«اۋليە­اتا اۋەندەرى» اتتى تانىمدىق كونتسەرت ءوتتى

«بالاساعۇن» ورتالىق كونتسەرت زالىندا جامبىل وبلىستىق فيلارمونياسى «الاتاۋ» فول­كلورلىق ءانسامبلىنىڭ مەكتەپ وقۋشىلارىنا ارنالعان «اۋليە­اتا اۋەندەرى» اتتى تانىمدىق كونتسەرتى ءوتتى. انسامبل جەتەكشىسى – حالىقارالىق كونكۋرستاردىڭ لاۋرەاتى – جاقسىلىق ءاجمۇ­قانوۆ. كونتسەرتتى تاراز قالاسى مەكتەپ وقۋشىلارىنىڭ 700-گە جۋىق جاس كورەرمەنى تاماشالادى. ونىڭ ىشىندە الەۋ­مەتتىك جاعدايى تومەن جانە كوپ بالالى وتباسىنان شىققان 100 كورەرمەن كونتسەرتتى تەگىن كورۋگە ءمۇم­كىندىك الدى. كونتسەرتتىك باعدارلامانى فولكلورلىق انسامبل قىزىل­وردالىق كۇيشى جالدىبايدىڭ «قارا جورعا» كۇيىمەن اشىپ, امان مولدىباەۆتىڭ «كونە تاراز», احمەتبەك ءالى­بەك­ ۇلىنىڭ «جىل­قىشى», ءابدى­مومىن جەل­دى­باەۆتىڭ «ەر­كە سىلقىم» كۇي­لەرىمەن جال­عاستىردى. كونتسەرتتە «اق­كەربەز» بي ان­سامبلى «شات­تىق» ءبيىن ورىنداپ, كەش شىرايىن كىرگىزدى. سونداي-اق, ءداستۇرلى انشىلەر وڭال ازا­ماتوۆا «قا­راي كوزىم» حالىق ءانىن, باقىت شاعىرباەۆ جولامان تۇر­سىنباەۆتىڭ «تارازىم» ءانىن, ءانسامبلدىڭ سۇيەمەلدەۋىمەن ادىلەت ءاب­دىكەرىموۆ «جايلاۋدا», ەرلان يبادىلداەۆ «وي, كوك» اندەرىن ناقىشىنا كەلتىرە ورىنداپ, كورەرمەندەرگە كوتەرىڭكى كوڭىل كۇي سىيلادى. كونتسەرت بارىسىندا جۇرگىزۋشى جاننا اسان­قۇلوۆا وقۋشىلاردى ان­سامبلدىڭ قۇرىلۋ تاريحىمەن جانە وينالاتىن ۇلتتىق اسپاپتارمەن تانىستىردى. ساحناداعى ارنايى LED ەكران­­نان دومبىرا, شەرتەر, قوبىز, سازسىرناي, جەتىگەن جانە ۇرمالى اسپاپتاردىڭ سۋرەتتەرى كورسەتىلىپ, وقۋشىلاردىڭ ۇلت­تىق اسپاپتارعا دەگەن قىزى­عۋ­شىلىقتارىن ارتتىرا ءتۇستى. حاميت ەسامان, «ەگەمەن قازاقستان» جامبىل وبلىسى