بۇگىن قىزىلوردادا «نۇر وتان» پارتياسى وبلىستىق فيليالى ساياسي كەڭەسىنىڭ كەڭەيتىلگەن وتىرىسى ءوتتى. وندا وتكەن جىلدىڭ قورىتىندىسى شىعارىلىپ, 2017 جىلدىڭ جوسپارلارى بەلگىلەندى.
جيىندى اشا وتىرىپ قىزىلوردا وبلىسىنىڭ اكىمى, «نۇر وتان» پارتياسى وبلىستىق فيليالىنىڭ توراعاسى قىرىمبەك كوشەرباەۆ بۇگىندە 13 اقپان كۇنى وتەتىن قىزىلوردا قالاسى اكىمىنىڭ حالىق الدىنداعى ەسەپتى كەزدەسۋىنەن باسقا بارلىق اۋىلدىق وكرۋگ, ەلدى مەكەن, اۋدان اكىمدەرىنىڭ ەسەبى وتكەنىن ايتتى. وبلىستىق گازەتتەردە 2016 جىلعى ايماقتىڭ الەۋمەتتىك-ەكونوميكالىق دامۋ قورىتىندىلارى جاريالاندى. 1 اقپاننان باستاپ وبلىس اكىمىنىڭ ورىنباسارلارى ەڭ وزەكتى ماسەلەلەر بويىنشا قوعامدىق تىڭداۋلار وتكىزسە, 31 قاڭتاردان باستاپ باسقارمالار مەن دەپارتامەنتتەردىڭ باسشىلارى قوعامدىق قابىلداۋلار وتكىزۋدە.
"31 قاڭتاردا ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋى جاريالاندى. ءبىزدىڭ ماقساتىمىز - وبلىستىڭ بارلىق تۇرعىنىن قامتيتىن كەڭ اۋقىمدى ءتۇسىندىرۋ جۇمىستارىن جۇرگىزۋ", - دەدى ق.كوشەرباەۆ.
پارتيانىڭ وبلىستىق فيليالىنىڭ ساياسي كەڭەس مۇشەلەرى وبلىس اكىمىنىڭ اعىمداعى جىلعى داعدارىسقا قارسى ءىس-قيمىل جوسپارىنا ۇسىنىستارىن ەنگىزدى.
