2020 جىلى قازاقستاندا ونلاين-كرەديت الۋشىلار 2,5 ملن-عا جەتەدى

قازاقستاندا بانكتەردىڭ كرەديت بەرۋ ءۇردىسى سوڭعى جىلدارى باياۋلادى. بىراق بۇعان قاراماستان ونلاين-قارىز نارىعى ءبىرشاما وسكەن. ماماندار الداعى جىلدارى كرەديتتەۋدىڭ بۇل تۇرىنەن تۇسەتىن تابىس كولەمى 170 ملرد تەڭگەگە جەتەدى دەپ جوسپارلاپ وتىر, دەپ حابارلادى Smartzaim.kz. بۇگىنگى تاڭدا ەلىمىزدەگى ونلاين-قارىز الۋشىلاردىڭ سانى 350 مىڭعا جەتكەن. جوعارىداعى مالىمەتتەر وسى كورسەتكىشتىڭ اياسىندا تۇزىلگەن. بۇل ستاتيستيكا 2020 جىلى ونلاين-كرەديتتىڭ پايدالانۋشىلارى قازاقستاندا 2,5 ملن-عا  جەتەتىنىن ايقىندايدى. مۇنداي جاعداي قازاقستاندا عانا ەمەس بۇكىل الەمدە بايقالىپ وتىر. وسى سالانى دامىتۋعا ۇكىمەت تاراپىنان دا قىزىعۋشىلىق بايقالادى. قاراپايىم حالىق ءۇشىن ونلاين-قارىزداردىڭ قولجەتىمدى بولۋى سالىق ءتۇسىمى ارقىلى مەملەكەت بيۋدجەتىن تولتىرادى. ونلاين-كرەديت نارىعىنىڭ دامىپ كەلە جاتقانىنا قاراماستان, جالپى تۇتىنۋشىلىق كرەديتتەگى ونلاين-كارىز پورتفەلىنىڭ ۇلەسى ءالى دە 0,3%-دان اسپادى. وسىنىڭ اسەرىنەن بۇل نارىق ازىرگە سىرتتاي باقىلاۋدى قاجەت ەتپەيدى. بۇگىندە ءوزىن-ءوزى باسقاراتىن قاۋىمداستىق تۇتىنۋشىلاردىڭ قۇقىعىن ءوز موينىنا الىپ وتىر. الداعى ۋاقىتتاردا رەتتەۋدىڭ جاڭا مودەلى ويلاستىرىلىپ, ونلاين-كرەديت سەرۆيسىنىڭ قىزمەتى زاڭداستىرىلادى. قازىرگى تاڭدا ونلاين-قارىزداردى قازاقستاننىڭ ۇلتتىق بانكى باقىلامايدى. بۇل قىزمەتتى ۇسىناتىن كومپانيالار قر ازاماتتىق كودەكسىنە سۇيەنە وتىرىپ قىزمەت ەتەدى. بىراق ونلاين-كرەديت نارىعىنىڭ وكىلدەرى جاقىن ارادا قارجى رەتتەۋشىنىڭ نازارىنا ىلىگەمىز دەگەن ويدا. بۇل وسى قىزمەتپەن اينالىساتىن كومپانيالاردىڭ بارلىعى ليتسەنزيا الۋى قاجەت بولادى دەگەن ءسوز.