ەرەكشە ىقىلاسپەن قابىلدانىپ وتىر

ءماجىلىس دەپۋتاتتارى امان­جان جامالوۆ, ساپار­حان وماروۆ, گلەب ششەگەل­سكي, ارتۋر پلاتونوۆ, دا­نيا ەسپاەۆا مەملەكەت باس­شى­سىنىڭ قازاقستان حال­قىنا ارناعان جولداۋىن ءتۇسىن­دىرۋ ماقساتىندا «قاز­حروم «تۇك» اق فيليالى – اق­توبە فەرروقورىتپا زاۋى­تى­­نىڭ ەڭبەك ۇجىمىمەن كەزدەستى. – بۇل قۇجات ءار ازاماتتىڭ الەۋمەتتىك جاعدايىن جاق­سار­تۋ ويلاستىرىلىپ, دايەكتى جازىل­عان. ونى ادەتتەگىدەي كۇش-ءجى­گەرىمىزدى بىرىكتىرە وتىرىپ, قىسقا مەرزىم­نىڭ ىشىندە جۇزەگە اسىرار بولساق, جول­داۋدا كوزدەلگەن ماقساتتارعا ەرتەرەك قول جەتكىزەرىمىز انىق, – دەدى ەلباسى جول­داۋىن ءتۇسىن­دىرگەن ارتۋر پلاتونوۆ. ءماجىلىس دەپۋتاتتارى زاۋ­ىت­­­­­تىڭ تىنىس-ءتىر­شىلىگىمەن تانىسىپ, الەمدە تەڭدەسى جوق جاڭا №4 تسەح­­تاعى مەتالل بال­قىتۋ ءۇردىسى­نە كۋا بول­­دى. بۇل تسەحتى 2014 جى­لى ەلباسى ن.ءا.نازار­باەۆ ىسكە قوسقان. قا­زى­ر­گى تاڭدا جاڭا زاۋىت ءوزى­نىڭ العاشقى ونىمدەرىن بەرە باس­تاعان. اقتوبە فەرروقورىتپا زاۋى­­تى­نىڭ ديرەكتورى مۇرات مۇ­قا­شەۆتىڭ ايتۋىنشا, مۇن­دا ءار ءتۇرلى ماماندىقتى يگەر­گەن 4 مىڭنان استام ادام تابىس­تى ەڭبەك ەتەدى. ونىڭ 3 مىڭ­نان استامى – «نۇر وتان» پار­تياسىنىڭ مۇشەلەرى. – ەلباسىنىڭ بيىلعى جول­داۋىندا «نۇرلى جەر» تۇرعىن ءۇي باعدارلاماسى نازارىم­دى ەرەكشە اۋداردى. وسى باعدار­لامادا 15 جىلدا 1,5 ميل­ليون وتباسىن باس­پانامەن قامتۋ كوزدەلگەن. ياعني, ءۇيسىز جۇرگەن جاستارىمىزدىڭ باسپانالى بولۋىنا مۇمكىندىك تۋىپ وتىر, – دەدى اقتوبە فەرروقورىتپا زاۋىتىنداعى №1 بالقىتۋ تسەحىنىڭ بالقىتۋشىسى عا­نى­بەك ەسەنجولوۆ. ال زاۋىتتاعى №2 بالقىتۋ تسەحى­­­نىڭ اعا شەبەرى اباي راح­مەتوۆ بيزنەس ورتانى تۇبەگەيلى جاق­­­سارتۋ مەن ونى كەڭەيتۋ تۋ­رالى باس­­تا­مالاردى ەرەكشە ىقى­لاسپەن قابىل­داعانىن جەت­كىزدى. تەمىر قۇسايىن, «ەگەمەن قازاقستان» اقتوبە وبلىسى