پاتريك حاركەردىڭ سوزىنەن كەيىن تەڭگەنىڭ باعامى كوتەرىلىپ كەتتى

KASE-ءنىڭ كۇندىزگى سەسسياسىنىڭ قورىتىندىسى بويىنشا تەڭگەنىڭ دوللارعا شاققانداعى ورتاشا باعامى 323,26 تەڭگەنى قۇرادى. ال تاڭعى جانە كۇندىزگى سەسسيالاردىڭ قورىتىندىسى بويىنشا 323,05 تەڭگە بولدى. كەشەگى سەسسيادا 14 ايدان بەرگى مينيمۋمعا تۇسكەن تەڭگە باعامى بۇگىن قايتا كوتەرىلە باستادى. وعان سەبەپ كەشە 57 دوللاردان اسقان مۇناي باعاسىنىڭ بۇگىن استانا ۋاقىتىمەن تاڭعى ساعات 09:00-دا 0,5 پايىزعا دەيىن ارزانداپ, 55,91 دوللارعا تومەندەۋى. ال كۇندىزگى ساعات 16:00-دە برەنتتىڭ باررەلى 55,58 دوللارعا دەيىن ارزاندادى. ساراپشىلاردىڭ پىكىرىنشە, مۇنايدىڭ قىمباتتاۋىنا دوللاردىڭ نىعايۋى سەبەپ. كەشە اقش فەدەرالدى رەزەرۆ جۇيەسىنىڭ فيلادەلفيا شتاتىنداعى توراعاسى پاتريك حاركەردىڭ سوزىنەن كەيىن دوللاردىڭ وزگە ۆاليۋتالارعا شاققانداعى باعامى كۇرت كوتەرىلگەن. ويتكەنى حاركەر الداعى ناۋرىز ايىندا اقش فەدلەرالدى رەزەرۆ جۇيەسى دوللاردىڭ بازالىق ۇستەمەسىن كوبەيتۋى مۇمكىن ەكەنىن ايتقان ەدى. وسى سوزدەن كەيىن دامۋشى ەلدەردىڭ ۆاليۋتالارى دوللارعا شاققانداعى باعامىندا بىرنەشە پۋنكتكە تومەندەپ كەتتى, دەپ جازادى investing باسىلىمى.