بۇگىندە تۇتىنۋشىلار تاۋار مەن قىزمەتتەردىڭ جەتكىزىلۋىن جەدەل ءارى قاۋىپسىز بولىن تالاپ ەتەدى.
«ۇزاق ءومىر ءسۇرۋ ەكونوميكاسى»
2017 جىلى دۇنيە ءجۇزى تۇرعىندارىنىڭ 25 پايىزىنىڭ جاسى 50-دەن استى. بۇلار قارتايۋدىڭ ءومىر سالتىنا قانشالىقتى اسەر ەتەتىنىن تۇسىنە باستاعاندار. ولار تاۋار مەن قىزمەتتەردىڭ قاۋىپسىزدىگىنە باسا ءمان بەرەدى. سونىمەن قاتار, "50+" تۇتىنۋشىلار beauty-ونىمدەردىڭ دە نەگىزگى تۇتىنۋشىلارى.
تۇتىنۋشى بالالار زامانى
بۇگىندە ادامزات ەرتە جاستان باستاپ تۇتىنۋشى بولىپ ۇيرەندى. وعان باستى سەبەپ اتا-انالاردىڭ جۇمىسباستىلىعى. اتا-انالار بالالارىنا ەركىندىك بەرىپ, جاسوسپىرىمدەر ەرەسەكتەرمەن بىردەي قارجى جۇمىسايتىن بولا باستادى. ماسەلەن, لاتىن امەريكاسىنداعى بالالاردىڭ 82 پايىزى وزدەرى تۇتىناتىن زاتتاردى ءوز بەتتەرىنشە تاڭدايتىن بولعان. ال ينتەرنەتتىڭ كەلۋىمەن بالالار ءتىپتى ءوز بەتىمەن بولا باستادى.
ەرەكشە تالعامدار
جاپپاي ستانتارتتى ونىمدەر وزدەرىنىڭ ماڭىزىن جوعالتا باستادى. بۇرىن كەي تۇتىنۋشىلار تەك برەندتەرگە, فيزيولوگيالىق ەرەكشەلىكتەرگە, تاعام تۇرلەرى مەن مۋزىكالىق تالعامعا عانا قاتىستى بولسا, قازىرگى تاڭدا تاۋارلاردىڭ بارلىق ءتۇرى دەرلىك وزىنشە اۋديتوريا تاپقان.
تەز شوپپينگ
2017 جىلدىڭ تۇتىنۋشىلارى وتە شىدامسىز. ينتەرنەت الەم ادامزاتتى جەدەل تۇتىنۋشىعا اينالدىردى. تاۋار مەن قىزمەتتەر ناقتى ۋاقىتقا باعىنبايتىن بولا باستادى. الدىن الا تاپسىرىس بەرۋ دەگەنىڭىز كەشەگى كۇننىڭ اڭگىمەسى. برەندتەر بيزنەستىڭ جەدەل مودەلىنە كوشىپ, Amazon سەكىلدى الپاۋىتتار تاۋارلاردى جەتكىزۋدە درونداردىڭ قىزمەتىنە جۇگىنە باستادى.
وزىندىك سيپاتتىڭ وزگەرۋى
ادام بالاسى تەز وزگەرەتىن جاراتىلىس. قازىرگى ترەندتەن بايقايتىنىمىز, تۇتىنۋشىلاردىڭ تالعامى دا تەز وزگەرە بەرەدى. ميگراتسيالىق داعدارىستىڭ اسەر ەتۋىمەن, ادامزات ۇلتتىق بولمىستارىن جوعالتىپ, ءار ءتۇرلى مادەنيەتكە ەلىكتەي بەرەدى. بۇل قالىپتى نارسە. اسىرەسە, باتىس ەلدەرى قازىر ءبىر مەملەكەتتىڭ ەمەس, الەمنىڭ ازاماتتارىنا اينالعان. الەمدىك برەندتەردىڭ ترەندكە اينالۋى وسىنىڭ دالەلى.
جەكەلەندىرۋ
2017 جىلى ستاندارتتى ونىمدەر تۇتىنۋشىلاردىڭ جەكە باس تالعامىنا قاراي جەكەلەندىرىلۋدە. ادامداردىڭ ەرەكشەلەنۋگە دەگەن قۇمارلىعى "جۇرتپەن بىردەي" بولماۋعا سەبەپ بولۋدا. ناتيجەسىندە ءىرى كومپانيالار "ەكسكليۋزيۆتى" ءونىم وندىرىسىنە دەن قويا باستادى. ناتيجەسىندە, كىسىنىڭ ەموتسياسى مەن كوڭىل-كۇيىنە بايلانىستى ءونىم مەن قىزمەت تۇرلەرى تۇتىنۋشىلاردىڭ قاجەتتىلىگىن الدىن الا بولجاۋعا تىرىسۋدا.
پوستتۇتىنۋ
بيىل تۇتىنۋشىلار ەسكى زاتتاردى ساتىپ الۋدى دا وزىنشە ترەندكە اينالدىردى.
تاۋار قۇپيالىلىعى پەن قاۋىپسىزدىك
كيبەرجۇيەنىڭ دامىعان كەزىندە تۇتىنۋشىلار وزدەرىنىڭ قاۋىپسىزدىگى مەن قۇپيالىلىعىنا دا ءمان بەرە باستادى. ءموبيلدى الەمدە ادامدار ءوزىن بارىنشا جاسىرىن ۇستاعىسى كەلەدى. سوندىقتان تاۋار مەن قىزمەت تۇرلەرىنىڭ ۇسىنىسىندا جەكە باس مالىمەتتەر بارىنشا از سۇرالعانى دۇرىس.
دەنى ساۋ بولۋ تاپتىق ەرەكشەلىككە اينالدى
دەنى ساۋ جانە سپورتتى دەنە ءبىتىمنىڭ بولۋى قازىرگى تاڭدا باقۋاتتىلىق پەن بايلىقتىڭ بەلگىسى. تۇتىنۋشىلار وزدەرىنىڭ دەنەسىمەن ماقتانۋعا دەگەن قۇمارلىعى فيتنەس ورتالىقتار مەن سالاۋاتتى تاعام تۇرلەرىنىڭ تانىمالدىعىنا الىپ كەلدى. سونىمەن قاتار, سپورتتىق ستيلدەگى كيىمدەر ەندى كەدەيلىكتىڭ ەمەس, بايلىقتىڭ سيمۆولىنا اينالدى.
