قازاقستاندا جاپپاي تۇماۋ تىركەلۋدە

قازاقستاندا جاپپاي تۇماۋ مەن جۇقپالى رەسپيراتورلى ۆيرۋستيا ينفەكتسيا (جرۆي) تىركەلۋدە, دەپ حابارلايدى قر تۇتىنۋشىلار قۇقىقتارىن قورعاۋ كوميتەتىنە سىلتەمە جاساپ. «ەپيدەميالىق ماۋسىمنىڭ باستالۋىمەن, 3 اقپان كۇنى 380 مىڭنان استام جرۆي, سونىڭ ىشىندە 1831 تۇماۋ جاعدايى تىركەلدى. جرۆي-مەن اۋىرعانداردىڭ نەگىزگى بولىگىن, ياعني 65 % 14 جاسقا دەيىنگى بالالار قۇرايدى. سالىستىرمالى تۇردە جرۆي-مەن اۋىرعان وقۋشىلار 20%, تۇماۋمەن اۋىرعان وقۋشىلار 13% بولدى. وتكەن اپتادا جرۆي جانە تۇماۋمەن اۋىرۋ كولەمى اپتالىق ەپيدەميالىق شەكتەن اسقان جوق», - دەلىنگەن حابارلامادا. ەپيدەمياعا قارسى جەدەل شارالار قابىلداۋ ماقساتىندا 1 جەلتوقساننان بەرى حالىقتىڭ وتكىر رەسپيراتورلى جۇقپالى ينفەكتسيامەن جانە تۇماۋمەن اۋىرۋ جاعدايىنا كۇندەلىكتى مونيتورينگ جۇرگىزىلۋدە. وسى ماسەلەنى ەسكەرە وتىرىپ, تۇتىنۋشىلار قۇقىقتارىن قورعاۋ كوميتەتىنىڭ اۋماقتىق بولىمشەلەرىنىڭ كەڭەسىمەن ءبىلىم بەرۋ باسقارمالارى ەپيدەميالىق ماۋسىم باستالعالى 26 تاربيەلەۋ جانە ءبىلىم بەرۋ ۇيىمدارىنداعى وقۋ پروتسەسىن ۋاقىتشا توقتاتتى. ءتورت مەكتەپتە وقۋ پروتسەسى قايتا جالعاستى. 3 اقپانعا دەيىن سولتۇستىك قازاقستان جانە شىعىس قازاقستان وبلىستارىندا 8 مەكتەپ پەن 3 مەكتەپكە دەيىنگى مەكەمە ۋاقىتشا جابىلدى, سقو-نىڭ 11 مەكتەبىندە ءىشىنارا سىنىپتاردا وقۋ ۇدەرىسى توقتاتىلدى.