورگان­دارى مەن كونس­تيتۋتسيا­لىق قا­دا­عالاۋ جۇيە­سى قىزمە­تىن جەتىل­دىرۋ بويىنشا جوسپار­لان­عان ءىس-ارەكەتتەر تۋرالى مالىمدەدى. ەلشى كونستيتۋتسيالىق رە­فور­­ما­لاردى جۇزەگە اسىرۋ قا­زاق­ستاننىڭ تۇراقتى دامۋى­نىڭ جاڭا ينستيتۋتتىق نەگىزىن قۇ­راۋشى 5 ينستيتۋتتىق رەفورما اياسىنداعى «100 ناقتى قادام» ۇلت جوسپارىنىڭ نەگىزگى ەلە­مەنتى ەكەندىگىنە ەكپىن ءتۇسىر­دى. وعان قوسا, كەزدەسۋگە قاتى­سۋشىلار «قازاقستاننىڭ ءۇشىن­شى جاڭعىرۋى: جاھاندىق باسە­كەگە قابىلەتتىلىك» اتتى ەلباسى ن.ءا.نازارباەۆتىڭ قازاق­­ستان حالقىنا جولداۋىن جۇزەگە اسىرۋ اياسىنداعى ىنتى­ماق­تاستىق مۇمكىندىكتەرى بو­يىنشا پىكىر الماستى. قازاقستاننىڭ بۇۇ-عا ءمۇ­شە­­­لىگىنە 25 جىل تولۋىنا وراي ەلى­مىزدىڭ حالىقارالىق ساحنا­داعى جە­تىستىكتەرى, جاھان­دىق قاۋىپ­سىز­­دىك پەن بىتىمگەر­شىلىك سالا­لا­رىنداعى مەملەكەت باس­شى­سىنىڭ باس­تامالارى اتاپ ءوتىل­دى. سيريا­داعى احۋالدى رەت­تەۋ بويىنشا كەلىس­سوزدەر ءۇردى­سىنە قولايلى دا ۇتىمدى الاڭ ۇسىنا بىلگەن استا­نانىڭ ەرەكشە ۇلەسىنە ايرىقشا نازار اۋدارىلدى. قاتىسۋشىلار قازاقستان­نىڭ جە­تىستىكتەرىنە, سونداي-اق, ەكى­جاق­تى ىنتىماقتاستىق پەن ونىڭ الەۋەتىنە جوعارى باعا بەردى. الداعى ماۋ­سىم ايى­نا جوسپارلانعان گول­لاند دەلە­­گاتسيا­سىنىڭ ەكسپو-2017 كورمەسىنە ساپارى, پارلا­مەن­تارالىق بايلانىس­تاردى دامىتۋ, سونداي-اق ەكى ەلدىڭ بۇۇ قاۋىپسىزدىك كەڭەسىنە مۇشە رەتىن­دەگى ءوزارا ىقپالداس­تىعى قازاق­ستان مەن نيدەرلاند ارا­­سىن­داعى قا­تى­ناستاردى نىعايتۋ­عا ىقپال ەتەتىنى كولدە­نەڭ تارتىلدى, دەپ حابارلادى قازاق­ستان رەسپۋبليكاسى سىرتقى ىستەر مينيسترلىگىنىڭ ءباسپاسوز قىزمەتى.