بەردىمۇحامەدوۆ تۇركىمەنستان پرەزيدەنتتىگى ءۇشىن سايلاۋدا داۋىس بەردى

تۇركىمەنستان پرەزيدەنتتىگىنە كانديدات, ەلدىڭ قازىرگى باسشىسى گۋربانگۋلى بەردىمۇحامەدوۆ وتباسىمەن بىرگە جەكسەنبى كۇنى تاڭەرتەڭ پرەزيدەنتتىك سايلاۋدا داۋىس بەردى. بۇل تۋرالى تۇركىمەن تەلەارنالارىنا سىلتەمە جاساپ ريا «نوۆوستي» حابارلادى. اشگاباتتاعى №68 مەكتەپتە ورنالاسقان سايلاۋ ۋچاسكەسىنە پرەزيدەنتپەن بىرگە ونىڭ اكە-شەشەسى كەلدى. داۋىس بەرۋدەن كەيىن بەردىمۇحامەدوۆ قىسقاشا ءسوز سويلەدى. «بۇكىل حالقىمىز ەل ءۇشىن ماڭىزدى وقيعاعا قاتىسۋدا. ميلليونداعان ادام كونستيتۋتسيالىق حۇقىن پايدالانىپ, ەرىكتەرىن ءبىلدىرىپ جاتىر. ولار بولاشاق الدىنداعى ۇلى جاۋاپكەرشىلىگىن سەزىنىپ, جوعارى مەملەكەتتىك قىزمەتكە الداعى جەتى جىلعا لايىقتى دەگەن كانديداتقا داۋىس بەرۋدە» دەدى ول. سايلاۋعا بارلىعى توعىز كانديدات ءتۇستى. جەرگىلىكتى ۋاقىت بويىنشا 07.00-دە (استانا ۋاقىتى بويىنشا 08.00) باستالعان داۋىس بەرۋ كەشكى 19.00-گە دەيىن جالعاسادى. داۋىس بەرۋگە قاتىسقان سايلاۋشىلاردىڭ جارتىسىنان كوبىنىڭ قولداۋىنا يە بولعان كانديدات تۇركىمەنستاننىڭ جاڭا سايلانعان پرەزيدەنتى بولىپ سانالادى. 2016 جىلدىڭ 14 قىركۇيەگىندە قابىلدانعان جاڭا كونستيتۋتسياعا سايكەس, پرەزيدەنت وكىلەتتىگى بەس جىلدان جەتى جىلعا ۇزارتىلدى. سونىمەن قاتار,پرەزيدەنتتىڭ جاسى 70-تەن جوعارى بولماۋى كەرەك دەگەن شەكتەۋ الىنىپ تاستالدى.