ۋنيۆەرسيادانىڭ جابىلۋ سالتاناتىندا بىرنەشە كوشەدە كولىك قوزعالىسى شەكتەلەدى

الماتى ءىىد ۋنيۆەرسيادا-2017 جابىلۋ سالتاناتىندا جول قوزعالىسى شەكتەلەتىن باعىتتار تۋرالى حابارلادى. «2017 جىلى 8 اقپان كۇنى ساعات 13:00-دەن باستاپ, سالتاناتتى ءراسىمنىڭ اياقتالاتىن ۋاقىتىنا دەيىن مومىش ۇلى كوشەسىنىڭ رىسقۇلوۆ داڭعىلى مەن اقىن سارا كوشەلەرىنىڭ اراسىنداعى بولىگى ەكى باعىتتا دا جابىق بولادى», – دەلىنگەن حابارلامادا. سونىمەن قاتار, پوليتسەيلەر ازاماتتارعا جول مارشرۋتتارىن الدىن الا جوسپارلاۋعا جانە جول ەرەجەلەرىن قاتاڭ ۇستاۋعا شاقىرادى. الماتى اكىمدىگىنىڭ حابارلاۋىنشا, 8 اقپان كۇنى وتەتىن ۋنيۆەرسيادانىڭ جابىلۋ سالتاناتىندا «الماتى ارەناعا» جانكۇيەرلەر مەن مەيمانداردى جەتكىزۋ كەزىندە قوسىمشا مارشرۋتتار دايىندالادى. ارنايى كولىكتەر قالانىڭ ەكى جەرىندە قىزمەت كورسەتپەك, اۆتوبۋستار 15:00-17:30 ساعاتتا قاتىناي باستايدى. 1. ورتالىق ستاديون - «الماتى ارەنا» مۇز كەشەنى; 2. استانا الاڭى (قبتۋ) - «الماتى ارەنا» مۇز كەشەنى. ءجۇرۋ اقىسى - 100 تەڭگە.