قازاقستان سىرتقى ىستەر مينيسترلىگى سولتۇستىك كورەيانىڭ بالليستيكالىق زىمىران ۇشىرۋىن ايىپتادى

قازاقستان رەسپۋبليكاسىنىڭ سىرتقى ىستەر مينيسترلىگى كورەي حالىق دەموكراتيالىق رەسپۋبليكاسىنىڭ بالليستيكالىق زىمىران ۇشىرۋىنا  قاتىستى مالىمدەمە جاسادى. «قازاقستان رەسپۋبليكاسى كحدر-دىڭ 2017 جىلعى 12 اقپاندا بۇۇ قاۋىپسىزدىك كەڭەسىنىڭ ءتيىستى قارارلارىن ورەسكەل بۇزىپ جاساعان بالليستيكالىق زىمىران ۇشىرۋىن قاتاڭ ايىپتايدى. جاپونيامەن بىرلەسىپ ياسجتش ءحىV بابى بويىنشا 9-شى كونفەرەنتسياعا تەڭ توراعالىق ەتە وتىرىپ, سونداي-اق بالليستيكالىق راكەتالاردىڭ تارالۋىنىڭ الدىن الۋ ءىس-قيمىلدارى جونىندەگى گااگا كودەكسىنە توراعالىق ەتە وتىرىپ, قازاقستان كحدر-دىڭ اسا جاۋاپسىز ارەكەتتەرىن يادرولىق قارۋسىزداندىرۋ پروتسەسىنە تەرىس ىقپال ەتەدى جانە ول وڭىرلىكپەن ءارى عالامدىق اۋقىمداردا دا قاۋىپ توندىرەدى, الەم مەملەكەتتەرىنىڭ باسىم بولىگىنىڭ يادروسىز بولاشاقتى قامتاماسىز ەتۋگە جۇمسالعان كۇش-جىگەرىنە كەرى اسەرىن تيگىزەدى دەپ ەسەپتەيدى», دەلىنگەن حابارلامادا. سونداي-اق, قازاقستان الەمنىڭ يادرولىق قارۋدان باس تارتۋى عالامدىق قاۋىپسىزدىكتىڭ كەپىلى ەكەنىنە كامىل سەنىمدى بولىپ, كحدر-دى قىتاي, رەسەي, اقش, كورەي رەسپۋبليكاسى جانە جاپونيانىڭ قاتىسۋىمەن التى جاقتى فورماتتاعى كەلىسسوزدەر ۇستەلىنە كىدىرمەي ورالۋعا جانە يادرولىق شامدانۋشىلىقتان  تولىق باس تارتۋعا شاقىرادى. ەسكە سالا كەتەيىك, بۇگىن سولتۇستىك كورەيا جاپونياعا قاراي جاپون تەڭىزىنە قاراي ورنالاسقان پحيونان-پۋكتو پروۆينتسياسىنداعى اۋە بازاسىنان بالليستيكالىق زىمىران ۇشىردى. رەيتەر اگەنتتىگىنىڭ حابارلاۋىنشا, وڭتۇستىككورەيالىق اسكەريلەر ونىڭ ۇشۋ جولىن باقىلاپ وتىرعان جانە زىمىران 500 شاقىرىم جەرگە دەيىن ۇشقان.