بالالاردىڭ قۇقىعىن قورعاۋ سالاسى بويىنشا بەلسەندى ۇندىستاندىق كايلاش ءساتيارتيدىڭ نوبەل مەدالىن ۇيىنەن ۇرلاپ كەتتى, دەپ جازادى BBC.
مەدالمەن قوسا ءساتيارتيدىڭ نوبەل سىيلىعىن العان كەزدە بەرىلگەن سەرتيفيكاتى دا ۇرلانعان.
ساتيارتي كامەلەتتىك جاسقا تولماعانداردىڭ جۇمىس كۇشىن پايدالانۋعا جانە ۇندىستانداعى بالا ساۋداسىنا بەلسەندىلىگى ءۇشىن 2014 جىلى نوبەل سىيلىعىن العان ەدى.
بۇل سىيلىقتى ساتيارتي پاكىستاننىڭ قىز بالالارعا ءبىلىم بەرۋ سالاسىنداعى بەلسەندىسى مالالا يوسافزايمەن بىرگە العان بولاتىن.
ءساتيارتيدىڭ ءوز سوزىنشە, قازىرگى تاڭدا دەلي پوليتسياسى ءىستى قاراپ جاتىر.
"ەسىكتىڭ قۇلپى بۇزىلىپ, مەدال جانە سەرتيفيكاتپەن قوسا وزگە دە زاتتار جوعالعان", - دەيدى نوبەل سىيلىعىنىڭ يەگەرى.
