جانات جاقيانوۆ جاڭارتىلعان رەيتينگتە كوش باستادى

بۇگىن, ياعني 7 اقپان كۇنى بۇكىلالەمدىك بوكس اسسوتسياتسيا (WBA) ءوزىنىڭ رەسمي سايتىندا بىلعارى قولعاپ شەبەرلەرىنىڭ جاڭارتىلعان ءتىزىمىن جاريالادى. ول ءتىزىم بويىنشا جانات جاقيانوۆ كوش باسىندا تۇر, دەپ حابارلايدى vesti.kz. جاڭارتىلعان ءتىزىم بويىنشا جەڭىل سالماقتا (53,42 كەلى) قازاقستاندىق بوكسشى جانات جاقيانوۆ كوش باستاپ تۇر. ەكىنشى ورىندا دومينيكالىق حۋان كارلوس پايانو تۇرسا, ءۇشىنشى ساتىعا ۆەنەسۋەلالىق ەنفرەز پارەحو ورنالاسقان. ورتا سالماقتاعى (66.68 كەلى) بوكسشىمىز جانقوش تۇراروۆ بۇل كورسەتكىشتە 11-ورىندا. ءدال وسى سالماقتا ءبىرىنشى ورىنعا تايلاندتىق تەۆا كيرام تۇراقتاعان. ودان كەيىن امەريكالىق لامونت پيتەرسون تۇرسا, ۇشتىكتى يسپانيالىق بوكسشى كەرمان لەدجاراحا تۇيىندەدى. ال ءبىرىنشى ورتا سالماق (69.85 كەلى) دارەجەسىندەگى بوكسشىمىز قانات يسلامعا ءتىزىمنىڭ ءتورتىنشى ساتىسىنان ورىن بۇيىرىپتى. ارگەنتيكالىق برايان كارلوس كاستانو بۇل سالماقتا كوش باستاسا, امەريكالىق دەمەتريۋس اندرادە – ەكىنشى, فرانتسيالىق ميشەل سورو – ءۇشىنشى ورىندا. ءبىرىنشى اۋىر سالماقتا (90.71 كەل) باعىن سىناپ جۇرگەن يسا اقبەرباەۆ رەيتينگتە 15-ورىندا. ال بەيبىت شۇمەنوۆپەن كەزدەسۋدەن باس تارتقىسى كەلىپ جۇرگەن يۋنيەر دورتيكوس ءبىرىنشى ساتىعا ورنالاسىپتى. گەرمانيالىق ماركو حۋك پەن ارمەنيالىق ارسەن گۋلاميريان ەكىنشى جانە ءۇشىنشى ورىنداردا تۇر.