تەلەۆيزيا ۇزدىكتەرىن انىقتايتىن «تۇمار» ۇلتتىق بايگەسى جاريالاندى

ەرتەڭ, 12 اقپاندا «تۇمار» اتتى I ۇلتتىق تەلەۆيزيالىق بايگەسىنە قاتىسۋ وتىنىمدەرىن قابىلداۋ ناۋقانى باستالادى. شارانىڭ باستى ماقساتى – ەڭ ساپالى ءارى وزەكتى تەلەۆيزيالىق ءونىمدى انىقتاۋ, ىلگەرى جىلجىتۋ, كاسىبي مامانداردى قولداۋ. بايگەگە وتكەن جىلى ەفيرگە شىققان تەلەۆيزيالىق جوبالار قاتىسادى. وسىعان بايلانىستى ۇلتتىق جانە ايماقتىق تەلەكومپانيالار, ستۋديالار, پروديۋسەرلىك ورتالىقتار جانە باسقا دا مەديا ءوندىرىس ۇيىمدارى ۇمىتكەر رەتىندە قاتىسۋ ءۇشىن 24 اقپانعا دەيىن ءوز وتىنىشتەرىن جولداۋى ءتيىس. «تۇمار» بايگەسى مىنا 12 اتالىم بويىنشا بەرىلەدى: ۇزدىك دەرەكتى كينو; ۇزدىك الەۋمەتتىك جوبا; ۇزدىك اقپاراتتىق باعدارلاما; ۇزدىك اقپاراتتىق-ساراپتامالىق باعدارلاما; ۇزدىك مۋزىكالىق باعدارلاما; ۇزدىك توك-شوۋ; ۇزدىك تەلەۆيزيالىق سەريال; ۇزدىك ءازىل-سىقاق باعدارلاماسى; تەلەۆيزيالىق ماۋسىمنىڭ ۇزدىك جوباسى; تەلەۆيزيانىڭ دامۋىنا ۇلەس قوسقانى ءۇشىن; ۇزدىك ايماقتىق اقپاراتتىق باعدارلاما; ۇزدىك ايماقتىق الەۋمەتتىك باعدارلاما. بايگەنى ۇيىمداستىرۋشى - «قازمەديا ورتالىعى», شارا قازاقستان رەسپۋبليكاسىنىڭ اقپارات جانە كوممۋنيكاتسيالار مينيسترلىگىنىڭ قولداۋىمەن وتكەلى وتىر. قازىلار القاسى جولدانعان ماتەريالداردى ساراپتاپ, جاسىرىن داۋىس بەرۋ ارقىلى لاۋرەاتتاردى انىقتايدى. قازىلار القاسى قازاقستاندىق تەلەۆيزيانىڭ ەڭ كاسىبي ماماندارىنان جاساقتالادى. قوسىمشا اقپارات رەسمي سايتتا: www.tumar.kz, call center +7(7172) 55-36-36, ەلەكتروندىق مەكەن-جاي info@tumar.kz.