ورىندالۋىنا بىرگە اتسالىسۋعا شاقىردى

ءماجىلىس دەپۋتاتى ەكاتەري­نا نيكيتينسكايا ەلباسى ن.ءا.نازارباەۆتىڭ «قازاقستان­نىڭ ءۇشىنشى جاڭعىرۋى: جاھان­دىق ءبا­سەكەگە قابىلەتتىلىك» اتتى قازاق­ستان حالقىنا جولداۋىن تالقىلاۋ ماق­ساتىندا الماتى قالاسىن­داعى تۇرك­سiب اۋدانىنا قاراستى №83 مەكتەپ-گيمنازيا ۇجىمىمەن كەزدەستى. كەزدەسۋدە ءسوز سويلەگەن پارلامەنت ءماجى­­­لى­سىنىڭ دەپۋتاتى, «اق جول» فراك­تسيا­سىنىڭ مۇشەسى ە.نيكيتينسكايا جول­داۋدىڭ ءمان-ماڭىزى مەن ەرەكشەلىگىن كوپشىلىككە كەڭىنەن ءتۇسىندىرىپ, وندا كور­سەتىلگەن بەس باسىمدىقتىڭ ارقايسىسى­نا جەكە-جەكە توقتالدى. اسىرەسە, ول ءبىلىم الۋ­دىڭ قولجەتىمدىلىگىن قامتاماسىز ەتۋ ماسە­لەلەرىنە ەرەكشە نازار اۋدارىپ, جان-جاقتى تالداپ بەردى. حالىق قالاۋلىسى, اسىرەسە, ماڭىزدى سالالاردىڭ ءبىرى بولىپ تابىلاتىن ءبىلىم بەرۋ ماسەلەسىن تەرەڭنەن ءسوز ەتتى. «مەملەكەت باسشىسى جولداۋىنىڭ ءتور­تىن­شى باسىمدىعى ادامي كاپيتال ساپا­سىن جاق­سارتۋعا ارنالعان. بۇل – ءبىلىم بەرۋ, دەن­ساۋلىق ساقتاۋ, الەۋمەتتىك قام­سىز­­دان­دىرۋ سالالارىن دامىتۋ جونىندەگى ءجۇ­يە­لى كوزقاراس. ەكونوميكالىق ءوسۋدىڭ جاڭا مودەلىندە ءبىلىم بەرۋ ورتالىق بۋىن­عا اي­نا­لۋعا ءتيىس. بىرىنشىدەن, وقۋ باعدار­لا­ما­لارىن جاڭعىرتۋ, ياعني «سىني ويلاۋ قابىلەتىن جانە ءوز بەتىمەن ىزدەنۋ داعدىلارىن دامىتۋ, IT-ءبىلىمدى, قارجىلىق ساۋاتتىلىقتى قالىپ­تاستىرۋ» جونىندە مىندەت قويىلىپ وتىر. قازىر مازمۇنى جاڭارتىلعان وقۋ باعدار­لاما­لارى مەن وقۋلىقتارىن, سونداي-اق ءبىلىم الۋشىلاردىڭ وقۋ جەتىستىكتەرىن ءول­شەم­­شارت­پەن باعالاۋ جۇيەسىن كەزەڭ-كەزەڭ­مەن باي­قاپ كورۋ جۇمىسى اياقتالدى», – دەدى دەپۋتات. سۇحبات تۇرىندە وتكەن كەزدەسۋ بارى­سىن­دا وقۋ ورنىنىڭ ۇستازدارى كوكەي­لەرىن­دە جۇرگەن ساۋالدارىن قويىپ, تۇشىم­دى جاۋاپتار الدى. سونىمەن قاتار, جول­داۋدا كورسەتىلگەن مىندەتتەرگە وراي ءوز ۇسى­نىس­تارىن دا ءبىلدىردى. ال دەپۋتات ماڭىز­دى قۇجاتتا جۇكتەلىپ وتىرعان جاۋاپ­كەر­شىلىكتى تەرەڭ سەزىنۋگە جانە ونىڭ ورى­ندالۋىنا بىرگە اتسالىسۋعا شاقىردى. تالعات ءسۇيىنباي, «ەگەمەن قازاقستان» الماتى