بايىپتى بايلانىستار باعدارى

ەلباسى نۇرسۇلتان نازار­باەۆ­تىڭ وسى جىلدىڭ ءساۋىر ايىندا ەستونياعا مەملەكەتتىك ساپارىندا ەكى ەلدىڭ اراسىنداعى ىسكەرلىك باي­لانىستاردى نىعايتا تۇسۋگە باعىتتالعان ءبىراز كەلىسىمدەرگە قول قويىلعانى بەلگىلى. سولاردىڭ اراسىندا ەلىمىزدىڭ تەڭىز قاقپاسى – «اقتاۋ حالىقارالىق تەڭىز ساۋدا پورتى» مەن «تاللينن پورتى» اق اراسىنداعى ءوزارا ىنتىماقتاستىق تۋرالى كەلىسىم دە بار-دى. سول يگى باستامانى جاقىندا ودان ءارى جال­عاستىرىپ, ىسكەرلىك بايلانىستار قارقىن الاتىنداي ناتيجەگە قول جەتتى. اقتاۋعا ەستونيانىڭ قا­زاق­ستانداعى سەنىمدى وكىلى م.سولن­سون باستاعان دەلەگاتسيا كەلىپ, اقتاۋ پورتىنىڭ جۇمىسىمەن جەتە تانىستى. اقتاۋ جانە تاللينن تەڭىز پورتتارى اراسىنداعى جۇك تاسىمالىن دامىتۋ, ترانزيتتىك جۇكتەردىڭ باعىتتارىن ءار­تاراپ­تاندىرۋ اڭگىمە بولدى. بۇل رەتتە اقتاۋ پورتى ارقىلى ەدىل – بالتىق كەمە جولىمەن جۇك تاسى­مالداۋ كولەمىن ۇلعايتا ءتۇسۋ جول­دارى بەلگىلەنىپ, ءوزارا تاجىريبە الماسۋ رەتىندە جاڭا تەحنولو­گيالاردى وندىرىسكە ەنگىزۋگە با­عىت­تالعان حاتتاماعا قول قويىل­دى. سونداي-اق ءبىر توپ قازاق­ستان­دىق تەڭىز ماماندارىن ەستونيا­نىڭ وقۋ ورىندارىندا وقىتۋدىڭ جولدارى بەلگىلەندى. مۇنىڭ ءبارى ەكى ەلدىڭ اراسىنداعى ىسكەرلىك ەكو­نوميكالىق بايلانىستارعا جوعا­رى قارقىن بەرەرى ءسوزسىز, دەيدى اق­تاۋ تەڭىز پورتىنىڭ ديرەك­تورى بەرىك ۋاندىقوۆ. جولامان بوشالاق, ماڭعىستاۋ وبلىسى.